حضرتك جربت تبعت لكريم منير علشان تقوله على اللى حصل ؟
ولا أفترضت مع نفسك أنه عارف و مش راضي يتدخل ؟
يا ريت نفترض حسن النية إلى أن يثبت العكس.
عموماً أنا بعت لكريم علشان يرد على حضرتك و يشوف المشكلة أيه.
السلام عليكم
اولا اشكر لحضرتك اسلوبك المهذب المحترم واللي لا اقبله نهائي لا منك ولا من غيرك وهالجأ لادارة المنتدي بشخصي وليس صفتي
انا كريم منير مالك ورشه نايل موتورز وطبعا انت ماتعرفش انا مين لانك متعاملتش معايا ولا تعرفني ولا شوفتني ولا كلمتني ولا انت بشخصك اتعاملت مع ورشة نايل موتورز
انا هاحكي الوضع امام الاعضاء لان ما تفعلة هو تشهير لا اقبله
وللتوضيح ايضا مركز بسام فايبر عامل اعلان مدفوع على المنتدي وليس كما تقول اقوم بشهرتهم ودعاية لهم وليس للمنتدي علاقة به وليس للمركز نايل موتورز للسمكرة والدهان علاقة بيه اطلاقا
وبعد الرجوع للفنيين في الورشة عندي وسؤالهم والرجوع للاجندة الخاصة باستلام الشغل
انت روحت لبسام واتفقت معاه على الشغل اللي بينك وبينه وده لا يخصنا اطلاقا كورشة نايل موتورز وانت ارتضيت بالمبلغ بينكم وايضا ده لا يخصنا
بعد ما خلص الشغل عندك وسلمك الشغل متركب انت فوجئت ان الفايبر غير مدهون واتخانقت معاه وكان العاملين بالورشة عندي شاهدين
وعشان يخلص بسام من الحوار اتفق هو وليس انت مع ورشتنا الملاصقة له تماما ان نقوم بدهان الفايبر سريعا والكلام ده كان وقت المغرب
فاخبرة احمد مدير الورشة عندي ان الشغل يحتاج لتجهيز ليوم ورش ثاني يوم لان الفايبر كخامة تستلزم تجهيزان خاصة غير دهانات البلاستيك العادية
بسام اتفق مع احمد انه يرشلك الفايبر وتستلمة بليل واحمد قاله ده ماينفعش فنيا قاله باللفظ اعملة وخلاص وانا المسئول
واتفق معاه على 250 جنيه وليس 400 كما تقول تقدر تسئل بسام في باقي المبلغ وليس نحن
والمبلغ ال 250 لان الفايبر هايتعمل بدون تجهيز كما قلت سابقا
وكانت النتيجة بعد خروج السيارة من الكابينة تقشير في الدهان لانه كان(زفر) بلغة الفنيين ولم ياخذ وقته في التجهيز
اما بخصوص ان العمال كان هايكسرولك العربية ده لم ولن يحدث من مركزنا اطلاقا لا معاك ولا مع اي عميل ومعاك انت محصلش لسببين
اولا ان دي ليست اخلاق العمال عندي اطلاقا وانا بقابل اي تهاون بكل حزم وشدة ويشهد بذلك كل عملائنا المحترمين اللي تعاملو معانا وما اكثرهم على صفحات المنتدي
ثانيا لانك لست العميل بتاعنا ومحصلش اتفاق معاك والاتفاق كان مع بسام فببساطة لو كان ليك اي عتاب او مشكلة في الدهان كنت هاترجع لبسام لانه هو اللي اتفق معاك وليس نحن
وما حدث بخصوص قولهم لك انهم هايكسرو العربية انك بعد استلام السيارة اخذت بالتشهير والزعيق لهم امام الورشة رغم انك ماتفقتش معانا على عمل واتفاقك مع بسام اخبروك بضرورة خفض صوتك وانك تقدر تكلم بسام وليس نحن لانه ليس لديك صفة معنا وكان كلامهم باسلوب حازم وليس تكسير السيارة وما اتبعتة من كلام
موضوعك هو رمي الناس بالباطل ولو عندك مشكلة مع بسام تقدر ترجعلهة او ليه مارجعتش كتبتها في وقتها في موضوعه
اسلوب غير مقبول كليا وزي ما قولتلك هارجع لادارة بشخصي وليس صفتي
شهادة حق ..
