إستفسار في السيارة e39

**inspiron** · 05-03-2011 07:58 PM

صديق لي معاه عربية 520i موديل 2001 وعاملة حوالي 146000 كيلو متر.العربية ممتازة في كل حاجة..لكن منذ أيام كان بيشتكي من موضوع غريب شوية.

العربية في الدوارة صباحا مفيهاش أي مشاكل...بعد ما يعمل بيها مشوار ويركنها لمدة 10 دقايق ربع ساعة مثلا.مترضاش تدور من أول مرة ولما تدور بتكون كسولة كده في الدوارة.يعني في لحظة الدوارة تلاقي الـ rpm بيطلع بالراحة كده لحد ما يستقر والعربية تبقي عادية.الكلام ده لما العربية تسخن فقط.أما لو كانت باردة بتدور علي طول..وهو بيقول إن واضح تأثير الموضوع ده في السحب في بعض الأحيان.مش علي طول. فما تفسير ذلك...

الحاجة التانية بقي السينسور بتاع الإكصدام.بردو لما تدور العربية الصبح ويدي مرشيدير السينسور يدي زنة طويلة كده ويسكت خالص. وميشتغلش بعد كده. ما تفسير ذلك؟

طبعا الراجل بيسألني بحكم إني معايا 523i وفاكر إني بعرف أحل كل مشاكلها..وأنا بصراحة مش عاوز شكل يبقي وحش

**farahat** · 06-03-2011 12:28 AM

المشاركة الأصلية كتبت بواسطة inspiron

صديق لي معاه عربية 520i موديل 2001 وعاملة حوالي 146000 كيلو متر.العربية ممتازة في كل حاجة..لكن منذ أيام كان بيشتكي من موضوع غريب شوية.

العربية في الدوارة صباحا مفيهاش أي مشاكل...بعد ما يعمل بيها مشوار ويركنها لمدة 10 دقايق ربع ساعة مثلا.مترضاش تدور من أول مرة ولما تدور بتكون كسولة كده في الدوارة.يعني في لحظة الدوارة تلاقي الـ rpm بيطلع بالراحة كده لحد ما يستقر والعربية تبقي عادية.الكلام ده لما العربية تسخن فقط.أما لو كانت باردة بتدور علي طول..وهو بيقول إن واضح تأثير الموضوع ده في السحب في بعض الأحيان.مش علي طول. فما تفسير ذلك...

الحاجة التانية بقي السينسور بتاع الإكصدام.بردو لما تدور العربية الصبح ويدي مرشيدير السينسور يدي زنة طويلة كده ويسكت خالص. وميشتغلش بعد كده. ما تفسير ذلك؟

طبعا الراجل بيسألني بحكم إني معايا 523i وفاكر إني بعرف أحل كل مشاكلها..وأنا بصراحة مش عاوز شكل يبقي وحش :0002014a:

الأخ الفاضل صاحب السؤال ، اتوقع يكون العيب في موضوع الدوارة دة ليه علاقة بحساس الكامة ، هو اللي ممكن يعمل كدة .

أما موضوع الباركينج سنسور دة غريب شوية ، عندي سؤال للتوضيح ، هل هما نازلين في العربية يعني بتوع bmw الأصلي ولا صديق حضرتك هو إلي مركبهم ؟

ماتقلقش شكل حضرتك مش هيكون وحش أبداً أمام صديقك طول ما وراك رجالة المنتدى هنا إن شاء الله

**inspiron** · 07-03-2011 02:19 AM

المشاركة الأصلية كتبت بواسطة farahat

الأخ الفاضل صاحب السؤال ، اتوقع يكون العيب في موضوع الدوارة دة ليه علاقة بحساس الكامة ، هو اللي ممكن يعمل كدة .

أما موضوع الباركينج سنسور دة غريب شوية ، عندي سؤال للتوضيح ، هل هما نازلين في العربية يعني بتوع bmw الأصلي ولا صديق حضرتك هو إلي مركبهم ؟

ماتقلقش شكل حضرتك مش هيكون وحش أبداً أمام صديقك طول ما وراك رجالة المنتدى هنا إن شاء الله

أوبااااااا...يعني إيه بقي حساس الكامة ده..حاجة خطيرة يعني ولا عادية.وعبارة عن إيه؟

بالنسبة للسينسور ده نازل مع العربية

**farahat** · 07-03-2011 03:33 AM

أسف نسيت الشرح ،
حساس الكامة دة بيكون راكب على الكامة وفي المواتير ذات ال-4 صبابات على كل إسطوانة بيكون فيه حساسين كامة عشان فيه كامتين .
المشكلة عادةً بتكون في الحساس إلي على كامة السحب (الصنايعية بيسموها كامة بنزين ) ، دور الحساس دة إنه يزبط توقيت الحقن بتاع الوقود مع توقيت فتح وغلق الصبابات وبالتالي مع دوران المحرك ،
لو التوقيت دة مش مظبوط بيكون أداء المحرك أقل من الطبيعي ومش بيدور في الاول بسهولة .

**inspiron** · 07-03-2011 04:33 AM

المشاركة الأصلية كتبت بواسطة farahat

أسف نسيت الشرح ،
حساس الكامة دة بيكون راكب على الكامة وفي المواتير ذات ال-4 صبابات على كل إسطوانة بيكون فيه حساسين كامة عشان فيه كامتين .
المشكلة عادةً بتكون في الحساس إلي على كامة السحب (الصنايعية بيسموها كامة بنزين ) ، دور الحساس دة إنه يزبط توقيت الحقن بتاع الوقود مع توقيت فتح وغلق الصبابات وبالتالي مع دوران المحرك ،
لو التوقيت دة مش مظبوط بيكون أداء المحرك أقل من الطبيعي ومش بيدور في الاول بسهولة .

يا باشا أنا متشكر جدا لتعب حضرتك..طيب وبالنسبة للسنسور ده إيه نظامه..

أنا هعرض علي حضرتك المشكلة تاني..لما العربية تكون دايرة الصبح بدري وأديها مرشدير.السينسور بيدي زنة طويلة وبعدين يسكت خالص..وميشتغلش نهائي بعد كده.تفتكر العيب ده يكون في إيه؟ وإيه هي طرق الكشف عليه وإيه اللي ممكن يتعمل يشغله تاني.أنا آسف تعبتك معايا.

**naser_56** · 07-03-2011 06:59 PM

المشاركة الأصلية كتبت بواسطة farahat

أظن كدة فيه مشكلة في واحد من الحساسات ، حضرتك فوق واحد واحد وجرب بدون الحساس دة وشوف هيشتغل ولا لا لحد ما تحدد المشكلة في مين فيهم ويتغير .

بالضبط كده في واحد من الحساسات عطلان او الفيشه بتاعته مش راكبه كويس كانت عندي نفس المشكله واتحلت بتغيير الحساس واتاكد من الحساس الي فوق الشكمان هو دايما الي بيعطل بسبب حراره الشكمان وبعدين خد بالك من نقطه لو فصلت الحساس من الفيشه بتاعته هيديك نفس الصوت بمعني انك مش هتعرف تفحصه عن طريق فكه علشان هيديك نفس الصوت ولذلك لابد من من توفر حساس ذياده لديك علشان تفصل واحد وتركب الجديد مكانه وتجرب لغايه ما توصل للحساس العطلان وبدايه جرب موضوع انك تشوف الفيش راكب كويس ولا لا