هل انت مع ام ضد نشر الوثائق؟؟

فى ناس بتفول يا جماعة لازم نشوف مين المنافق و مين كان بتعاون مع قمل الدولة و مين كويس و مين منافق و مين اتشهر بيه و الكلام دا

فى ناس بتقول بلاش النشر يا جماعة علشان الامن القومى و سمعة ناس و حاجات كدا


انا شخصيا شايف ضرورة و اهمية النشر مع مسح اى ارقام و عناوين و معلومات شخصية !!!

يعنى مثلا كدا اتاكدنا ان منى الشاذلى نضيفة و اتاكدا ان ناس تانية اقذار يبقى ليه نمنع النشر
انا شايف الناس اللى خايفة بلاويها و وساخاتها و فضايحها تتنشر هى اللى بتحرض الناس على عدم النشر و فى ناس كتير اوى اقتنعت و طلبت عدم النشر و دا رايى الشخصى

مننساش ان فى بعض الوثائق مثلا ممكن بعد ما تتسلم لاى جهة انها تدفن بعد كدا خصوصا اننا منعرفش مين نضيف و مين لأ فى كل الجهات و اكيد فى وثائق بتدين ناس كتير ممكون يمحوها , النيابة كمان مش هتحقق فى مين منافق و مين لأ

انا ضد النشر لان اى حد ممكن يتلاعب فى اى وثيقه ويعمل بيها مشكله لاى حد او البس واحد مصيبه وانشرها وحلنى على منعرف مين صح ومين مزور

مش هينفع نعيش زي الأغنام ..ناكل ونشرب وننام
لازم كل حاجة تطلع....وكل حاجة تتعرف
لو ماعرفناش دلوقتي ...يبقا عمرنا ماهنعرف

اقتباس:

---

المشاركة الأصلية كتبت بواسطة dr_mido

انا ضد النشر لان اى حد ممكن يتلاعب فى اى وثيقه ويعمل بيها مشكله لاى حد او البس واحد مصيبه وانشرها وحلنى على منعرف مين صح ومين مزور

---

+1
نفس الرأي والي يتنشر الي يوصل للنيابة ويتم التأكد من صحتة ساعتها يتنشر وكل واحد ........ يبان على حقيقتة

لا ضد طبعا
في ناس كانت بتتعاون معاهم عشان خايفين
هو مش من حق الناس تخاف ؟؟؟

ضد طبعا
قال وائل قنديل علي الحزيرة مباشر منذ قليل
نشرها يؤدي إلي فوضي معلوماتية كما وعلي لسانه اصبح اليوم الاغلب يتكلم عنها وعن بعض ما سرب بها وترك الكلام عما نريده في الفترة القادمة وقال للمحاور مان الممكن أن يقوم أحد الأن بنشر وثيقة عني أو عنك ويضع عليها ختم أمن الدولة بعد ان اصبح معروفا
ثم طلب من المجلس العسكري وقف هذه المهزلة واعطاء فرصة لمن لديه اوراق بالتقدم الى المجلس العسكري بها واعطاء مهلة وبعد ذلك يجرم من يتداولها

اقتباس:

---

لا ضد طبعا
في ناس كانت بتتعاون معاهم عشان خايفين
هو مش من حق الناس تخاف ؟؟؟

---

حقهم طبعا و دا واضح زى محمود سعد و واضح طبعا أنجاس مكتوب عنهم مدح دى حاجة تانية خالص!!!!
فى 2 (مذيع و كاتب) من الانجاس دول قعدوا يولوا أيام الثروة و يقولوا للناس ارجوكو هيبقى فى دم و مش عارف ايه و كلام فارغ كدا علشان يخوفوا الناس تنزل الشارع , ارجوكو بلاش بكره من فضلكم خافوا على ولادكوا و الكلام دا و طلعوا قذرين مع ان اساسا الاتنين كنت متاكد منهم بس فى ناس كتير اوى كانت مخدوعة فيهم

اقتباس:

