الموضوع: مين اللى ماسك البلد دلوقتى ؟؟؟!!!

هتروق وتحلى
اللى بناخده على الناس بتوع مصطفى محمود انهم بيمارسوا حق كانوا بيهاجموا الناس اللى ضحت بحياتها علشان تجيبه

المشاركة الأصلية كتبت بواسطة fepsceasar

انا خايف يا سمارت اشك فيك بجد
كل مداخلاتك ماطمنش
ولا ايه يارجالة المنتدى

هو لازم الناس كلها تكون على نفس الرأى و إلا تبقى منشقة و خاينة و عميلة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
لا تقلق انا مش من اللجنة الألكترونية لكن أنا مش عاجبنى حالة الفوضى و التخبط اللى احنا عايشيين فيها اليومين دول
و اى واحد يحاول يبص للأمور من بعيد شوية و يسيب حماس الثورة شوية هيلاقى ان الموضوع مقلق شويتين تلاتة

المشاركة الأصلية كتبت بواسطة hagan

اخي الكريم
لن يستطيع الجيش ان يفعل ذلك بمفرده
الجيش يستطيع السيطرة حينما يساعده الشعب علي ذلك
كي يظهر (( البلطجي و الحرامي و المخرب ))
انما حتي الان
اما تظاهرات او اعتصامات او مطالب ووقفات احتجاجية (( فئوية ))
او تجمعات او اعتراضات
كل ده بيستلزم عدم مواجهة بعنف او بأي شده
لان ده بيترك اثر عكسي علي روح الود بين الشعب و الجيش
بس للاسف الشعب مش عارف ان المستفيد الوحيد من هذه الحالة التي تمر بها البلد هم (( الخارجون عن القانون )) بكل صورهم
سواء من رجال الشرطة او البلطجية او المساجين اللي بالالاف اللي لسه في الشوارع و سواء اللي خرجهم (( اهاليهم )) او (( النظام ))
فهذه ليست القضية الان القضية في ان اللمجرمين دول الاهم انهم يرجعو السجون تاني
و الاهم ان الامن يعود تاني
و بصراحة الناس من اسبوع (( خدمة )) امام منازلهم
اقسم بالله اغلبهم (( زهق )) مع ان معظمنا كان في اجازة اما اجبارية او للحماية التي فرضتها علينا الظروف
اللي نفسي اقوله انه يجب ان نصدق بعض
و يجب ان لا نقاد وراء (( مقال لفلان او لعلان ))


م.حاتم السباعي

كلامك كله حكيم و عاقل يا بشمهندس و لك منى كل تقدير و إحترام و انا متفق معاك فى كل اللى بتقوله

المشاركة الأصلية كتبت بواسطة hagan

اخي الكريم
انا واحد من الناس اللي رحت مصطفي محمود بعد خطاب (( مبارك ))
الاربعاء و كان من رأيي انه يكمل مدته
و بدون اعتراض خالص علي الناس اللي كانت في التحرير
فهم اهلي ايضا و كانو يمثلو الاغلبية
و بعدين ذهبت لمصطفي محمود مرة اخري يوم الجمعة
و طبعا رفضت ان اذهب للتحرير وقتها لعدم حدوث اي احتكاكات
و لم اكن اعلم طبعا بأنه ستحدث احتكاكات للاسف
و رفضت ان اذهب مجددا هناك كي اطالب بأستمرار حكومة شفيق
(( مع ان ده كان رأيي )) كي لا احدث فتنة و انشقاق كفانا ما نتعرض له حاليا
و دعوت من احد اصدقائي ان نخرج الجمعة مع (( الذين يطالبون بأنهاء الاعتصامات الان )) فقط بدون ان نهاجم احد
فقط المطالبة بأن هذه بلدنا كلنا و نرجو من اخواننا اللي في التحرير ان يتنازلو و يتبعو الاصول في النزول لرأي الاغلبية من الثوار
وهو تعليق الاعتصام و التظاهر
لترك الفرصة لرئيس الوزراء الجديد
يعني فيه ناس في مصطفي محمود لا يهاجمون ابدا الثورة
ولا يهاجمون ابدا الشرعية ولا الشهداء ولا اي احد
منهم فقط الذي يريد ان يوجه رسالة للذين لا ينزلون لرأي الاغلبية
بأن هذا يؤدي بنا للتفكك هذا (( ما و صلني من فكر صديقي ))
الذي لا اشك ابدا في نواياه و اقسم علي ذلك

