الثوار يقتحمون المبنى الرئيسى لامن الدولة بمدينة نصر ويعثرون على ادوات تعذيب ومستندات

الثوار يقتحمون المبنى الرئيسى لامن الدولة بمدينة نصر

استطاع المتظاهرون اليوم منذ ساعات قليلة اقتحام مبنى امن الدولة بمدينة نصر ودخوله والسيطرة عليه والتحفظ على ما به من مستندات واجهزة
وقد علت اصوات المحتجزين طلبا للافراج عنهم ويتتبع المتظاهرون بمساعدة القوات المسلحة الاصوات فى محاولة للوصول لاماكن احتجازهم السرية
وقد ادى المتظاهرون صلاة العشاء داخل مقر امن الدولة

http://a1.sphotos.ak.fbcdn.net/hphot..._3720468_n.jpg

كما تمكن المتظاهرون من العثور على اداة تعذيب بالكهرباء تسمى الشواية
تستخدم فى تعذيب المحتجزين لاجبارهم على الاعتراف بما يرغبون


http://a8.sphotos.ak.fbcdn.net/hphot..._5945332_n.jpg

http://a3.sphotos.ak.fbcdn.net/hphot..._8255368_n.jpg

http://a7.sphotos.ak.fbcdn.net/hphot..._5364704_n.jpg

يا رب الأدلة دي تتقدم بسرعة للجهات المسؤولة علشان يحاسبوا القيادات اللي في مباحث أمن الدولة

رجعت خلاص من امن الدولة و شاركت فى المظاهرات و اقتحمت المكان
اللى حصل كالاتى
الجيش اللى فتح البوابات
كمية ورق مفرومة غير طبيعية
قبضنا على عربية زبالة فيها ورق مفروم و حاول يدهس مواطنين 2
مفيش ولا عسكرى و لا ضابط موجود هناك
الزنازين غير ادمية حجرة متر فى متر فيها حمام بلدى و مسطبة اسمنت
شفنا تقرير عن مرشحى مجلس الشورى فى الشرقية
شفنا صور متاخدة للناس فى التحرير
الزنازين مغسولة بديتول
مفيش مساجين هناك
فاكرين عربيات الامن المركزى اللى قولتلكم عليها امبارح واقفين مليانين ورق مفروم
جراج المبنى بالكامل ورق مفروم
لما وصل المستشار زكريا وريناه كل اللى لاقيناه
لاقينا عربية بيجو مصفحة
اتكلمت مع لواء فى الجيش عن السبب ان الجيش متحفظش على امن الدولة اول ما النظام وقع و ليه الورق اتفرم اول لما شفيق مشى
راح قاللى كلامك فى محلة و راح مسلم علية و قارص على ايدى و قال لى اوامر عليا
كان فى كمية ناس ملتحين كتيرة و كانوا بيهيجوا الناس و عمالين يكسروا زى ما يكونوا بيشفوا غليلهم بس كنا واقفنلهم بالمرصاد
كان فيه اجانب مصورين بس مش كتير و كانوا بيكمروا ورق بس الحمدلله علمنا عليهم

النهاية سقطت امبراطورية امن الدولة
بس اعتقد ان خلاص الورق اللى اتفرم مش هيرجع

اه حاجة واحدة امبارح التواجد الامنى الفظيع كان عشان بينقلوا المساجين و الورق

النائب العام جاى كمان شوية
العاشرة مساء صورت شوية

اه نسيت فى لسة نص المبنى محدش دخله لسة
اى استفسار انا فى الخدمة

يا ولاد ال............................. (الكلام ده على بتوع امن الدولة مش عليكم)

انتم بقى رجالة بجد و الله تسلم ايديكم
سؤال بس هو اتحرق فيه حاجة ولا لأ؟ و انا بعدي من جنبوا كل يوم علشان شغلي الدنيا حواليه عادي ولا اشوف سكة تانية؟

اقتباس:

---

المشاركة الأصلية كتبت بواسطة medo2o1o

رجعت خلاص من امن الدولة و شاركت فى المظاهرات و اقتحمت المكان
اللى حصل كالاتى
الجيش اللى فتح البوابات
كمية ورق مفرومة غير طبيعية
قبضنا على عربية زبالة فيها ورق مفروم و حاول يدهس مواطنين 2
مفيش ولا عسكرى و لا ضابط موجود هناك
الزنازين غير ادمية حجرة متر فى متر فيها حمام بلدى و مسطبة اسمنت
شفنا تقرير عن مرشحى مجلس الشورى فى الشرقية
شفنا صور متاخدة للناس فى التحرير
الزنازين مغسولة بديتول
مفيش مساجين هناك
فاكرين عربيات الامن المركزى اللى قولتلكم عليها امبارح واقفين مليانين ورق مفروم
جراج المبنى بالكامل ورق مفروم
لما وصل المستشار زكريا وريناه كل اللى لاقيناه
لاقينا عربية بيجو مصفحة
اتكلمت مع لواء فى الجيش عن السبب ان الجيش متحفظش على امن الدولة اول ما النظام وقع و ليه الورق اتفرم اول لما شفيق مشى
راح قاللى كلامك فى محلة و راح مسلم علية و قارص على ايدى و قال لى اوامر عليا
كان فى كمية ناس ملتحين كتيرة و كانوا بيهيجوا الناس و عمالين يكسروا زى ما يكونوا بيشفوا غليلهم بس كنا واقفنلهم بالمرصاد
كان فيه اجانب مصورين بس مش كتير و كانوا بيكمروا ورق بس الحمدلله علمنا عليهم