---

المشاركة الأصلية كتبت بواسطة som3aa

حقهم طبعا و دا واضح زى محمود سعد و واضح طبعا أنجاس مكتوب عنهم مدح دى حاجة تانية خالص!!!!
فى 2 (مذيع و كاتب) من الانجاس دول قعدوا يولوا أيام الثروة و يقولوا للناس ارجوكو هيبقى فى دم و مش عارف ايه و كلام فارغ كدا علشان يخوفوا الناس تنزل الشارع , ارجوكو بلاش بكره من فضلكم خافوا على ولادكوا و الكلام دا و طلعوا قذرين مع ان اساسا الاتنين كنت متاكد منهم بس فى ناس كتير اوى كانت مخدوعة فيهم

---

ما هو احنا في الهوجة دي مش هنعرف نفرق

و كل حاجة كانت باينة اصلا
بدليل لما منى الشاذلي و محمود سعد رفضو تعليمات امن الدولة يوم الاربع "معنى كدا ان كان في تعليمات تانية و نفذوها"
خلي النيابة تشوف شغلها و لو في حاجة فاضحة اوي " زي شريط الفيديو كدا " نعرضه :00020140::00020140::00020140:

انا اشك اذا انا دبوس
قصدى موجود

نتكلم جد

الموضوع كله مريب من أوله

هما عايزين يتخلصو من اللى يدينهم

و كان قدامهم وقت كافى لفرم كل الورق

ولما صدرت استقالة شفيق قررو يحرقو الورق بسرعة

لماذا هذه السهولة فى اقتحام مقرات امن الدولة فى مدينة نصر و اكتوبر

لماذا الورق اللى فيه معلومات عن المرشحيين للرئاسة موجود

لماذا الورق الخاص باعلاميين بعينهم تم نشره

لماذا الورق الخاص بالكروت المحروقة (العادلى ) يتم نشره

لماذا الورق الخاص بتعاون بعض افراد الهيئة القضائية مع امن الدولة موجود
( وخاصة مع قرب الاعتماد علىيهم فى الانتخابات القادمة)

اما باقى الورق فمبيوصلش لحاجة يحتمل الصدق بنفس نسبة احتماله للكذب

بمعنى انه يحتمل ان يغضع لفرضية اثارة البلبلة و نشر الفتنة و التشتيت عن الهدف الاصلى للثورة

مش مهم مين كان مع و مين كان ضد

المهم محاسبة جهاز أمن الدولة

تفتكرو الاحسن النشر والا عدم النشر

اقتباس:

---

المشاركة الأصلية كتبت بواسطة a7med_pharma

مش هينفع نعيش زي الأغنام ..ناكل ونشرب وننام
لازم كل حاجة تطلع....وكل حاجة تتعرف
لو ماعرفناش دلوقتي ...يبقا عمرنا ماهنعرف

---

اتفق تماما جدا مع هذا الرأى

اقتباس:

---

المشاركة الأصلية كتبت بواسطة yoko

+1
نفس الرأي والي يتنشر الي يوصل للنيابة ويتم التأكد من صحتة ساعتها يتنشر وكل واحد ........ يبان على حقيقتة

---

+1
و متنسوش ان فيه قضايا كتير ملفقة و بالتالي في ناس هتتشوه سمعتها بدون ذنب

اقتباس:

---

المشاركة الأصلية كتبت بواسطة dr_mido

انا ضد النشر لان اى حد ممكن يتلاعب فى اى وثيقه ويعمل بيها مشكله لاى حد او البس واحد مصيبه وانشرها وحلنى على منعرف مين صح ومين مزور

---

اقتباس:

---

المشاركة الأصلية كتبت بواسطة yoko

+1
نفس الرأي والي يتنشر الي يوصل للنيابة ويتم التأكد من صحتة ساعتها يتنشر وكل واحد ........ يبان على حقيقتة

---

+1

قال الله سبحانه وتعالى في كتابه الكريم: ﴿ولا تجسسوا ولا يغتب بعضكم بعضا﴾

لا طبعا مينفعشي يتنشر لان مصر مش كلها مصرين دا غير ان امن الدولة 90 في المائة من شغله كان انه يبقي علي النظام المهبب لكن كمان كان بيتابع الاجانب و الاخوان و حماس دا غير عدوتنا الدودة دا غير ان في ناس خدت شعار الجاز و حتته علي ورق نت تاليفها تشتم فيه خصومها و تتهم باي كلام انا ليا سؤال هو ليه الناس بتهاجم امن الدولة في 8 محافظات في وقت واحد؟؟؟؟؟؟

