وكلمت الحاكم العسكرى وعايزة اخد رأيكو فى حاجة
طبعا الأيام اللى فاتت كان فى مظاهرات جامدة فى المستشفى عايزين يشيلوا الأدارة وعلى رأسها مديرة المستشفى لدرجة ان الدبابات دخلت والجيش دخل خصوصا ان الموظفين قطعوا الكهربا والتليفونات وده اثر على المرضى تخيلوا مفيش كهربا يعنى مفيش اسانسير ولا اجهزة وفى الآخر عقيد من الجيش ممثلا عن الحاكم العسكرى جاب مدير مستشفيا ت الجامعة ومدير الشئون القانونية فى الجامعة ومدير الشئون المالية من الآخر مديرين كل حاجة وقال كل ادارة تجيب ممثلين عنها عشان نبحث طلباتهم ونشوف قانونيتها
طبعا انا مش اكبر واحدة فى الصيادلة بس انا اللى اقنعتهم ان لازم نقدم طلباتنا عالأقل احنا فضلنا نصرف للمرضى ونقوم بدورنا لكن فى ظلم واقع علينا لازم نوصل صوتنا
المهم انى اتصلت بكل مجموعة من الصيادلة طبعا كل مكان مختلف له مطالب مختلفة وكتبتها فى ورقة تمهيدا للمقابلة دى
بالصدفة المقابلة بدأت بعد ما الكل روح وانا كنت نازلة متأخر شوية فعرفت فلقيت انى لازم ادخل الورقة و اللى حصل انهم طلبوا منى اتكلم وخدوا اسمى انى كده بمثل الصيادلة وفعلا عرضت بعض حاجات ولأن كان فى هرج ومرج جامد جدا من الموظفين اديته الورقة وقال انه هيبحث اللى فيها
بعد كده عرفت انه قال لو اى حاجة اتقالت فى الأجتماع طلعت مش حقيقية الجيش هيعاقب اللى قالها
فعملت تفويض من الصيادلة ليا انى اتكلم باسمهم ومضوا عليه
اللى حصل انه رجع مديرة المستشفى
انا مش عايزة اشيل ذنوب على مستوى النت يعنى بس هى اسلوبها صعب جدا وكلمناها فى الحاجات دى قبل المظاهرات ورفضتها وبتقعد تزعق وباختصار اسلوب انا شايفاه مينفعش فى التعامل مع صيادلة وتقول انا مش بزعق لكو انا طريقتى كده
فدلوقتى هى طلبت ممثل للصيادلة يتكلم معاها اللى انا متوقعاه ان الراجل اعطاها ورق الطلبات وقال لها ادرسيه وخلاص شكله كده
فانا مش عايزة اروح
اولا لأن الكلام كله اتقال قبل كده وهى رفضت تنفذه ممكن تقول لأ تانى
ثانيا بكره عيد ميلادى ومش عايزة نكد ببساطة انا متوقعة انها لو كلمتنى بطريقة مش كويسة هفقد اعصابى ومعرفش ممكن اعمل ايه:crashcomputer3:
فى نفس الوقت لو حد تانى راح مش عارفة موقفه معاها هيبقى ازاى وهتعرف تقفله ولا ايه
انتو ايه رأيكو
ياريت تردوا قبل بكره