الموضوع: ثورة ليكس .... موضوع لتجميع وثائق امن الدولة المنهار

المشاركة الأصلية كتبت بواسطة som3aa

بالعكس الوثائق بتبين حاجات كتير و ناس منافقة علشان ناخد بالنا منهم و بتفضح ناس و حاجات كتير , ليه حاجة تبقى سر؟؟؟
تانى موضوع اهل بيتى , الوثائق اللى بتفضح بتفضح ناس بيتعاونوا مع الامن و انا اهل بيتى مش بيتعاونوا مع الامن !!

يعنى مثلا من اللى اتفضحوا قدام ناس كتير اللى نسنر على امن الدولة و لما حصلت مطالبات انه يمشى بداوا الفرم و قال ايه ناس بتقول نرشحه لرئاسة الجمهورية!!!!!!!!!!!!!!!!!

بعدين بالظبط لازم الورق نشوفوا علشان مفيش حاجة تستخبى بعد ما تتسلم لاى جهة!!!

أحنا عارفين أن أمن الدوله كان بيلفق تهم للناس
لما تتنشر وثيقه من الوثائق دى حضرتك هتصدقها وتقول دى ناس فاسده
هو ده قصد المهندس حاتم وأنا أوافقه ف الرأى
أديك مثل
شوف اللى حصل مع المشير أبو غزاله وفضيحة لوسى أرتين
لما الوثيقه تتنشر هتقول أيه عليه ( محدش أقتنع ساعتها بالكلام ده )
وأنت عارف أن ده كان وسيله لحرقه الله يرحمه كان أشرف الرجال

المشاركة الأصلية كتبت بواسطة SkyBird

ناقل الكفر ليس بكافر

أعتقد لأ
لما أنشر كتب للمحموعه اللى بتعبد البقره وطريقة العباده والغرض منها يبقى كفر ولا لأ
الرسول صلى الله عليه وسلم نهانا عن أننا نغتاب شخص أو بهتانه
حدثنا عفان قال حدثنا عبد الرحمن بن إبراهيم قال حدثنا العلاء عن أبيه عن أبي هريرة عن رسول الله صلى الله عليه وسلم أنه قال له : ما الغيبة يا رسول الله ؟ قال : ذكرك أخاك بما يكره ، قال : أفرأيت إن كان في أخي ما أقول يا رسول الله ؟ قال : إن كان في أخيك ما تقول فقد اغتبته ، وإن لم يكن فيه ما تقول فقد بهته .

يبقى ناقل الكفر وضعه أيه

المشاركة الأصلية كتبت بواسطة SkyBird

اللي يسألوا ليه البرادعي ميظهرش في التلفزيون حتى على القنوات الخاصة
سمعنا نجيب ساويرس وهو يقول لشفيق ان امن الدولة منعه ان يقدم حد من الاخوان على قناته
طيب نشوف المصيبه دي
ولا تعليق


حتى انت يا ليثي!!!

ده مثل على اللى يقصده المهندس حاتم
من كام يوم ناس كانت بتهاجم أحمد شفيق أنه منع برنامج عمرو الليثى
دلوقت يعنى مفروض يكون شفيق بطل وعمرو خاين
مش شرط لأن محدش يعرف صحة أو ظروف الوثيقه دى
بس ناس كتير هتكره عمرو الليثى ويحاربوه

المشاركة الأصلية كتبت بواسطة alynubira

حيطلبوا منكم عدم نشر الملفات عشان الدول الأجنبية متعرفش أسرار خطيرة عن مصر
أمن الدولة جهاز كله فساد و وظيفته كانت السيطرة علي الشعب المصر
مفيش معلومات بتنشر تضر أمن مصر .. كل ال.........لي بينشر هو ملفات فساد
____________________________
لما يبقى أمن الدولة عنده معلومات ممكن تضر الأمن القومي

يبقى المخابرات العامة عنده إيه ؟؟

المعلومات اللي الناس بتتكلم عليها دي عند المخابرات العامة مش عند أمن الدولة !!!

وبعدين أصلاً هو أمن الدولة كان بيعمل حاجه من أجل مصر ؟؟

عمر حد يفتكر حاجه أمن الدولة اكتشفتها ؟؟

فاكرين طابا ؟؟ الحسين ؟؟ الكنايس ؟؟ وغيره وغيره ..