مع النشر اكييد .... دى بلاوى اللى بنشوفها دى مينفعش نفضل كده منعرفش حاجه عن بلدنا و الفساد اللى فيها

otefa+1
والزبانية ياخدو جزاءهم نفر نفر والجزاء من جنس العمل

قال تعالى فى سورة النساء

(وَمَنْ يَعْمَلْ سُوءًا أَوْ يَظْلِمْ نَفْسَهُثُمَّ يَسْتَغْفِرِ اللَّهَ يَجِدِ اللَّهَ غَفُورًا رَحِيمًا (110) وَمَنْيَكْسِبْ إِثْمًا فَإِنَّمَا يَكْسِبُهُ عَلَى نَفْسِهِ وَكَانَ اللَّهُعَلِيمًا حَكِيمًا(111) وَمَنْ يَكْسِبْ خَطِيئَةً أَوْ إِثْمًا ثُمَّ يَرْمِبِهِ بَرِيئًافَقَدِ احْتَمَلَ بُهْتَانًا وَإِثْمًا مُبِينًا (112) وَلَوْلَافَضْلُ اللَّهِ عَلَيْكَ وَرَحْمَتُهُ لَهَمَّتْ طَائِفَةٌ مِنْهُمْ أَنْ يُضِلُّوكَ وَمَا يُضِلُّونَ إِلَّا أَنْفُسَهُمْ وَمَا يَضُرُّونَكَ مِنْ شَيْءٍ وَأَنْزَلَ اللَّهُ عَلَيْكَ الْكِتَابَ وَالْحِكْمَةَ وَعَلَّمَكَمَا لَمْ تَكُنْ تَعْلَمُ وَكَانَ فَضْلُ اللَّهِ عَلَيْكَ عَظِيمًا( (113)

حد فاهم حاجة

اقتباس:

---

المشاركة الأصلية كتبت بواسطة amado ibrahim

قال تعالى فى سورة النساء

(وَمَنْ يَعْمَلْ سُوءًا أَوْ يَظْلِمْ نَفْسَهُثُمَّ يَسْتَغْفِرِ اللَّهَ يَجِدِ اللَّهَ غَفُورًا رَحِيمًا (110) وَمَنْيَكْسِبْ إِثْمًا فَإِنَّمَا يَكْسِبُهُ عَلَى نَفْسِهِ وَكَانَ اللَّهُعَلِيمًا حَكِيمًا(111) وَمَنْ يَكْسِبْ خَطِيئَةً أَوْ إِثْمًا ثُمَّ يَرْمِبِهِ بَرِيئًافَقَدِ احْتَمَلَ بُهْتَانًا وَإِثْمًا مُبِينًا (112) وَلَوْلَافَضْلُ اللَّهِ عَلَيْكَ وَرَحْمَتُهُ لَهَمَّتْ طَائِفَةٌ مِنْهُمْ أَنْ يُضِلُّوكَ وَمَا يُضِلُّونَ إِلَّا أَنْفُسَهُمْ وَمَا يَضُرُّونَكَ مِنْ شَيْءٍ وَأَنْزَلَ اللَّهُ عَلَيْكَ الْكِتَابَ وَالْحِكْمَةَ وَعَلَّمَكَمَا لَمْ تَكُنْ تَعْلَمُ وَكَانَ فَضْلُ اللَّهِ عَلَيْكَ عَظِيمًا( (113)

حد فاهم حاجة

---

واضح ان هناك مشكلة في المسافات فوجب تصحيح الاية الكريمة
(( وَمَنْ يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَحِيمًا (110) وَمَنْ يَكْسِبْ إِثْمًا فَإِنَّمَا يَكْسِبُهُ عَلَى نَفْسِهِ وَكَانَ اللَّهُ عَلِيمًا حَكِيمًا(111) وَمَنْ يَكْسِبْ خَطِيئَةً أَوْ إِثْمًا ثُمَّ يَرْمِ بِهِ بَرِيئًا فَقَدِ احْتَمَلَ بُهْتَانًا وَإِثْمًا مُبِينًا (112) وَلَوْلَا فَضْلُ اللَّهِ عَلَيْكَ وَرَحْمَتُهُ لَهَمَّتْ طَائِفَةٌ مِنْهُمْ أَنْ يُضِلُّوكَ وَمَا يُضِلُّونَ إِلَّا أَنْفُسَهُمْ وَمَا يَضُرُّونَكَ مِنْ شَيْءٍ وَأَنْزَلَ اللَّهُ عَلَيْكَ الْكِتَابَ وَالْحِكْمَةَ وَعَلَّمَكَ مَا لَمْ تَكُنْ تَعْلَمُ وَكَانَ فَضْلُ اللَّهِ عَلَيْكَ عَظِيمًا( (113)
صدق الله العظيم

