اولا الامبير المفروض له تلات اوضاع
1 في حالة الجري و الجو بارد الحرارة الامبير بيبقي تحت علامة النص بشويه لان حرارة الميه جوه الرادياتير بتبقي بارده و بلف الميه الحراري بيفتح عند 72 درجه تقريبا و دي بتبقي درجه حرارة الميه جوه المحرك
2 لما تقف في اشاره او الجو يبقي حر تبتدي المؤشر يرفع لحد النص وده الوضع التاني و المفروض انه لو الثرموستات الكهربا ( في الرادياتير من تحت ) اصلي مش متغير بيبقي مظبوط علي 84 درجه تقريبا المروحه تشتغل عند درجة النص بالضبط و انا حاولت الاقي الثرموستات الواطي ده جديد عند الكيلاني ملقيتش و جبت ثرموستات عالي لكن كان بيسخن العربيه لحد المروحه ماتشتغل و ده كان بيعمل مشكله في الصيف في سحب العربيه وبيخليها تكركر في الطلعه في الاشارات وبعدين لقيت واحد قديم عند واحد صاحبي لما ركبته العربيه رجعت زي الاول
3 المروحه بتفضل شغاله لحد ما الامبير ينزل تحت النص بشويه وبعدين تبطل
4 كمان في سرعه تانيه للمروحه مع التكييف او لو الحراره زادت حتي بعد تشغيل المسرعه الاولي
ونصيحتي انك تنظف الرادياتير الاول
لو الحراره كويسه علي الطريق بس بتبقي زياده في الاشارات راقب المروحه و شوفها والعربيه شغاله بتشتغل و الامبير فين لو بتشتغل متاخر يبقي دور علي ثرموستات كهربا استيراد او اسال عند الموجي
لو حراره العريه بتنزل اوي مع الجري يبقي انت شايل بلف الحلراره و ده غلط لانه بيسبب زياده استهلاك البنزين و ممكن يشلخ الشميز لانك بتجري و العربيه بارده و خلوصاتها لسه مقفله