أمن الدولة كله فضائح وبس .. عشان كده عايزيين يحرقوا الملفات

المشاركة الأصلية كتبت بواسطة SkyBird

شوية وهيدخل حبايب امن الدولة ويقوللك اوعى تنشر احسن تضر الامن القومي و و ومثل هذا الكلام الفارغ
وكاننا ننشر وثائق المخابرات العامة
اصلا امن الدولة كان بيتجسس على الشعب وليس له اي علاقة بالخارج وفضحه وكشف المنافقين افضل شئ سيحدث في تاريخ مصر
عايزين عهد جديد على نظافة

فيه أقسام كتير فى أمن الدوله زى مراقبة نشاط الأجانب وحاجات تانيه زى المخابرات العامه بس على صغير وده تنسيق بينهم
أجهزة الأمن القومى من ضمنها أمن الدوله علشان كده بيتقال تحديد مهامه وليس ألغاؤه .. يعنى نلغى الجزء السافل ونحافظ على الجزء الكويس
يعنى اللى بلغ بأحتمال حادثة الأقصر كان أمن الدوله والمخابرات العامه زى اللى بلغ بحادثة أديس أبابا المخابرات العامه



يعنى مش كل حاجه ممكن تتنشر لأنها ممكن تضر البلد أو تضر سمعه ناس أتظلموا من أمن الدوله ودلوقت بيتظلموا من البلد

المشاركة الأصلية كتبت بواسطة hagan

السلام عليكم
اسجل اعتراضي بشده علي هذا الموضوع
و اقول للاخ الكريم
اتمني ان تسأل شيخ فيما تنوي ان تفعل
و هل سوف يجازيك الله لو ان خبر من هذه الاخبار ملفق
او كاذب او مجهول
و هل ما تريد ان تفعله سوف تحمد عليه و تجازي به عند الله
هل النشر و سيلته اننا نعرف الناس ما كان يفعله هذا الجهاز
طب ما الناس عارفه
اظن الموقع يحمل طبقة كبيرة جدا بل اغلبيته من المثقفين و معظمه من خريجي الجامعات او مازالو يدرسون و يعلمون ما يمارس مع الطلبة
سواء جماعات اسلامية (( سلفية )) او اخوان او حتي معارضين
و من لم تواجه مشكلة شخصية سمع من قريب له
نحن الان في ازمة حقيقية
نشر اي شئ حاليا لا تدري ما الذي سوف يضرب
ممكن خبر صغير يصبح (( باعث لاحداث فتنة كبيرة ))
ارجو مرة ثانية من اخي الفاضل بحث الموقف جيدا
و نقول للجميع الان كل الوثائق مهمة جدا و لكن لمكانها الصحيح
سواء بالذهاب بها للجان تقصي الحقائق او للنيابة العامة او للنائب العام او للجيش او لاي كيان (( من حقة التدقيق و البحث ثم المحاسبة )) اما ان نشارك فضح ناس لا نعلم هل (( فعلو ذلك و لا لاء )) لمجرد انهم مكتوبين في ورقة و كمان لا نعلم الورقة دي اتكتبت فين و ازاي و ما الهدف منها
في رأيي البسيط ان هذا مخالف لشرع الله

م.حاتم السباعي

+1111111

احنا في وقت فتنة

لو شخص انت كنت معتبره مثل اعلى ليك...أو معتبره من كبار الثورا

وبعد كده لقيت وثيقة بتفول انه شاذ جنسيا

ايه العمل؟؟

بلاش ديه

مثلا وثيقة طلعت بتقول ان وائل غنيم ماسوني (وانت بتموت في وائل غنيم)

ووثيقة تانية بتقول ان الفريق شفيق كان أول واحد وقف لمبارك ضد استخدام الجيش في ضرب المتظاهرين (زانت اصلا كارهه جدا)

ايه العمل؟؟

العمل اما انك تشتري كله ...أو تبيع كله

أو نترك المستندات كلها في ايدي القضاة الشرفاء

لكن لو تركنا الحبل على الغارب....وثيقة واحدة غلط أو مزورة أو متلفقة هاتنتشر وسط 100 غيرها

وابقى قابلني لو عرفنا نعيد لاي شريف اعتباره

وخد بالك التاريخ بيسجل كل حاجة من يوم 25

في ناس عندها خلط بمفهوم عمل امن الدولة
بمعنى ان لو فيه تلفيق هيظهر خطواته في الوثائق دي
بمعني هتلاقي وثيقة تقول سيتم تلفيق كذا لكذا
بمعنى ان براءة ابو غزالة ممكن تظهر في الوثائق دي
بمعنى ان امن الدولة مش هيسيب وثيق ملفقة لأ هيسيب وثيقة يبين فيها خطوات التلفيق
وعموما لو مش عاجبكم الموضوع
ونكفي على المنافقين ماجور انا موافق لاني شايف الموضوع خرج عن هدفه وتحول لنقاش فرعي

لما أنشر كتب للمحموعه اللى بتعبد البقره وطريقة العباده والغرض منها يبقى كفر ولا لأ

لا عادي جدا لو حكيت حكاية ناس بتعبد بقرة لان القرآن سبق وذكر الذين عبدو العجل
وكتب التاريخ اللي ندرسها عن الهة الرومان والهة الفراعنة كلها كفريات لم تكفر احدا

يبقى ناقل الكفر وضعه أيه

يبقى ناقل الكفر ليس بكافر واقوال اهل العلم معروفة في ذلك

ولا علاقة له بالغيبة فاستشهادك لا محل له هنا
و الا تركنا فضح الفساد والتستر على جرائم النظام السابق بحجة ان ذلك ذكر لما يكرهون فهو غيبة