الاخ الفاضل صاحب الموضوع
كان نفسي يكون الاستطلاع كالاتي
1- اوافق علي النشر و اراها ضرورة
2- لا اوافق علي النشر (( و اؤيد تسليم الوثائق للجهات المختصة لاجراء التحقيقو اتخاذ اللازم تحت رقابة الجيش و القضاء و عرض النتائج علي الرأي العام ))
3- رأي اخر

و الاضافة اللي انا كاتبها هي تعبر فعلا علي رأي اغلب الناس الرافضة للنشر علي العام
اي اننا كلنا موافقون علي عدم التستر علي الفاسدين
بس مين اللي هيحاسبهم هم الذين يجب ان يتطلعو علي هذه المستندات كي (( يفرزوها و يدققوها )) و يستطيعو اولا فرز المدسوس من السليم ثم يحققون مع اطرافها
و لو اضيف الايضاح ده في الاستطلاع اتوقع ستكون النتيجة مختلفة عنه الان
و هذا مجرد رأيي

م.حاتم السباعي

انا حزين علي بلدي بجد وصلت بينا الامور ان نعمل استفتاء علي عمل جريمة يجرمها القانون و عقوبتها قد تصل الي السجن 5 سنوات طب ما نروح بالمرة نقتحم مكتب النائب العام و نيابة امن الدولة و نيابة الاموال العامة عشان نعرف برده؟؟؟؟ انا لست مع السماح للظباط باتلاف هذه الاوراق ولكن انا برده ضد ان ورق مهم يبقي في ايد اي حد في مصر معرفشي هو مين او ايه وضعه انا مع ان الورق داه يكون مع الجيش
دي جريمة

اقتباس:

---

المشاركة الأصلية كتبت بواسطة metenawy

لا طبعا مينفعشي يتنشر لان مصر مش كلها مصرين دا غير ان امن الدولة 90 في المائة من شغله كان انه يبقي علي النظام المهبب لكن كمان كان بيتابع الاجانب و الاخوان و حماس دا غير عدوتنا الدودة دا غير ان في ناس خدت شعار الجاز و حتته علي ورق نت تاليفها تشتم فيه خصومها و تتهم باي كلام انا ليا سؤال هو ليه الناس بتهاجم امن الدولة في 8 محافظات في وقت واحد؟؟؟؟؟؟

---

عشان الورق بيولع في ال 8 في وقت واحد ....

والجيش مستنينا نقولو

اقتباس:

---

المشاركة الأصلية كتبت بواسطة cheetos_892005

عشان الورق بيولع في ال 8 في وقت واحد ....

والجيش مستنينا نقولو

---

مكنشي في دخان ولا غيره في مدينة نصر او جابر ابن حيان في الجيزة طب و الناس الي مصمما تخش المقر في لازوغلي دلوقتي رغم ان الجيش مسيطر علي المبني؟؟؟دول عايزين ايه؟؟لا في حاجة غلط خلاص الحريق كبير اوي لدرجة اش الرز يعني

أنا رأى أخر ... اللى هو

نشر مايتعلق بقضايا الفساد فقط بعد الأطلاع عليها من قبل النائب العام لتأكيد صحتها

لكن نشر اى ورق كدة .... وأنا اية يأكدلى ان دة ورق اصلى حقيقى مش متفبرك من 30 يوم لقتل بعض الشرفاء اللى ممكن يكونوا مسئولين فى الأيام القادمة