اولا من خلال تعاملى من ورشة نايل موتورز .. العمال اللى شغالين هناك ناس محترمة فى الاخلاق .. واللى بيدير المركز كريم منير .. وكل الناس تشهد على اخلاقه وعلى شغله .. وانا عملت شغل هناك .. وكثير من الاعضاء اتعاملت مع ورشة نايل ومع كريم منير ومع احمد قدورة
واحمد قدورة من الناس الاخلاق ولاد البلد .. بعد ما خلصنا شغل عنده والله اتشرفنا بمعرفته على المستوى الشخصى .. وياما فى عملاء والله اتعاملوا مع الورشة وكان بيكون فاضل فلوس وبيصبروا على الناس ايام وشهور .. وده اشهد عليه امام الله .. مش تحيز .. ده كان واقع وشوفته بعينى
لانهم بيكسبوا الناس وبيهتموا بسمعتهم جداااا
واى اعلان متواجد على موقع نايل .. مش عشان ندلع فيه .. ومش معنى وجود معلن عندنا يبقا ندلعه وانه يتحكم فينا
وعمر ادارة المكان حتسمح بكدا .. وعشان كدا بنقول للناس دايما عاوزين نعرف انطباعتكم
اما بقا بسام فيبر
انا واحد من الناس اتعاملت معاه .. وبصراحة هو انسان مادى .. وشغله مش بالمستوى المطلوب
وانا عامل عنده شغل عتب وكساحات .. ودفعت حوالى 1450 .. والعتب شقق من الاجناب
وعملى اسبويلر .. وقالى خد الاسبويلر ورشه .. وبعد ما ترشه حنركبه
وبعد كدا ورشة نايل رشته .. وكان تمام .. وانا قاعد من بعيد براقب الصنايعى اللى عندى بسام فيبر وبيركبه وبيحط سيلكون فى الاسبويلر وبيشيل السيلكون الزيادة .. فضل يقشر بسكينة المعجون .. بوظ البوية وقشرها .. ومسحها بالجاز .. ولما زعقت معاه .. تخيل رمى العيب على مين .. على الدهان .. وقالى اول مرة اشوف البويه بتقشر من الجاز
احمد قدروة اللى رش العربية .. جه وقاله .. الاكصدام مرشوش بردوا اهو .. ومسح بالجاز .. وقالى البوية مطلعتش يعنى
طبعا انا قولتله بطل افتراء يا بسام .. واتخنقت معاه .. وقولتله انا شايف الصنايعى اللى عندك .. بيقشر بسكينة المعجون ..
وبالفعل لما حكيت مع كريم .. ومع احمد قدروة .. مع ان دى مش غلطتهم .. عرضوا عليه اجى ارش الاسبويلر من تانى .. على حسابهم مع ان ده مش غلطتهم .. لانهم ناس محترمة
وبسام فيبر فعلا .. منه لله .. انسان جشع .. مع انه اللى بيطلبه بياخده .. وشغله مش بقا زى الاول ابدااااااا
واكيد عشان حضرتك منفعل .. بس صدقنى لو بصيت بهدوء .. حتلاقى ان الصح فين
بسام هو اللى غلطان ..
