الموضوع: شكر واجب للأستاذ أحمد مصطفى

المشاركة الأصلية كتبت بواسطة ahmedezar

السلام عليكم إخواني

الحمد لله حجزت إمبارح نيسان تيدا 2011 من معرض أوتو إيجبت - مدينة نصر

الحقيقة الفضل يرجع بعد ربنا لأستاذ / أحمد في مجهوده الرائع معايا الفترة السابقة في الإقناع والترشيح وكمان

الحصول علي أفضل سعر في السوق حاليا

كمان سعيد جدا بمعرفة أ / بسام و أني أتشرفت بمعرفة الناس المحترمة هنا

أحب أشكر أوتو إيجيب علي المعاملة المحترمة أ/ عبد الخالق إبراهيم و أ/ عادل سعيد لمجهودهم معايا

إدعولي بقي ربنا يكمل علي خير والبنك يخلص إجراءاته بسرعة عشان أنضم ليكوا يمكن ألحق أحضر المقابلة

أحمد

شاكر تقديرك الغالى يا احمد
ومفيش تعب ولا حاجة
انا كسبت مكسب كبير من الموضوع ده , وهو انى اتعرفت على شخصية محترمة زيك بامانة
وانا كنت واقف جنب اخويا , لانك فعلا اخ عزيز , ولو بايدى حاجة اكبر من كدا كنت عملت
وباذن الله اكون معاك وقت الاستلام , ويكون فى مفاجاءت كمان كويسة ,
وان شاء الله تكون معانا بيها وقت المقابلة باذن الله

وبضم صوتى الى صوتك كمان وبوجه كل الشكر والتقدير الى اتو ايجيبت على ذوقهم فى التعامل مع العملاء وتعبهم معانا دايما , وبخص بالشكر الاستاذ عبد الخالق واستاذ عادل سعيد مدير فرع مدينة نصر على مجهودتهم معانا

المشاركة الأصلية كتبت بواسطة sonasteel

السلام عليكم
العنوان ده خلاص مبقاش يدهشني بعد ما عرفت اصلا ان ده الافتراضي بتاع ابو حميييييد default هههههههه
يعني بفضل الله ثم أحمد هو اللي لمنا اللمة الجميلة ديه ربنا يجزيه خير ويجزيه عنا خيرا
انت عارف يابوجميد اني مهما فلت مش هاوفيك حقك .. احسبك علي خير ولا ازكيك علي الله
ربنا يديك الصحة ويبارك في عمرك وتمتعنا بمواضيعك ومساعداتك طول العمر
والف الف مبارك عليك أ/أحمد التيدا ... وتتستلم علي خير ان شاء الله وتنورنا بمواضيعك ومشاركاتك الجميلة
واقعد بالعافية :))

اللمة الحلوة ليمكن تتاسس وتتجمع الا بناس حلوة زيكم , وعشانهم الواحد بيبذل كل طاقته
وشرف للواحد وجوده وسطيكم وسط اخوة واصدقاء فى منتهى الجمال والروح الحلوة زيكم اللى مش بلاقيها فى اى مكان تانى غير مع كل اعضاء نايل موتورز

وفعلا كمان بتشرف بامانة بصداقتى ليك جدا يا حسين وبكل مقابلة بلتقى بيك فيها , ببقا مش عاوز اسيبك والله
وربنا يديم المحبة بينا

وربنا يديم روح الود والتعاون و المحبة بين كل الاعضاء جميعا