أقوم بشراء سيارة جديدة و أريد أن أعرف ما هوالحد الأقصى للكيلومترات (المسافة و ليس السرعة) على السيارة الزيرو؟
بمعنى إذا وجدت سيارة زيرو و عند الاستلام وجدت 101 كم على العداد هل يعتبر هذا كثير جدا؟؟ و هل هذا يعيب السيارة أم لا؟
أقوم بشراء سيارة جديدة و أريد أن أعرف ما هوالحد الأقصى للكيلومترات (المسافة و ليس السرعة) على السيارة الزيرو؟
بمعنى إذا وجدت سيارة زيرو و عند الاستلام وجدت 101 كم على العداد هل يعتبر هذا كثير جدا؟؟ و هل هذا يعيب السيارة أم لا؟
الموزعين المحترمين بيسلموك السيارة عاملة 25-27 كيلومتر، هى مسافة التست درايف والمسافة من المخزن الى المعرض، حيث يتم نقل السيارات على تريللا
لكن حكاية 100 وشوية دى عادة بتحصل مع الموزعين الصغيرين اللى مبينقلوش العربيات على تريللا ، بس مش مؤثرة فى حاجة
ماشى تعدى بس اكتر من كدة بلاش لأن انا بشوف سواقتهم بجد حرام الى بيعملوة فى العربيات
عرز
شد
حرق
سرعة
يعنى مش فى دماغهم التليين خالص
معظم التجار بيفكوا العداد عشان ياخذوا راحتهم فى حركة العربية من معرض لمعرض
من مخزن لمعرض
انا خالى جاب لانوس 2008 المهم اول ما جت العربيه خرجنا نجربها بعد ما مشينا تقريبا 30 كيلو بصيت على العداد لقيت شويت اصفار سألت خالى عليه قالىما هما بيسيبو الكابل تركبو انت عشان يريحو دماغهم والعربيه معاك زيرووووووووووووووووووووو
دانا كنت جايب الياريس وهيا عاملة 155 كيلو !!!
أشكركم جميعا على ردكم، إذا لا داعى للقلق؟؟
العفو وطالما العربيه زى ما بتقول يبقى الحمد لله على كل شىء وربنا يكفيك شرها
انا جبت العربية شاهين 1600 و كان عدادها 46 كيلو.
غالبا المسافة من المصنع (حلوان) للمعرض (وسط البلد).
انا استلمت الانوس من المصريه عامله 7 ك
لحد 200 كيلو مافيهاش مشاكل...غير بس انك بتبقي مش عارف العربية قطعتهم ازاي ....يعني سواقة محترمة ولا حرق وجري (ما هي العربية مش بتاعتة...يحرقها ولا تولع مش هايغرم شيء...مافيش ضمير برضة)....
انا اكدت علي الموزع مليون مرة علي الكيلو متر...وحلفلي مليار يمين ...ان العربية هاتيجي علي تريلا بس لاقرب مكان منة...لان ايجار العربية الواحدة علي التريلا حوالي 200 جنية...والتريلا بتشيل مش اقل من 12 عربيات...علشان كدة هو ماعندوش شحنة جاية بيشوف مكان فاضي مع اي تريلا منزلة لحد قريب منة...ويجيب العربية المسافة الباقية مشي..
انا جبت الماتريكس 2008 و كانت عامله 98 كم.بس مندوب المصريه وراني ازاي بيفصلوا الكابل بتاع عداد السرعه عشان العداد ميعدش كتير و الزبون يوجعلهم دماغهم.
بالنسبه لحكايه النقل دي و الله شفتهم كذا مره ماشيين بالعربيات طايرين و غرز و كل حاجه ولا في دماغهم حاجه.
شكرا على الموضوع
انا اشتريتها كانت عاملة63
السيريون بتاعتى كانت عاملة 13 كيلو من التوكيل .... وقالوللى ان النظام عندهم كده العربيات مش بتسافر غير على الترللا
الانسر كانت عامله 8 كم
الطبيعى إنها متعديش 70 كم
إللى هى تعتبر أقصى المسافة بين التوكيل و لموزع فى نفس المحافظة
لإنها لو إتنقلت لمحافظة تانية المفروض على تريلا
هو المفروض الواحد لما يجيب عربية جديدة يعمل ايه بالظبط عشان التليين؟
المشكلة مش في عدد الكيلومترات اد ما هي في طريقة قطعها
او لو كانت اتخبطت وترشت لان في موزعين و معارض معندهاش ضمير
انا عربيتى اللانسر كانت عامله 16 كيلو وشاريها من التوكيل
.بجد يا جماعه فيه اكتر من معرض فى العاصمه و الاقاليم بيفكوا واير السرعه علشان العداد الكيلو ميعدش والعميل يعلى صوته ويقولهم ده مبقتش زيرو يعنى يخدوا العربيه من التوكيل ويفكوا واير السرعه ويسافروا المحافظه بتاعتهم ويودوها المخزن ولو العميل طلب لون معين يجيبوهاله من المخزن وفى الاخر يركبوا واير السرعه ويسلمولوا العربيه عامله 10 كيلو طيب ازاى .ومره اتكلمت مع سواق معرض قاللى انا بمشى على الطريق بالعربيات الجديده على 140 و 160 وسلملى على الضمير .نصيحه اخيره اللى يقدر يشترى من التوكيل ميترددش لان التوكيل هيبقى اضمن مكان فى النقطه ده