عمرو موسى طلع عميل لأمن الدوله

**tamer_a7** · 06-03-2011 02:40 PM

المشاركة الأصلية كتبت بواسطة memo_p910

استنى عندك هنا لو سمحت البرادعي قال انا هاشكل حكومه ؟؟؟؟؟؟؟؟؟؟؟؟؟؟؟؟؟
البرادعي عمره ما قال انا هاشكل حكومه انتو بتجيبوا الكلام ده منين

لازم دليل موثق حالا على كلامك ده والا تعتبر نفسك بتنشر شائعات زي أعضاء اللجنه الالكترونيه

علي فكره انا كنت من اكتر محبي البردعي حتي شاهدت تصرفاته ايام الثوره واحسيت فعلا انه بيحاول انه يقفز في كرسي القياده تماما
وعلي فكره هو قال انا مفوض للحديث من قبل الاحزاب وخرج الاخوان في ساعات يعلنون نحن لم نفوض احد
نزل التحرير وحضرتك لو كنت هناك زيي كنت عرفت انه كان حواليه بتاع الف او اتنين والباقي كانو منفضين تماماااااااااا
البردعي فعلا خسر شعبيته
وبعدين ليه نروح بعيد احنا ناس ديموقراطيه في بلد الحمد لله ديموقراطي انا حالا هنزل تصويت نشوف الناس هنا في المنتدي عايزه مين
اخير ولا اخرا بلاش ما بينا وما بين بعض اللي يخالفنا في الراي يبقي عميل وبتاع لجان الكترونيه وللعلم حبك او تايدك للبردعي يجي من برنامجه وشخصه كارئيس مصر القادم انما مش من الهجوم علي منافسيه
ولا كده يبقي احنا زي اخوانا البعدا

**otefa** · 06-03-2011 02:44 PM

المشاركة الأصلية كتبت بواسطة tamer_a7

رد منطقي

انا نفسي بلاش عميل وخاين ويجب ضربه بالرصاص
والنبي ما سالتش نفسك ليه الورقه دي خصوصا ما اتحرقتش ولا اتفرمت لا وكمان سيبناها علي الوش وحطين سهم عليها
بالله عليكم امن الدوله حتي وهو بينهار بيلعب بينا
انا مش بدافع عن عمرو موسي ولا البردعي ولا حتي ايهاب توفيق
انا حابب اننا ما نبقاش بنندفع في كل التجاهات بدون تريث
يعني انا امبارح قعدت افكر شويه كده
يعني بتوع امن الدوله بكميه الانفاق اللي موجوده عندهم دي محتاجين يطلعو فوق السطح ويعملو ولعه كبيره علشان يبلغو كل من هو من يمين وشمال احناااااااااااا بنحرق الورق يا ولاد الحلال تعالو اقتحمو المكان وبوظو الادله الجنائيه اللي علينا
لانه لو تم محاكمه امن الدوله محاكمه مدنيه يبقي كده فركش كل ما تم التحفظ عليه من الشباب من اوراق هيكون لا لزمه له لانك ببساطه شديده لما تتحفظ باذن نيابه او غيره واي محامي لسه متخرج امبارح بكل سهوله هيقول الورق دا اندس من المقتحمين
شفتو بقي انه ممكن بسيناريو اخر نكون اتلعب بينا من امن الدوله حتي وهما بينهارو
ما حدش يعرف الحقيقه فين والبلد رايحه علي ايه بس اللي انا متاكد منه اننا محتاجين نكون اكثر حرص واكثر ذكاء بكتيييييييييييييييييييييي يييييير

قلت الكلام ده في ناس قالت لجنة حلزونية ههههههههه
لازم نحلل المواقف و الأخبار لأن الناس دي مش عيال صغيرة دول كانو بيحركو الدولة وبيلعبو بالبيضة والحجر ................مش هاتقع في مطبات بالسذاجة دي

