الموضوع: يا اهل نايل موتورز ... هل ظهر الحق بعد ؟

المشاركة الأصلية كتبت بواسطة thedeveloper87

معنى كده إن أمن الدولة لسه شغال
معنى ان فيه ترويج اشاعات انه لسه موجود


السؤال الأهم دلوقتي؟؟؟؟ كلاب أمن الدولة فين دلوقتي؟؟؟ وخدوا المساجين على فين؟؟ وهل ليهم مقرات سرية (في أماكن نائية يعني؟)
أسئلة كتير في دماغي ، مش عارف ، لسه مش مطمئن

لا لسه ما نتطمنش
لسه موجودين و مش هانتطمن قبل ما يتحاكموا كلهم

المشاركة الأصلية كتبت بواسطة ahmedjumpo

اعتقد ان وثيقة الفرم مزورة و الهدف منها نفى ان امر الفرم كان بعد استقالة الفريق شفيق
بمعنى انهم بيضحكوا علينا و يقولولنا ان موضوع الفرم ده قديم و الكلام ده مش صح
خلوا بالكم كل الاوراق اللى اتفرمت موجود منها نسخ اخرى تحت سيطرة الادارة الرئيسية
فى حاجة و الله اعلم هناك مقرات سرية بديلة تم نقل هذه الملفات و الاوراق ليها و اعتقد ان ضباط امن الدولة انتقلوا ليها و سيعملوا من خلالها و اخشى ان يكون هناك خطط للقيام بأعمال تؤدى الى فوضى عارمة لان ضباط امن الدولة هؤلاء ترعرعوا على الفكر التخريبى
و للاسف الشديد انا لا اعلم لماذا الجيش يتعامل بهذه السلبية الغريبة مع ضباط الداخلية و بالاخص مع امن الدولة و لماذا من بداية نزوله و حتى بعد تنحى مبارك لم يقم بفرض سيطرته على كل المقرات الامنية و التحفظ على ما بها منعا للتلاعب و لماذا لم يقم بحماية السجون و فرض سيطرته على القصور الرئاسية بما تحتويه من وثائق , هذه اهم الاماكن التى لابد من وضعها تحت سيطرة الجيش
اضف الى هذا التباطئ الشديد و المثير للشك فى اتخاذ القرارات و من ضمن الحاجات الغريبة ان الجيش قد اعلن فى العاشرة مساءا ان القصور الرئاسية مغلقة و لا يوجد احد فيها من بعد رحيل مبارك و لكننا فوجئنا بعدها بيومين ان زكريا عزمى و اتباعه كانوا متواجدين و يقومون بفرم للمستندات فما التفسير لذلك
فى النهاية يا جماعة لازم نخلى بالنا ان امن الدولة منتهاش طالما ان عناصره حرة طليقة و لابد ألا ياخذنا الفرح بسقوط مقراتهم الظاهرة لنا و ننسى ان الاهم من المقر هو الذين كانوا يعملون به اللى هما الضباط اللى الجيش ترك الكثير منهم حر دون التحفظ عليهم

أتفق معاك بشدة