النهاية سقطت امبراطورية امن الدولة
بس اعتقد ان خلاص الورق اللى اتفرم مش هيرجع

اه حاجة واحدة امبارح التواجد الامنى الفظيع كان عشان بينقلوا المساجين و الورق

النائب العام جاى كمان شوية
العاشرة مساء صورت شوية

اه نسيت فى لسة نص المبنى محدش دخله لسة
اى استفسار انا فى الخدمة

---

شكـــــــــــــــــــــــ ـــــــــــــــــراً

اقتباس:

---

المشاركة الأصلية كتبت بواسطة gebreel

يا ولاد ال............................. (الكلام ده على بتوع امن الدولة مش عليكم)

انتم بقى رجالة بجد و الله تسلم ايديكم
سؤال بس هو اتحرق فيه حاجة ولا لأ؟ و انا بعدي من جنبوا كل يوم علشان شغلي الدنيا حواليه عادي ولا اشوف سكة تانية؟

---

مفيش حاجة اتحرقت
كان فى محاولات نهب تم التصدى لها

الله علي الثوار
يا رب يلغوا جهاز امن الدولة ده

زوال أمن الدولة أهم خطوة تحققت في الثورة بعد رحيل الرئيس المطرود مبارك

وكله بفضل الله تعالى

ربنا لك الحمد

عديت من جنبوا النهاردة الصبح على الساعة 7 صباحا و كان الوضع كالاتي
دبابة واقفة بعرض الطريق على الناحية اللي فيها امن الدولة و بتعدي عربية واحد بس و قببلها مدرعة قفلت الطريق من اول سور امن الدولة و الناحية الثانية اللي كنت فيها كلها اتجاهين رايح جاي

و الجيش مسيطر على ابراج المراقبة و حاطين شكاير رمل ناحيتها علشان لو عاوزين يضربوا نار و الوضع مسيطر عليه الحمد لله

اللهم أهلك الظالمين

اللهم خذهم أخذ عزيز مقتدر

اللهم آميييييييييييييييين

يارب أنصرنا على الظالمين

الحمد لله رب العالمين
بس المم يارجالة انها تكمل على خير و يتم النصر على كل رؤوس الفساد فى البلد
والله هتبقى جنة إنشاء الله

سؤال مهم ... لماذا لم يتم التحفظ علي جهاز امن الدولة وتجميد نشاطه عندما سقط النظام ؟؟؟
سؤال محتاج للاجابة

اقتباس:

---

المشاركة الأصلية كتبت بواسطة ghaleb

سؤال مهم ... لماذا لم يتم التحفظ علي جهاز امن الدولة وتجميد نشاطه عندما سقط النظام ؟؟؟
سؤال محتاج للاجابة

---

اقتباس:

---

المشاركة الأصلية كتبت بواسطة medo2o1o

اتكلمت مع لواء فى الجيش عن السبب ان الجيش متحفظش على امن الدولة اول ما النظام وقع و ليه الورق اتفرم اول لما شفيق مشى
راح قاللى كلامك فى محلة و راح مسلم علية و قارص على ايدى و قال لى اوامر عليا

---

سؤال وجيه وميدو جاوب عليه
اوامر عليا .......
عرفتو بقى ليه الناس كنت بتتظاهر علشان اسقاط حكومة شفيق ؟؟؟؟؟
الكلام موجه للناس اللي كانت زعلانة اوي ان المظاهرات والاعتصامات مستمرة في التحرير برغم سقوط مبارك وبيقولو ان كدة ضد مصلحة البلد وان الاقتصاد بيتأثر والبلد بتخسر
دلوقت بس اقدر اقولكم ان النظام بدأ في التهاوي والسقوط .... ودي مجرد البداية

:praying::praying::praying:
ان ربك لبالمرصاد

على فكرة أمن الدولة الى فى مدينة نصر لة فرع أخر بالقرب من المبنى الرئيسى يبعد حوالى مسافة مش كبيرة . هل دة حد أخد بالة منة أو عارفة. و مكانة غير معروف نسبيا و مستحيل تقريبا ملاحظتة

اقتباس:

---

المشاركة الأصلية كتبت بواسطة heshamzaky

على فكرة أمن الدولة الى فى مدينة نصر لة فرع أخر بالقرب من المبنى الرئيسى يبعد حوالى مسافة مش كبيرة . هل دة حد أخد بالة منة أو عارفة. و مكانة غير معروف نسبيا و مستحيل تقريبا ملاحظتة

---

قصد حضرتك اللي على ناصية شارع فريد شوقي قبل مطابع البريد و انت رايح على نادي السكة ولا فين؟!

