لو معى 15 ألف أشترى ماروتى 97 ولا لادا 2105 موديل 83 ولا 127 موديل 85

بصراحة واحد صاحبى عايز يشترى عربية فى حدود 15 ألف وأنا رشحتله ماروتى 97 وأصدقاء آخرين رشحوله لادا 2105 موديل 83 ،فيات127 موديل 85 على الرغم من الماروتى يابانى وجديدة فى التسعينات وبتشم البنزين يعنى الصفيحة ممكن تعمل أكثر من 350 ألف كم وقطع غيارها رخيصة ومتنسوش إنها موديل منتصف التسعينات أما اللاد موديل الثمانيات وطالع أبوها وكمان الـ 127
أرجو من حضراتكم الرد السريع ولسيادتكم جزيل الشكر

على فكرة هو لسه بيتعلم السواقة علشان كده وهو طالب حاجة صغيرة فى الأول ولما ربنا يوسعها عليه يبقى يغير بعدين أو يهديها للمداد بتعته هههههههههه

هو مفيش حد راضى يعبرنى ليه ؟

ترشيحاتك كويس
وممكن كمان ال 128 و الريتمو

ممكن يجيب 127 سوبر فيورا موديل 87 حالتها حلوه بس ممكن المبلغ يزيد باكو والماروتى مش وحشه بس خفيفه وضعيفه مش هتستحمل انه يتعلم عليها

انا رأي اللادا لانها حماله اسيه و تستحمل ان واحد يتعلم عليها انما ال127 و الماروتي مش هيستحملوا

شكرا على كل ارائكو وبعد ما كنت محتار ما بين ثلاث عربيات دلوقتى محتار ما بين 6 عربيات .

لو استعمال مفيهوش احمال تبقى الماروتى انما لو عايز عربية شغل تبقى ال لادا بدون منازع

السلام عليكم ورحمة الله وبركاته
يا باشا لو صحبك عنده عيله كبيره و بيسافر و معاه شنط كتير يبقى الادا بدون تفكير بس تكون حالتها كويسه و لو عيلته صغيره يبقى الماروتى طبعا عربيه صغيره و ناعمه عن الادا و نصيحه ممكن يستنى شويه و يحط بتاع 10 الاف كمان و يجيب حاجه فى اواخر التسعينات صدقنى حتفرق كتير

هو ساكن فى الشروق وشغله فى مدينة نصر وحديث الزواج