**memo_p910** · 06-03-2011 02:55 PM

المشاركة الأصلية كتبت بواسطة tamer_a7

علي فكره انا كنت من اكتر محبي البردعي حتي شاهدت تصرفاته ايام الثوره واحسيت فعلا انه بيحاول انه يقفز في كرسي القياده تماما
وعلي فكره هو قال انا مفوض للحديث من قبل الاحزاب وخرج الاخوان في ساعات يعلنون نحن لم نفوض احد
نزل التحرير وحضرتك لو كنت هناك زيي كنت عرفت انه كان حواليه بتاع الف او اتنين والباقي كانو منفضين تماماااااااااا
البردعي فعلا خسر شعبيته
وبعدين ليه نروح بعيد احنا ناس ديموقراطيه في بلد الحمد لله ديموقراطي انا حالا هنزل تصويت نشوف الناس هنا في المنتدي عايزه مين
اخير ولا اخرا بلاش ما بينا وما بين بعض اللي يخالفنا في الراي يبقي عميل وبتاع لجان الكترونيه وللعلم حبك او تايدك للبردعي يجي من برنامجه وشخصه كارئيس مصر القادم انما مش من الهجوم علي منافسيه
ولا كده يبقي احنا زي اخوانا البعدا

أنا مستني يرد على سؤالي بخصوص الأدله على الشائعه اللي نشرها اللي بتقول البرادعي قال انه هايشكل حكومه ؟؟؟؟؟؟

أنا والله مش بحب حد على حساب حد انا بس متضايق جدا من كمية الشائعات والأكاذيب اللي طالت الرجل الذي لم نرى منه غير مواقف وطنيه نزيهه ومخلصه والحكم في الآخر مش هايكون بالاحساس هايكون بالمنطق والعقل والبرنامج الانتخابي وكلنا في الآخر نفسنا مصر تكون أحسن من كوريا وماليزيا واليابان وده مش هايتحقق اذا اخترنا رئيس بالعاطفه رئيس ليست لديه قدره على التغيير والعوام من الشعب المصري حوالي 70 % ليسوا مدركين حقيقة الطريق الى التقدم وكيف الطريق الى دوله حديثه سريعة التطور

**ahmed4000** · 06-03-2011 03:02 PM

المشاركة الأصلية كتبت بواسطة memo_p910

استنى عندك هنا لو سمحت البرادعي قال انا هاشكل حكومه ؟؟؟؟؟؟؟؟؟؟؟؟؟؟؟؟؟
البرادعي عمره ما قال انا هاشكل حكومه انتو بتجيبوا الكلام ده منين

لازم دليل موثق حالا على كلامك ده والا تعتبر نفسك بتنشر شائعات زي أعضاء اللجنه الالكترونيه

انا مبقتش حاسس اننا فى منتدى من الاسلوب اللى بينزله مستوى الحوار
ارجو من الاخ كريم انه يتدخل لظبط اداء المنتدى والا يقفل الاجتماعى احسن لغاية لما الناس تتعلم ادب الحوار

**alaa_dash** · 06-03-2011 03:19 PM

أنا والله مش بحب حد على حساب حد انا بس متضايق جدا من كمية الشائعات والأكاذيب اللي طالت الرجل

يعني حضرتك متضايق جدا من كمية الشائعات اللي طالت الرجل ...تقوم تقدح و تطلع عمرو موسى عميل امن دولة و منافق !!!!!!
و بعدين زي ما الاخوة هنا قالولك .... زوق في البرادعي زي ماتحب .. و ضح برنامجه و خططه لنقل مصر زي ما تحب ...

بس ما تسيئش لحد تاني ..!!!!!

ضابط جيش برتبة رائد ذهب للرجل و طلب منه الذاهاب للتحرير و محاولة اقناع الناس بما له من جماهيرية محتملة...

زي يالظبط اما رتبة من الشرطة العسكرية راحت و طلبت من الجماهير اخلاء الميدان فاكرها ديه ؟منافق برضه !

ايه علاقة امن الدولة بالموضوع !!!!