اقتباس:

---

المشاركة الأصلية كتبت بواسطة gebreel

قصد حضرتك اللي على ناصية شارع فريد شوقي قبل مطابع البريد و انت رايح على نادي السكة ولا فين؟!

---

لا مش كدة دى فى قلب مدينة نصر بس الفكرة أن الخوف ليكون مفيش تأمين عليها

اقتباس:

---

المشاركة الأصلية كتبت بواسطة heshamzaky

لا مش كدة دى فى قلب مدينة نصر بس الفكرة أن الخوف ليكون مفيش تأمين عليها

---

ايوة فين يعني

اصلي ساكن في مدينة نصر عمري كولو و معرفش ان فيه ملحق لأمن الدولة هناك

اقتباس:

---

المشاركة الأصلية كتبت بواسطة gebreel

ايوة فين يعني

اصلي ساكن في مدينة نصر عمري كولو و معرفش ان فيه ملحق لأمن الدولة هناك

---

عند جامع نورى خطاب أنا متأكد مليار فى المية

اقتباس:

---

المشاركة الأصلية كتبت بواسطة heshamzaky

عند جامع نورى خطاب أنا متأكد مليار فى المية

---

يقال ان الارض الفضا ديه تابعة ليهم.مش هى ديه؟

وقريت امبارح على احد المواقع او شفته على شريط الاخبار انهم محاوطينها.وهحاول اجيب الخبر ده.

اقتباس:

---

المشاركة الأصلية كتبت بواسطة emo_ayman

يقال ان الارض الفضا ديه تابعة ليهم.مش هى ديه؟

وقريت امبارح على احد المواقع او شفته على شريط الاخبار انهم محاوطينها.وهحاول اجيب الخبر ده.

---

بالظبط هية عبارة عن جنينة عادية جدا فى الشارع المتقاطع مع مصطفى النحاس و لو كملت التقاطع تلاقى مبنى الحى يمينك و جامع نورى خطاب شمالك

اقتباس:

---

المشاركة الأصلية كتبت بواسطة heshamzaky

بالظبط هية عبارة عن جنينة عادية جدا فى الشارع المتقاطع مع مصطفى النحاس و لو كملت التقاطع تلاقى مبنى الحى يمينك و جامع نورى خطاب شمالك

---

انت بس يا باشا اعمل بحث على جوجل عن جامع نورى خطاب

ط¬ط§ظ…ط¹ ظ†ظˆط±ظ‰ ط®ط·ط§ط¨ - Google Search

اقتباس:

---

المشاركة الأصلية كتبت بواسطة emo_ayman

انت بس يا باشا اعمل بحث على جوجل عن جامع نورى خطاب

ط¬ط§ظ…ط¹ ظ†ظˆط±ظ‰ ط®ط·ط§ط¨ - google search

---

تسلم يا باشا أنا عارفة كويس جدا . و أنا مش شرطة نهائى و لا ليا دعوة بيهم و لا أحتكينا ببعض أصلا .

اقتباس:

---

المشاركة الأصلية كتبت بواسطة heshamzaky

تسلم يا باشا أنا عارفة كويس جدا . و أنا مش شرطة نهائى و لا ليا دعوة بيهم و لا أحتكينا ببعض أصلا .

---

انا اعرفه كويس برده لاننى كنت بغسل فى شل هناك وكلهم تقريبا عارفينه.

اه ما ده معروف هناك

تقريبا السجون او حاجة كدة

........ منقول من اليوم السابع .................
أمر النائب العام المستشار الدكتور عبد المجيد محمود بحبس 47 من ضباط وأفراد جهاز مباحث أمن الدولة، بعد أن أثبتت التحقيقات تورطهم فى وقائع حريق مستندات بمقار الجهاز وتواصل النيابة تحقيقاتها بسؤال بقية المسئولين عن هذه الوقائع.

يذكر أن كافة مقار مباحث أمن الدولة فى جميع أنحاء الجمهورية وما بها من مستندات وأجهزة أصبحت تحت سيطرة القوات المسلحة.

موضوعات متعلقة..
النيابة تحقق مع 75 من قيادات وأفراد أمن الدولة بـ 6 أكتوبر