وكلام كريم مظبوط .. لان الفيبر بيكون زفر .. ولازم يتصنفر كويس ويطهر .. ويتمعجن وياخد يوم عقبال ما ينشف .. مينفعش يشتغل فيه على طول
وان شاء الله خير باذن الله
اضافة الى الى قائمة الاسعار لأنى لسه مغير طقم دبرياج اصلى 950 جنيه من شارع دمشق
كبالن اصلى يابانى 550 جنيه
ملحوظه هامه :-
طلمبة البنزين الموجوده بالاسواق غير موثوق فيها فياريت اللى عنده مشكله فيها ياخدها من التوكيل علشان الضمان
النهاردة غيرت تيل فرامل ريمسا اسبانى ب 190 جنيه و طنابير تايوانى ب 400 لنيسان تيدا من شارع شبرا
اخى الفاضل صاحب التعليق المحترم تحيه طيبه اولا توضيح بخصوص السيد بسام لقد اتفق معى بشأن عمل الكساحات المذكوره امامى وخلفى وعمل عتبتين وكان ذلك فى تمام الساعه الواحده والنصف ظهرا على ان يقوم بتسليمى الشغل فى اليوم التالى كامل مع التركيز جدا على كلمه كامل هذه اننى اشترطت عليه تسليمى الشغل بالطلاء الخاص بنفس لون السياره واكرر على ذلك مره اخرى اشترطت عليه ان المبلغ شامل تركيب الاغراض المذكوره ورشها ووافق على ذلك وبعد ان اشجانى بقوه خامات بضاعته ومقاومتها للكسر وانه يقوم بنفسه بصناعتها بورشته واكتشفت بعد ذلك انها بضاعه تأتى من الصين ما علينا واضطررت للمبيت لليوم الثانى بناء على اتفاق منه انه سوف يسلمنى الشغل كامل فى تمام الساعه الثانيه ظهرا اليوم التالى وحضرت اليوم التالى فى تمام الساعه التاسعه صباحا على حسب اتفاقه لى انه سوف يأتى مبكرا لاتمام باقى العمل وقد جاء فى تمام الساعه الواحده ظهرا ما علينا وقد تسلم منيى المبلغ بالكامل اول يوم عمل على اعتبار انه لا يحب اسلوب دفع جزء من الحساب والباقى عند التسليم واحترمت رغبته وفى اليوم التالى قام بتركيب باقى الشغل فى تمام الساعه الخامسه مساء برغم انه وعدنى انه سوف ينتهى من العمل وتسليمى الشغل بالكامل فى تمام الساعه الثانيه ظهرا بالرش وفوجئت به يحضر هذا الشخص المدعو احمد ويتفق معه على الرش وجاء ليفاجأنى بأن هذه الشغل سوف يتكلف 650 جنيه على رش عتبتين وكساحه اماميه وخلفيه بالاكصدامات ما علينا طبعا فوجئت ان الكلام اتغير كليتا وخصوصا انه تسلم منيى المبلغ بالكامل اول يوم قام فيه بالعمل فى السياره وعندما قلت له ان هذا ليس اتفاقنا اخذ يلف ويدور وانكر كلامنا السابق كليتا وانه لم يتفق معى على المبلغ بالرش برغم انه قد اتفق معى واكرر والله على ما اقول شهيد وكررتها له مرتين سوف تقوم بتسليمى الشغل مع الرش وسوف اتسلم الشغل كامل قال لى نعم ولم يحدث سوء فهم واكرر لم يحدث سوء فهم كليتا فقد كان الكلام بينا فى منتهى الوضوح ولم يكن به اى شائبه تدل على سوء فهم اى من كلانا للآخر المهم بعد مشادات وكلام دار بينا وحرق دم طبعا لانى لم اكن اتوقع اننى امام شخص يتسم بالمراوغه واللف والدوران مثل هذا الشخص المحترف فى المراوغه واللف والدوران ما علينا طبعا انا كنت جاى مخصوص من بلد تانيه للشخص ده ولم يكن فى الاستطاعه انى اسافر بالسياره بهذا المنظر البشع بدون رش الشغل المذكور لذلك فقد اضطررت بكل اسف انى اقوم برش الشغل قبل السفر واتفقت معه على تكمله الشغل وامرى لله واحتسبت ظلمه لى عن الله سبحانه وتعالى المهم نيجى بقى للاستاذ كريم منير صاحب ورشه نايل موتورز اولا