**zaza_lanos** · 06-03-2011 03:25 PM

(يايها اللذين امنوا اذا جائكم فاسق بنباء فتبينوا ان تصيبوا قوما بجهاله فتصبحوا على ما فعلتم نادمين )))

ياريت يا جماعة كلنا نعرف الموضوع من جميع جوانبه قبل ما نحكم على احد ونعرف مين اللى ليه مصلحة يوقعنا فى بعض

**memo_p910** · 06-03-2011 03:26 PM

يعني بتلومني وتقول مستوى الحوار ومش بتلوم نفسك وانت بتطلق الشائعات على الرجل

وبعدين مش انا اللي بقول على عمرو موسى عميل ومنافق مواقفه السيئه من الثوره بالأدله وموثقه هيا اللي بتقول

بلاش لوي للحقائق أرجوكم

وبعدين حضرتك برده لسه ماردتش على سؤالي ؟؟؟؟ هات الأدله

**تامر.محمد** · 06-03-2011 03:29 PM

يحرقوا ورق في انفاق ؟؟؟؟؟؟؟؟
أه ياني يانا ياما ههههههههههههههههههههههههه ه

**tamer_a7** · 06-03-2011 03:41 PM

البرادعي يعود إلى القاهرة لقيادة المظاهرات

في هذه الأثناء أبدى محمد البرادعي، استعداده لتولي السلطة في مصر بصورة مؤقتة، "إذا أراد الشعب ذلك"، وفقا لتصريحات نسبتها قناة العربية إلى البرادعي. وفي تصريحات نقلتها وكالة الأنباء الألمانية عن البرادعي قبل مغادرة العاصمة النمساوية قال المدير العام السابق لوكالة الطاقة الدولية إنه سيتوجه إلى القاهرة لدعم المتظاهرين الشباب وليضمن أن تجري المظاهرات بشكل سليمي. وتابع السياسي المصري الحائز على جائزة نوبل للسلام إنه يتعين على الحكومة المصرية الإصغاء لأصوات المتظاهرين المنادية بالديمقراطية "إذا أرادت الحيلولة دون تصاعد المظاهرات"، أملا أن تدرك الحكومة "أن الاستجابة يجب أن تكون سياسية وليست أمنية".

وأعلن أعلن القيادي بالجمعية الوطنية للتغيير جورج اسحق اليوم أن البرادعي سوف يصل القاهرة مساء اليوم للمشاركة في مظاهرات الغضب التي ستخرج غدا الجمعة. وقال اسحق لوكالة الأنباء الألمانية إن البرادعي سوف يقود مظاهرات يوم "جمعة الغضب" الذي أعلنت قوى المعارضة انطلاقه عقب صلاة الجمعة غدا. من جهة أخرى، أعلنت السلطات المصرية حالة الطوارئ في مطار القاهرة وتكثيف التواجد الأمني استعدادا لعودة البرادعي تحسبا لتواجد أعداد غفيرة من مستقبلي البرادعي بالمطار بعد المظاهرات الأخيرة.

ودا المصدر
ط¨ط±ظ„ظٹظ† طھط¯ط¹ظˆ ط§ظ„ظ‚ط§ظ‡ط±ط© ظ„ظ„ط.ط¯ ظ…ظ† ط§ط³طھط¹ظ…ط§ظ„ ط§ظ„ط¹ظ†ظپ ط¶ط¯ ط§ظ„ظ…طھط¸ط§ظ‡ط±ظٹظ† | ط³ظٹط§ط³ط© ظˆط§ظ‚طھطµط§ط¯ | Deutsche Welle | 27.01.2011

الموضوع: عمرو موسى طلع عميل لأمن الدوله

LinkBack

أدوات الموضوع

عرض

-

-

-

-

-

-

-

-

المواضيع المتشابهه

احسن كلمة قالها عمرو موسى حتى نعلم من هو عمرو موسى الذى غطى اعلامنا ايجابياته

عمرو موسى

الكلمات الدلالية لهذا الموضوع

المفضلات

المفضلات

ضوابط المشاركة