م.حاتم السباعي

متفق معاك و انا قولت فى موضوع أخر انى كنت مؤيد لبقاء حكومة شفيق علشان الوضاع تستقر شوية لكن فى جزء كبير من الشعب معترض على انه يرحل لكن مش عاوز يتكلم علشان ميحصلش أنقسامات فى صفوف الشعب و ده مش فى صالحنا كلنا

المشاركة الأصلية كتبت بواسطة doctor_eid

بخصوص الثورة فلا اعتقد ان فيه حد في عقله السليم لا يؤيدها و لكن اذا كان الثوار هم قلب الثورة و الروح الحرة الطليقة فالانسان لا يعيش بقلبه فقط و انما لابد من عقل و ضمير. و ربنا سبحانه و تعالى خلق العقل و الضمير لكي يحاسب الانسان نفسه و يحسب حساب خطواته و نتائج افعاله

طبعا كلنا كنا زهقانيين من مبارك و الشلة اللى حوالية و أختلافنا فى الأراء فى كيفية التعامل مع الأمور بعد الثورة
لكن متهيألى أى واحد طبيعى و ملوش مصالح عند النظام القديم لازم يكون بيشجع الثورة خصوصا فى أولها لكن تبعات ذلك فيها اختلاف

المشاركة الأصلية كتبت بواسطة moe86

مش فاهم يا سمارت شويس ,عايز ترعب الناس يعنى ولا هدفك اية دلوقتى ؟!!
لو مرعوب أقعد فى بيتك و ما تتكلمش و خلاص !

هو المفروض أن أنا متكلمش و الناس متخدش بالها من الواقع اللى حوالينا علشان ميخافوش و يفضلوا يكسروا و يحرقوا و يعترضوا إلى الأبد و يمرمطوا الشعب كله معاهم و لا أية ؟؟

و بعدين هو كل واحد داخل يقولى لو خايف أستخبى يعنى بذمتك فى حد فى مصر مش خايف و بلاش دور الشجاعة الزائفة اللى الناس عايشة فى اليومين دول

أقسم بالله انا على أستعداد تام انى اموت و اتبهدل فى سبيل دينى و بلدى و أحارب أى عدو بصدر مفتوح لكن اللى بيحصل دلوقتى مشكلة داخلية و لازم نخاف لأن أى عواقب هتبقى بينا أحنا ولاد وطن واحد

المشاركة الأصلية كتبت بواسطة amahmed

نظرية القبضة الحديدة تنفع مع الاعداء و ليس داخل الوطن الواحد لانها ممكن تظلم شرفاء كتير
وجود منظومة عادلة و ذات كفاءة كفيل باعادة الامن و الاستقرار للمجتمع

مش فكرة قبضة حديدية يعنى ينزلوا ضرب فى الناس و يقمعوهم بس على الأقل الحظر يتطبق بشدة يتعمل لجان تفتيش فى كل الشوارع الرئيسية ليل نهار مثلا و يكون الكمين مكون من مجموعة كبيرة من الشرطة و معاهم واحد جيش و لا حاجة و بالتالى محدش هيقدر يعتدى على الشرطة الحلول كتير

ده من يومين كده كان فى خبر ان فى حوالى سبعة معاهم سيوف و بتاع راحوا بعربية نص نقل فى العجوزة و نزلوا قعدوا يهجموا على العربيات و المارة و عملوا ترهيب للناس لحد ما الجيش وصل راحوا واخدين بعضهم و جريين

الكلاب دول مجرد ما يشموا أن الأمن رجع هيرجعوا لجحورهم تانى


و ربنا يحمى مصرنا العزيزة و يحمينا من نفسنا و من اعدائنا