الموضوع: الاضراب السلمى

و الله يا شباب فى جروب على facebook مشترك فيه اكتر من 60000 مصرى و فيه كل التفاصيل اللى حصلت امبارح اللى عاوز يعرف التفاصيل يقرا لان الاضراب مكنش فيه لا ضرب و لا تكسير لكن كان اعتصام سلمى

و الامن هوا اللى اجبر الناس تعمل كده لانو كان عاوز اساسا ميحصلش الاعتصام و بالتالى اضرب فى الناس علشان ميتجمعوش
و دة اللينك

http://www.facebook.com/group.php?gid=9973986703

حازم علي فكره انا مش متفق معاك خالص

دول عاوزين يشغلوا الناس بأي حاجه حتي احنا تخيل كانوا حيعملونا كبش فداء و يطلعوا قضيتنا تاني
عشان يشغلوا بيها الناس عن موضوع الاضراب دا و بكدا ما شاء الله كل الايفنتس اللي كانت معموله بححح انتهت
و كل اللي الناس هنا بنيته ممكن يضيع في اي وقت يكون في مره تلاقيهم نازلين لم فينا
دا متوقع قريب قوي علي فكره

يا احمد الامور كنت ماشيه كويس لحد ما البلطجيه دخلوا و الناس هاصت ما تقوليش بقي دي مؤمره و مش عارف ايه.
و بعدين يعني انتو ليه فاكرين كل اجهزه الدوله عدوه للشعب.

بالراحه يارجله السينارو المتوقع كالتالى الناس قاعدة فى امانه الله
الامن المركزى مش عارف يمارس هوايته
يتزق اتنين تلاته مسجلين خطر
يكسرو عربيتين
كدة بقى شغب الامن المركزى يمارس هوايته بكل سعادة

طب و ليه الامن المركزي مارس هوايته في المحله بس مش في اي مكان تاني؟؟؟؟ظ
و يا تري برضه الامن المركزي هو الليوصي ناس تحرق مدارس و بعت كل لحراميه اللي دخلت تسرق في اجهزه الكمبيوتر و الخشب
يا راجل دا حتي الاحواض شالوها من الحمامات !
...........................................
بلاش بس كل حاجه نقول الحكومه وحشه و الشرطه زباله و احنا اساسا مش ملايكه .
ما احنا بشر و فينا كتير بيغلطو.
الامن المركزي بقي عمل دا كله
تخريب محلات
تعطيل قطارات
حرق مدارس
تكسير سيارات
حرق سيارات اجره
ياااااااااااااااه دا حكومتنا دي قادره اوي

و الله أنا حاسس بيك يا حازم باشا و لو كان اللي حصل في المحلة حصل في القاهرة كان الناس برضه زعلت .....لكن في نفس الوقت ما تنساش إن جزء كبير من المسئولية واقع على أجهزة الأمن ....اللي وصل هنا و يا ريت تأكد المعلومة ديه إن الأمور انفجرت بعد خروج العمال من المصانع مع العلم انهم ماكانوش مضربين .......حصلت احتكاكات و مناوشات و بعدين الأمور خرجت عن السيطرة .....السؤال ليه الموضوع إشتعل كدة و ليه بالذات في المحلة
السؤال الاهم ليه أجهزة الامن ما بيهماهش أمن المواطنين الشخصي .....يعني من امتى البوليس في أي حتة في مصر من اولوياته تأمين المواطن العادي و ممتلكاته .....ربنا مع أهل المحلة في المحنة ديه و ربنا يعدي الامور على خير

المشاركة الأصلية كتبت بواسطة hazem_khidr

يا احمد الامور كنت ماشيه كويس لحد ما البلطجيه دخلوا و الناس هاصت ما تقوليش بقي دي مؤمره و مش عارف ايه.
و بعدين يعني انتو ليه فاكرين كل اجهزه الدوله عدوه للشعب.


طب و ليه الامن المركزي مارس هوايته في المحله بس مش في اي مكان تاني؟؟؟؟ظ
و يا تري برضه الامن المركزي هو الليوصي ناس تحرق مدارس و بعت كل لحراميه اللي دخلت تسرق في اجهزه الكمبيوتر و الخشب
يا راجل دا حتي الاحواض شالوها من الحمامات !
...........................................
بلاش بس كل حاجه نقول الحكومه وحشه و الشرطه زباله و احنا اساسا مش ملايكه .
ما احنا بشر و فينا كتير بيغلطو.
الامن المركزي بقي عمل دا كله
تخريب محلات
تعطيل قطارات
حرق مدارس
تكسير سيارات
حرق سيارات اجره
ياااااااااااااااه دا حكومتنا دي قادره اوي

حازم باشا ،،

طبعا بلطجية و شوية صيع ،،

بس مين اللي مسرحهم ؟؟؟

يعني الشرطة معندهاش سجلات بكل البلطجية و المسجلين خطر و متعرفش تلمهم ؟؟؟

مش الطبيعي قبل الأحداث المتوقعة زي دي ،، الناس دي تتلم او علي الأقل تتراقب

الحكومة العظيمة اعتقلت جميع قيادات العمال قبل يوم الإضراب

و اعتقلت قيادات حركة كفاية و بتوع الفيس بووك و الأخوان المسلمين

يعني الناس المثقفين و المحترمين المتعلمين و اصحاب الفكر اتحبسوا ،،

و سابوا البلطجية و الصيع و النسوان اللي بتمشي تصرخ في الشوارع

و أنتا قلتها بنفسك من قلب الأحداث ،، الأمور كانت ماشية كويس

دي حاجات محفوظة و بيعملوها في كل المواقف المشابهه

علي أقل تقدير لو مش متعمدة ،،

يبقي إهمال من الشرطة ،،

لأن كل تركيزها علي حماية النظام ،،

لكن البلطجية و الصيع ميهمهومش بالعكس ،، الإحتمال الأكبر انهم شغالين بتشجيع منهم ،،

عشان يجيي المواطنيين المسالمين زي حضرتك ،،

يقولوا الشرطة معاها حق تولع فيهم كلهم ،،

يا رب يحرق شوية الحرامية و النصابين اللي ماسكين البلد بجاز وسخ ،،

حلقة مفرغة مالهاش نهاية ،،

و النتيجة واحدة مفيش فايدة

تتمني ان الكابوس القابع من 27 سنة ينتهي ،،

و في نفس الوقت مش عايز ينتهي لأنك خايف من اللي بعده ،، عشان مفيش أي بدائل ،،

فيوصلك إنك تقول نص العمي ،،، رغم إنه العمي في حد ذاته

مش عارف الناس دي هيقولوا ايه لربنا يوم القيامة

للعلم عمال شركه مصر ما كانوش في لاضراب.
و مش هما سبب اللي حصل.
انا اللي علقت عليه و اقصده لما ميدو قال الامن المركزي بيمارس هوايته.
طب اوك اشمعني مارسها في المحله بس و مش مارسها في اي مكان تاني؟؟؟؟؟
و للعلم الضباط عاوزه تريح دماغها و عاوزين الامور تعدي علي خير مش يجيبو بلطجيه يكسروا عربيتين علشان يمارسوا هوايتهم