انا معرفكش لا من قريب ولا حتى من بعيد ومفيش اى شيىء يخلينى ابالغ او اكدب بخصوص ما نسب للساده الافاضل اعضاء ورشتك اليى بكل اسف لم يذكروا لك الحقيقه بالتفصيل اول شيىء لقد لفت نظر العامل الذى كان يقوم بسحب المعجون على الاكصدام الخلفى انه يوجد كاميرا خلفيه بالاكصدام لكى يأخذ حزره بشأنها واكتشفت بعد ذلك انه قام بطمس معالم الكاميرا عند الذهاب بالسياره للفرن لطلاء العمل المذكور ده اولا ثانيا بعد الطلاء بالفرن وخروج السياره منه وجدت ان الشغل بالكامل بايظ تماما ذهبت للسيد احمد لكى اوضح له ان الشغل تالف وان العمل الذى كان يقوم بتنفيذ الشغل قد طمث لى معالم الكاميرا واصحبت الرؤيه منعدمه بها رد عليا بخصوص الشغل التالف فى الاول بقوله خلى البويه تنشف الاول اركن السياره على جنب بنفس اللفظ كده لانه واضح انه كان مخنوق اوى من موضوع انى قولت له ان العامل عندك اتلف لى الكاميرا الخلفيه المهم ركنت السياره جانبا زى مقال وكلمته مره اخرى بخصوص الكاميرا الخلفيه ان كان المفروض الصبى الموجود عندك ياخد باله وخصوصا انى بلغته ان فيه كاميرا خلفيه بالاكصدام والله على ما اقول شهيد رد عليا بلهجه فى منتهى السخريه بقوله وانا ايش ضمنى انك مكونتش جاى بالسياره والكاميرا بايظه!!!!! هو انت كنت سلمتلى السياره وشفت فيها الكاميرا سليمه قبل مالعامل يشتغل فيها!!!!!! طبعا بعد كلامه لى بهذه الطريقه الغير لائقه والمستفزه فى نفس الوقت خلاانى اخرج عن شعورى بالفعل وصوتى اختلط بلهجه عصبيه خلتنى اخرج عن شعورى بالفعل وقولت له هو انا جاى ارمى بلايا عليك؟ رد عليا وقالى سيارتك دى كانت عندى من 12 سنه فاتت اوعى تكون فاكر نفسك راكب سياره وعلى فكره سيارتى نيسان صنى موديل 2012 بالمناسبه والله على ما اقول شهيد رد عليا بنفس الكلام المذكور قمت قلت له يا سيدى ربنا يزيدك ولو سمحت انا مليش كلام معاك انا حروح اكلم البيه اليى رشحك اصلا انك ترش السياره وقمت رايح للسيد بسام وانا ماشى رايح قام قالى لى ودينى لو الفلوس بتاعتى مخدتهاش او انك خصمت منها مليم لاكسرلك العربيه روحت واقف وصوتى بدأ يعلى اكتر واكتر بقى لان اسلوبه زاد عن حد الاستفزاز لدرجه انه دخل فى هرتله وبلطجه وقمت قلت له لو انت جدع بقى فعلا كسرها عاوز اتفرج وقمت مكمل مشوارى للسيد بسام وقولت له تعالى يا سيدى شوف الاخ بيقول ايه اليى انت سيادتك مرشحهولى يرشلى السياره قام رايح معايا وسردت الموقف مره اخرى وقلت له ودينى انا بقى لاخصم تمن الكاميرا والشغل البايظ ده يتعمل قام رد السيد احمد مره تانيه وقالى لو انت عاوز الشغل يتظبط يبقى تستنى لبكره وطبعا مكانش ده اتفاقى اصلا مع السيد بسام قلت له اتصرف انا عاوز امشى الساعه بقت 11 بالليل ولازم ارجع انا معنديش وقت وللعلم ثمن الكاميرا حخصمه قام قالى خلاص حنخصم 200 جنيه حق الشغل اليى باظ والكاميرا طبعا انا كنت عاوز اخلص لانى فعلا كان لازم اسافر وارجع لان كان عندى شغل يوم الاحد ومكانش ينفع انى اخد اجازه بالمره قولت له خلاص ودفعت فى الاخر 450 جنيه ده كل اليى حصل بالتفصيل الممل بدون اى زياده او نقصان وانا مش من مصلحتى انى اكدب وارتكب وزر عند الله سبحانه وتعالى يوم العرض عليه على اعتبار انى بشهد على حد زور يا استاذ كريم منير انت لسه متعرفنيش اصلا انا بعرف ربنا اوى اوى اوى مش عشان شويه حسابات دنيويه فارغه اقوم اتهم الناس بالزور واتحمل مسؤليتهم يوم الدين عند ربنا سبحانه وتعالى انا بس حبيت اعرض الحقيقه كامله عشان الموقف اليى اتعرضتله موقف غير انسانى ويتسم بالاستغلال وبعدين حاجه صغيره اوى كده عالماشى ببساطه اوى كده اى شخص زى منتا مبتقول السيد بسام قال للسيد احمد اعمل وده على مسؤليتى تفتكر ان اى شخص صنايعى عنده ضمير وخايف على اسمه زى مبتقول يوافق على عمل شيىء على مسؤليه شخص تانى وهو عارف ان الشيىء ده حيطلع بايظ؟؟؟؟؟؟؟؟؟؟؟؟؟؟؟؟؟ فين الضمير هنا بقى يا سيد كريم بالله عليك!!!! عاوز اعرفه هو فين ياريت بقى لما تحب تدافع تحاسب الشخص المسؤل عندك على اى اساس سيادته قبل انه يقوم بشغل زى ده وهو عارف اصلا ان النتيجه بالظروف اليى انا حكيتها حتكون غير مشرفه اتمنى اكون افدتك ووضحت الصوره بشكل افضل من زى قبل ودمت ودام اعضاء المنتدى الكرام بخير وسلام والسلام عليكم ورحمه الله وبركات
ملحوظه مهمه بقى الكساحه الاماميه اليى السيد بسام كان بيقول فيها اشعار اتكسرت بمنتهى السهوله نتيجه ظلطه بحجم المشمشه وشلتها اما باقى الشغل تم عمله مره اخرى عند رجوعى وكلفى 650 جنيه دى معلومه صغيره كده من باب العلم بالشيىء وبخصوص الاستاذ ahmed.tv شكرا جزيلا لك اخى الفاضل بس حبيت انوه بشأن الاستاذ كريم لان واضح انك اتعاملت معاه وتعرفه معرفه شخصيه هو مكانش موجود اصلا يوم مكونت انا هناك وانا معرفهوش اصلا انا اتعاملت مع السيد احمد والعامل اليى كان بيجهز الاكصدامات واتلف لى الكاميرا فى الاكصدام الخلفى حبيت فقط انوه للسيد كريم عن شيىء مهم اوى عشان هو بيدافع بقلب كما لو انه مثلا كان حاضر وشايف الوضع ساعتها ان الصنايعى الصح ميقبلش انه يعمل شغل هو عارف نتيجته مقدما انها حتكون غير مشرفه على اعتبار ان صنايعى تانى قاله اعمل وعلى ضمانتى ويكون الضحيه فى الاخر العميل زى مكان بيقول الاستاذ كريم ان دى مشكله بينى وبين بسام فايبر لا طبعا الشخص الصح ميقبلش انه يقوم بعمل هو غير راضى عنه حتى لو كان شخص اخر اقنعه ان الشغل ده على ضمانته هو كما يقول الاخ كريم
طبعا مفيش رد من السيد كريم منير لانه عارف ومتأكد ان ردى على كلامه صحيح وهو ان مفيش اى صنايعى يتمتع بسمعه طيبه ويرعى الله سبحانه وتعالى فى عمله يقبل بأى حال من الاحوال انه يوافق على عمل شيىء هو عارف نتيجته مقدما انه حيكون غير مرضى بالمره فى سبيل حصوله على موافقه من صنايعى أخر بأخلاء مسؤليته وان العمل ده حيكون على ضمانه الصنايعى الآخر معدوم الضمير اليى قبل على نفسه غش الناس وكما تقول اتفق معك على 250 جنيه وابلغنى ان الشغل يتكلف 450 جنيه وبخصوص السيد احمد الذى يعمل بورشتك كما تقول فهو لا يشترك فى عمل مثل هذا ويضحى بسمعته واسمه فى سبيل مبلغ زهيد الا اذا كان هذا الشخص لا يهمه الا جنى المال اولا عن أخر ولا يسعنى الا انا اقول فى جميع الاحوال حسبى الله ونعم الوكيل فيما ظلمنى وفيما تسبب فى الاضرار التى لحقت بى وبسيارتى عند التعامل مع اشخاص لا يرعوا ضميرهم ولا يعملون الا لجنى المال وخلاص بغض النظر بقى لو كان المال هذا حلال او حرام
مشكور جدا اخ احمد علي مجهوداتك الرائعه ..