أنا ضد النشر طبعا و الأسباب:
أولا: كلنا عارفين كويس أوى مصايب و جرايم أمن الدولة و بلاش البلاهة اللى بتبان على السادة المذيعين و هما بيسمعوا الوثائق على شاشات التليفزيون و يا عينى مش مصدقين إزى أمن الدولة يكون بيتجسس علينا للدرجة دى و إزاى يبقى عنده ملفات مفتوحة لكل الناس دى و إزاى بيتحكم فى كل الخيوط دى و كأننا عمرنا ما اتفرجنا على فيلم واحد فيه أمن الدولة أو حتى اتكلمنا أو سمعنا أو قرأنا عن واحد من المحظوظين اللى خرجوا من الجهاز ده عايشين و على رجليهم
ثانيا: أنا ماعنديش قناعة قوية بشكل شخصى من صحة كل الوثائق اللى بتتنشر مش بس عندى اعتقاد إن أفراد عادية ممكن تستغل الموضوع لنشر وثائق زائفة لتصفية حسابات شخصية أو للتشهير ببعض الأفراد لمصالح خاصة و ده على فكرة ابتدى يحصل فعلا لأ أنا كمان عندى اعتقاد إن ممكن أمن الدولة نفسها تكون سايبة وراها بعض المستندات لتضليل الرأى العام و إثارة الشكوك حولين بعض الشخصيات اللى بتحظى باحترام و ثقة الشعب و الشباب و طبعا كل واحد بينشر لا هو خبير تزييف يقدر يقيم الورقة اللى بنشرها و لا ممكن يجزم بصحة اللى جه فيها ده غير اللى احنا عارفينه مسبقا عن افتراءاتهم لتبرير عمايلهم الإجرامية يعنى من الآخر احنا ممكن نكون بننشر أكاذيبهم و بنفترى على أبرياء زى ما كانوا هما بيعملوا بالظبط
ثالثا: حد فينا سأل نفسه عن كم المشاكل و الفضائح اللى بيسببها لشخص ظهر اسمه فى الملفات دى من غير ما يتأكد من ثبوت الكلام عليه من عدمه يعنى بمثال حى الدكتور الجامعى اللى متهمينه فى وثيقة من اللى اتنشرت إنه شاذ جنسيا مع الاعتذار للأعضاء و العضوات بشكل خاص عن استخدام هذا المثال. بس عموما حد مقدر مدى الفضيحة و حجم الاتهام الموجه للشخص المذكور بدون دليل و إن نشر وثيقة زى دى ممكن تتسبب على الأقل فى انهيار أسرته و على الأكتر ممكن تتسب فى زهق حياة هذا الشخص و الشكوك اللى هتفضل تدور حواليه و التخوف من صحة الكلام من عدمه و تدمير حياته المهنية تماما. حد فكر قبل ما يعوز ينشر ممكن النشر ده يضر بالناس أد إيه.
أنا مش عايز نتستر على جرايم أمن الدولة و لكن عايز الناس تحط نفسها مكان الأسماء المدنية المذكورة فى الوثائق دى و ترد عليا و تقوللى بنفسها هل ترضى بنشرها و لا لأ و أسيبكم لضميركم

اقتباس:

---

المشاركة الأصلية كتبت بواسطة amado ibrahim

انا اشك اذا انا دبوس
قصدى موجود

نتكلم جد

الموضوع كله مريب من أوله

هما عايزين يتخلصو من اللى يدينهم

و كان قدامهم وقت كافى لفرم كل الورق

ولما صدرت استقالة شفيق قررو يحرقو الورق بسرعة

لماذا هذه السهولة فى اقتحام مقرات امن الدولة فى مدينة نصر و اكتوبر

لماذا الورق اللى فيه معلومات عن المرشحيين للرئاسة موجود

لماذا الورق الخاص باعلاميين بعينهم تم نشره

لماذا الورق الخاص بالكروت المحروقة (العادلى ) يتم نشره

لماذا الورق الخاص بتعاون بعض افراد الهيئة القضائية مع امن الدولة موجود
( وخاصة مع قرب الاعتماد علىيهم فى الانتخابات القادمة)

اما باقى الورق فمبيوصلش لحاجة يحتمل الصدق بنفس نسبة احتماله للكذب

بمعنى انه يحتمل ان يغضع لفرضية اثارة البلبلة و نشر الفتنة و التشتيت عن الهدف الاصلى للثورة

مش مهم مين كان مع و مين كان ضد

المهم محاسبة جهاز أمن الدولة

تفتكرو الاحسن النشر والا عدم النشر

---

متفق معاك تمام

اقتباس:

---

المشاركة الأصلية كتبت بواسطة metenawy

مكنشي في دخان ولا غيره في مدينة نصر او جابر ابن حيان في الجيزة طب و الناس الي مصمما تخش المقر في لازوغلي دلوقتي رغم ان الجيش مسيطر علي المبني؟؟؟دول عايزين ايه؟؟لا في حاجة غلط خلاص الحريق كبير اوي لدرجة اش الرز يعني

---

للاسف لعدم الثقه في اي حد خلاص ...

