السحب

**nice_bird** · 05-03-2011 01:23 PM

انا معيا بوما 1600 اوتوماتيك انا جبتها ماشية 45000 وعملتلها بعض الصيانات زي تغير تيل الفرامل والزيت بتاع الفتيس وفلتر الهوا وصاحبها كان قالي انو مغير تيل وجيهات بس التيل الميكانيكي قالي دا مفيهوش ميللي والايام دي وانا مسافر بالعربية لاحظت ان صوت العربية بيعلي في السحب العادي لغاية 60 تقريبا وكاني عامل كيك داون و بعيد يبدا يقل مع السحب وفي نفس الوقت بحس اني بزق العربية علشان تسحب ومش عارف السبب وكنت عايز اعرف اللي المفروض اعمله وخايف اودي العربية لميكانيكي يعكلي في الظبط بتاعها هل كدا في حاجة لازم تتغير وانا ناوي اغير بوجيهات كدا كدا لان صاحب العربية شكلوا كداب حبيتين !!!

**eldell** · 05-03-2011 04:43 PM

غير البوجيهات وجرب هتلاقى فى اختلاف والفلتر بتاع الهوا

**Hossambecks** · 05-03-2011 06:17 PM

المشاركة الأصلية كتبت بواسطة nice_bird

انا معيا بوما 1600 اوتوماتيك انا جبتها ماشية 45000 وعملتلها بعض الصيانات زي تغير تيل الفرامل والزيت بتاع الفتيس وفلتر الهوا وصاحبها كان قالي انو مغير تيل وجيهات بس التيل الميكانيكي قالي دا مفيهوش ميللي والايام دي وانا مسافر بالعربية لاحظت ان صوت العربية بيعلي في السحب العادي لغاية 60 تقريبا وكاني عامل كيك داون و بعيد يبدا يقل مع السحب وفي نفس الوقت بحس اني بزق العربية علشان تسحب ومش عارف السبب وكنت عايز اعرف اللي المفروض اعمله وخايف اودي العربية لميكانيكي يعكلي في الظبط بتاعها هل كدا في حاجة لازم تتغير وانا ناوي اغير بوجيهات كدا كدا لان صاحب العربية شكلوا كداب حبيتين !!!

انا كان عندي نفس المشكله
بس كانت العربيه عامله 11 الف
و غيرت فيلتر الهوا و البوجيهات و اكتشفت في الأخر ان زيت الموتور كان زايد و مخلي العربيه متسحبش و ادوس بنزين و صوتها يعلى
على الفاضي
اتأكد ان الزيت مش زايد
و راجع فيلتر البنزين لأنك معدي ال 40 الف
و انشاء الله خير

**nice_bird** · 05-03-2011 07:44 PM

زيت الموتور كان زايد و مخلي العربيه متسحبش و ادوس بنزين و صوتها يعلى
على الفاضي
اتأكد ان الزيت مش زايد
و راجع فيلتر البنزين لأنك معدي ال 40 الف
و ان شاء الله خير

هوا فعلا يا باشا زيت الموتور زايد في المقاس بس حاجة بسيطة وانا مركب الفلتر جديد وغالبا البوجيهات جديدة حضرتك نقصتو ازاي غيار جديد ولا ايه

**Ramy Reda** · 05-03-2011 08:34 PM

تاكد من غلق عمة الفلتر جيدا لان ذللك بيعلى الصوت جدا و يقلل السحب

**M.Nasr** · 05-03-2011 10:02 PM

الفلاتر تغييرها بيفرق جدا فى السحب : فلتر الهوا والبنزين . جرب تنضف فلتر الهوا وشوف لو فيه فرق ولو فلتر البنزين ماتغيرش من الفابريكة غيره بردو بس ماتجيبش غير الاصلى والبوجيهات ال ngk الطقم بيعمل 45 جنيه بس اكشف الاول على البوجيه لو كان واخد رطوبة

**abdalah_hashem** · 05-03-2011 10:12 PM

غيرلها الفلاتر والبوجيهات وان شاء الله تبقى زى الفل

**Hossambecks** · 06-03-2011 12:15 PM

المشاركة الأصلية كتبت بواسطة nice_bird

هوا فعلا يا باشا زيت الموتور زايد في المقاس بس حاجة بسيطة وانا مركب الفلتر جديد وغالبا البوجيهات جديدة حضرتك نقصتو ازاي غيار جديد ولا ايه

انا غيرته خالص في البنزينه بس اظطريت اغير فلتر الزيت طبعا

**nice_bird** · 06-03-2011 02:04 PM

شكرا ع الرد يا رجالة انا روحت لميكانيكي قفالي علبة الفلتر كويس والصوت اتظبط شوية بس قالي ان في وساخة بنزين وعادي هتروح وحدها وانا نويت اغير بوجيهات واريح نفسي