استفسار من صيادلة المنتدى

**MRBEBO** · 06-03-2011 07:47 PM

بقالي كام يوم الساعة البيولوجية بتاعتي بايظة

يعني انام وش الصبح واصحى متاخر

طبعا لما بيكون عندي مشوار او مصلحة مش بلحق انام ساعتين على بعض وببقى ماشي طبعا بدون ادنى تركيز

مطولش عليكم

واحد معرفة اداني ده

xanax 0.25mg

وقالي اخده قبل النوم وهو هيظبط نومي

ايه رايكم ؟ وهل ليه اضرار ؟ والدواء ده بيستخدم ليه اصلا ؟ وجرعته واستمر كام يوم عليه لو كان يصلح لحالتي

**MRBEBO** · 06-03-2011 08:43 PM

محدش عنده اي معلومة ؟؟

**A7MED_PHARMA** · 06-03-2011 08:53 PM

أنا قعدت أكتبلك رد ييجي صفحتين
ولما ظغطت على إضافة الرد..الجهاز هنج
ههههههههههه
بأي حال
الزاناكس ده من عيلة الزولام والريستولام والبروزولام
يعني مهدئ ومنوووم
وطبعا ده تابع لعقاقير الجدول...يعني صاحبك ده واااصل
المهم

تنظيم الساعة البيولوجية(والله أعلم)بتيجي بالتدريج..وبالتعود
يعني لازم تتأقلم واحدة واحدة علشان تغيرها ..يعني مش في يوم وليلة ..والله أعلم
يعني هتتعب شوية

**أحمد كمال** · 06-03-2011 09:30 PM

أرجوك أرجوك أرجوك بلااااااااااااااش

عيلة البنزوديازيبين دي عيلة واطية واطية واطية

بيسبب ادمان و اما بتبطله بتتعب جدا و ممكن ما تعرفش تبطله بسهولة

dysphoria and insomnia to a major syndrome that may include anxiety, abdominal pain, muscle cramps, vomiting, depression, sweating, tremors and in rare cases seizures, suicidal ideation or suicide itself

دي اعراض التبطيل بتاعه

انخفاض في المزاج, أرق, توتر, الم في البطن, تقلص في العضلات, قئ, اكتئاب, عرق, رعشة, و في حالات نادرة تشنجات, تفكير في الانتحار او الانتحار نفسه

ابوس ايدك بلاش ........

لو قافلة معاك أوي اضرب Panadol Night .... ده دوا حساسية و برد اصلا و من اعراضه الجانبية النعاس يعني يساعدك عالنوم ......