المهم ان الجيش قال هندخلكوا 10 10 يعني 10 يدخلوا و يبدلوا عشان نخلص ...
ورتبوا بعض على كده ...

بلطجيه جم رموا طوب من كل حته عالجيش و المتظاهرين .....

مين دول؟؟؟؟؟؟

اقتباس:

---

المشاركة الأصلية كتبت بواسطة cheetos_892005

عشان الورق بيولع في ال 8 في وقت واحد ....

والجيش مستنينا نقولو

---

طيب مامفارم الورق موجودة ليه يولعو فيه!.........مش مكفية!
طيب وألي طلع فوق السطح يولع هايولع ورقة ورقة ولا هايلم الملفات كلها ويخلص منها على مرة ولا 2 بالكتير!
متهيألي حركة مقصودة من أمن الدولة لأشاعة الفتن بالوثائق المسربة والله أعلم

اقتباس:

---

المشاركة الأصلية كتبت بواسطة som3aa

فى ناس بتفول يا جماعة لازم نشوف مين المنافق و مين كان بتعاون مع قمل الدولة و مين كويس و مين منافق و مين اتشهر بيه و الكلام دا

فى ناس بتقول بلاش النشر يا جماعة علشان الامن القومى و سمعة ناس و حاجات كدا


انا شخصيا شايف ضرورة و اهمية النشر مع مسح اى ارقام و عناوين و معلومات شخصية !!!

يعنى مثلا كدا اتاكدنا ان منى الشاذلى نضيفة و اتاكدا ان ناس تانية اقذار يبقى ليه نمنع النشر
انا شايف الناس اللى خايفة بلاويها و وساخاتها و فضايحها تتنشر هى اللى بتحرض الناس على عدم النشر و فى ناس كتير اوى اقتنعت و طلبت عدم النشر و دا رايى الشخصى

مننساش ان فى بعض الوثائق مثلا ممكن بعد ما تتسلم لاى جهة انها تدفن بعد كدا خصوصا اننا منعرفش مين نضيف و مين لأ فى كل الجهات و اكيد فى وثائق بتدين ناس كتير ممكون يمحوها , النيابة كمان مش هتحقق فى مين منافق و مين لأ

---

الاخ الكريم سمعا
ارجو اخي الكريم ان تضيف للفقرة الثانية في الاستطلاع
جملة (( (( و اؤيد تسليم الوثائق للجهات المختصة لاجراء التحقيق
و اتخاذ اللازم تحت رقابة الجيش و القضاء و عرض النتائج علي الرأي العام )) لان هناك اعضاء ممكن يتخيلو ان الفقرة الثانية
تدعو للتدليس و عدم محاسبة المجرمين و لذا
بعد اذن حضرتك اطلب من الادارة اضافتها كي يكون الاستطلاع عادل
و لحضرتك جزيل الشكر و التقدير

م.حاتم السباعي

السلام عليكم و رحمة الله و بركاته

أنا من رأيى لأن الوثائق كتييييييييييييييييير أوى و نشر الوثائق دى هيضيع وقت كتتتتتتتتتتتتتتتير أوى, احنا أولى بيه فى العمل و بناء البلد .

أن النيابة و جهات التحقيق تطلع على الوثائق و تحقق فى أى مخالفات فيها, يعنى تحقق مع بتوع أمن الدولة لو كان ثبت من الوثائق أنهم كانوا بيتجسسوا على أى مواطن بدون أى وجه حق و يتم التحقيق فى أى تجاوزات موثقة فى الورق ده و بلا تهاون و بلا تراخى.

لكن, أننا نشغل نفسنا بالوثائق دى و بمحتواها, أنا لا أحبذ الكلام ده .