لن نتراجع عن حريتنا - المعلومات يجب ان تنشر

**human** · 06-03-2011 08:58 PM

المشاركة الأصلية كتبت بواسطة sharky

نفس الشرف لى

و مش معنى انى مختلف فى بعض مطالب الثورة انى ابقى ضدها
احد اهم مطالب الثورة هو محاربة الفساد و كشف مرتكبيه و ماحسبتهم و طبعا مؤيد ذلك تماما :)

عزيزى شاركى
حتى لو مختلفين فى مواقف معينه بس عارف برضه انك موجود لو احتجتك
هيه ديه الفكره
بس نختلف وتسيبنى لوحدى ديه المشكله

المشاركة الأصلية كتبت بواسطة a7med_pharma

الحقيقة ..؟؟
كل واحد غلط في حق البلد . . . . . .لازم يقلع يتعرى ويتفضح

اتفق
بس مش لازم يتعرى

**otefa** · 06-03-2011 09:00 PM

هو ده الكلام .......الشفافية ومشاركة الشعب في كل صغيرة وكبيرة.........مجالس شعب بحق وحقيقي
متفق تماما

**م.محمد علاء** · 06-03-2011 09:13 PM

انا معاااااااااااك أكيد..
بجد أمور اللهو الخفي اللي كانت بتحصل دي الواحد نفسه يعرفها بقى....
..
سعاد حسني مين اللي قتلها؟؟؟
كتاب إعتماد خورشيد اللي كتبته ده .؟بجد ولا لأ ؟؟و كام نسبة الصح من الغلط فيه..؟
من قتل كينيدي؟؟؟
:)

**Sharky** · 06-03-2011 09:15 PM

المشاركة الأصلية كتبت بواسطة human12

عزيزى شاركى
حتى لو مختلفين فى مواقف معينه بس عارف برضه انك موجود لو احتجتك
هيه ديه الفكره
بس نختلف وتسيبنى لوحدى ديه المشكله

دا اكيد يا طارق

اختلافنا لإن كل واحد فينا همه مصلحة بلدنا و شايف ان فكره هو دا اللى فيه مصلحة اكتر

الاختلاف فى الرأى لا يفسد للود قضية

احنا مصريين يا طارق مش حقول غير كده

**amado ibrahim** · 06-03-2011 09:36 PM

فى وسط هذا الكم الهائل من المعلومات

كيف يمكن التمييز بين الحقيقى من الوثائق مما تم تاليفه ( و خاصة انهم اساتذة فى التأليف )

بين الغث و السمين

بين المقصود تركه لينشر و ما لم يلحقو يتخلصو منه

هل لاحظتم كم المعلومات عن المتوقع ترشحهم لمناصب هامة فى المستقبل القريب

هل لاحظتم ان المعلومات الهامة خاصة بكروت محروقة عمليا (العادلى)

هل لاحظتم المعلومات الخاصة بالهيئات القضائية ( واحنا داخلين على انتخابات و بنطالب باشراف قضائى)

تفتكرو الكشوف اللى فيها اسماء ممكن توصلنا لايه غير البلبلة و اثارة الفتنة بين طوائف المجتمع

و يصبح من المنتظر فى القريب تسريب أى كم من المعلومات المقصود تسريبها عن عمد لتنفيذ اهداف معينة
من تشويه اشخاص بعينهم واشاعة الفتنة حول هيئات و مؤسسات و بين طوائف المجتمع

و هيصبح اى وثيقة عليها شعار امن الدولة قابلة للتصديق فى المستقبل أى كان محتواها

(فاكريين مشهد الخالة نوسة مع هالة شو و تصديق الدجالين)

القصد

اننا نأخذ المعلومات دى بمبدأ انها تحتمل الصدق بنفس الدرجة التى تحتمل بيه الكذب

بمعنى انها متكونش دليلنا اللى نبنى بيه اتهامنا للاخريين

والا هنكون بنتصرف ذى النظام السابق اللى كان بيسلم دماغه لامن الدولة(ليسرب المعلومات اللى هو عايزها والنظام بيصدق بدون تفكير و هو حاطط فى بطنه شادر بطيخ صيفي<فاكرين موضوع كنيسة القديسين> )

اللى غلط و اللى بلغ و اللى فتن

تفتكرو دول افضل تعامل معهم ايه

هل هو البحث عن فضيحة

ام من الممكن التوصل لحلول افضل عن طريق معاقبة المسئول عن استغلالهم أو استغلال ضعف نفوسهم

يا ريت نركز فى موضوع محاسبة افراد أمن الدولة أولا قبل أى شىء

و الاهم متابعة مطالب الثورة

مش عايزيين التفاصيل الفرعية تشغلنا عن اهدافنا الاصلية

تقبلو تحياتى

**smartchoice** · 06-03-2011 09:50 PM

أنا شايف أن مينفعش كل حاجة تتنشر خصوصا ان فى مستندات فيها فضائح لأشخاص من عامة الشعب و ملهاش دعوة بالفساد
و فى مستندات فيها حاجات تضر بعلاقتنا بدول اخرى و بالتالى انا متفق مع نشر ملفات الفساد الداخلى فقط و الفساد اللى كان فى مؤسسات الدولة و المال العام فقط

**human** · 06-03-2011 10:44 PM

زى ما الناس قدرت تفرق الصالح من الطالح مهما حاولوا تزوبره

**amado ibrahim** · 06-03-2011 10:56 PM

المشاركة الأصلية كتبت بواسطة human12

زى ما الناس قدرت تفرق الصالح من الطالح مهما حاولوا تزوبره

ايه الميزان اللى نقدر نوزن بيه صدق او كذب الوثائق

اسمع العبارة دى

و اوزنهالى

(انا بقول اننى ضابط امن دولة

وكل ضباط امن الدولة كذابين

هل انا صادق ام كاذب)

مثل هذه العبارات الثعبانية لن تستطيع ان تجد لها ميزان تعتمد عليه الا التحقيق المباشر مع الاشخاص الى اثيرت حولهم

و برضه اعتقد ان الهدف من ترك هذه الملفات هو توجيه الانظار بعيدا عن أمن الدولة و الفاسدين الحقيقيين و ترك الشعب ليتهم بعضه بعضا استنادا لوثائق اعدها أمن الدولة

تحت شعار فرق تسد

و برضه انا مصر على نظرية الخالة نوسة وشغل الدجالين

تقبل تحياتى

**enas75** · 06-03-2011 11:02 PM

احنا المفروض ما نساهمش في اللي بتتكلم عن اعراض وعورات متفرقش معانا..........لكن اللي تخص ناس مسئولين المفروض يتعمل لجنه تقصي حقائق (بعيده عن النائب العام...هو مش ناقص)...وتحقق في الصحيح من المضروب...وفي الاخر تعلن النتائج
وكل واحد يتحاسب بجد

**human** · 06-03-2011 11:04 PM

الحقيقه تقدر تكشف نفسها
من غير ثعابين
30سنه بيسقوا الناس مبارك لغايه والناس عارفه الحقيقه
لغايه دلوقت الناس قادره تميز

الموضوع: لن نتراجع عن حريتنا - المعلومات يجب ان تنشر

LinkBack

أدوات الموضوع

عرض

-

-

-

-

-

-

المواضيع المتشابهه

اخر تصميماتى التى لم تنشر

مرسيدس بنز تنشر صور CLS Wagon 2012

صور للبولونيزلم تنشر من قبل

مواقع تنشر معلومات خاطئه

الكلمات الدلالية لهذا الموضوع

المفضلات

المفضلات

ضوابط المشاركة