سؤال لمحترفي التعامل مع المرور

**Engesso** · 07-04-2008 03:02 PM

أصدقائي الأعزاء، نويت إن شاء الله أشتري عربية جديدة، هشتريها من القاهرة بس ها رخصها في اسكندرية علشان انا اصلا اسكندراني بس شغال في القاهرة، إن شاء الله العربية هتكون زيرو، المفروض أعمل إيه؟؟؟

**hazem_khidr** · 07-04-2008 05:12 PM

اولا اهلا و سهلا بيك:)
ثانيا الف مبروك العربيه
.........
نخش في المفيد بقي :)
لو حتشتري العربيه من القاهره تتطلب من المعرض او الموزع اللي حتجيب منه العربيه
1.شهاده بيانات من مرور القاهره(الدراسه غالبا) موجهه الي المرور اللي حترخص فيه (ابيس او .... الخ )
2.خطاب مرور (خطاب من مدير مرور القاهره الي مدير مرور اسكندريه )
و بس كده
و تروح معاك صوره الافراج الجمركي و شهاده البيانات و خطاب المرور و تصور بطاقتك صورتين تلاته و تروح من بدري تشتري اورنيك الفحص و تفحص و تكمل باقي الاجراءات عادي.
و الف مبروك مره تانيه:)