يا جماعة انا نفسى اغير عربيتى ومش عارفة انهى افضل فى حدود 50 الف
مانيوال طبعا ( مع العلم ان عربيتى الآن فيات 125)
ونفسى اغير بقى...............!!!!
عرض للطباعة
يا جماعة انا نفسى اغير عربيتى ومش عارفة انهى افضل فى حدود 50 الف
مانيوال طبعا ( مع العلم ان عربيتى الآن فيات 125)
ونفسى اغير بقى...............!!!!
50 ألف يفتحوا لحضرتك مجال الأختيار بين عربيات كتير
بس ده يعتمد على رغبة حضرتك أيه علشان نعرف نساعدك
يعني حضرتك عايزه عربية مستعملة ولا زيرو ؟؟
عائلية ولا ؟؟ و نظام تنقلات حضرتك أزاي ؟؟
صغيرة ولا ؟؟ "هاتش ولا سيدان ولا ستايشن" ؟
نظام قطع الغيار ؟؟ هل حضرتك مستعدة تشتري عربية قطع غيارها عالية ؟؟ ولا ؟؟
حضرتك أتعلمتي السواقة خلاص الحمد لله ؟؟ ولا دي عربية لسه حضرتك حتكملي تعليم فيها بعد القديمة ؟؟ و هكذا
بصي انتي بال 50000 جنيه دول للأسف محصوره مابين انواع بسيطه زي الاسبارك الشيفروليه والصيني الكتكوته اعتقد بس
ولكن لو ممكن تزوديهم شويه هتدخلي في فئه تانيه خااااااالص
تحياتي وربنا معاكي وطبعا ماتنسيش تصلي استخاره
عندك حق انا كان لازم اقول تفاصيل اكتر
العربية الى معايا ال125 دى كانت فى العيلة من ساعة ما كانت زيرو وهى موديل 82 و هى معايا من حوالى 7 سنين فاكيد كفاية كدة.
اللى معايا 50 الف ومواصفات العربية اللى محتجاها هى:
- مانيوال
- اكيد مش لازم زيرو بس تكون مش موديل قديم يعنى 2005 فما فوق.
- اتساعها من الداخل مقبول يعنى مريحة فى السواقة
- قطع غيار باسعار مقبولة
- اقتصادية فى البنزين
- ولو هاتش باك تكون مساحة الشنطة مقبولة
ارجو المساعدة
*أوبترا أستعمال.. و حالة نظيفة "معاكي بالسعر ده لحد موديل 2006 بالكتيير من غير تكيف "
*شاهين آخر موديل "الأنجيكشان ال 1600 سي سي " .............عربية قطع غيارها في الأرض ، باور ، أنجيكشان ، تكيف ، و مش حتزعلي عليها لو أتخبطت منك ... بس ممكن سعرها يزيد سنة بسيطة عن ال50 ألف
*بونتو "فيات بونتو" .. سعرها أقل من 50 ألف بكتيير و واسعة و كل حاجة "من موديل 2000 لحد 2008"
*رينو كليو "من موديل 2000 لحد 2006"السعر حيصد معاكي فيها .... بس قطع الغيار غالية سنه ...
*ماتريكس القديمة "تقريباً غتية عن التعريف"
*لادا :)) موديل "2107" هي اسمها كده مش موديل سنة 2107 المهم هي أنجيكشان و تكيف ب التمن ده و أقل سنه كمان
*بروتون جين موديل 2005 و 2006 معاكي بالسعر ده بس أغلى شوية
بروتون واجا 2005 ...
*ويرا 2005 .. لسه صاحبي شاريها من 3 أيام ب 42 ألف تكيف و كله ... ممكن 2006 تعمل 50 .. و 2007 أغلى سنه .. لأن كان في 2007 و كانت عاملة 56 طبعاص بالفصال حتقل :))
بصراحة دي العربيات ألي أرشحها لحضرتك
===================================
الجديد بقا
*سبرانزا a113 مانوال 50 ألف بظبط أو أقل فسواية :)))
بس للأسف مش فاكر أيه تاني ممكن يكون ب 50 ألف
آه السبارك ... مش فاكر أيه تاني الصراحة .. لما أفتكر حاجة كويسه !! حرشحها لضحرتك
الاسبارك كويسه
احسن من الصينى يعنى
احسن تجيبى حاجه جديده بدل المستعمل ومشاكله
[overline]طيب النوبيرا ولا الافيو [/overline]
العفوا يا فندم !! :)
أما عن مشاكلها .. فلم أسمع بها .. ممكن حضرتك لو سألتي في قسم البروتون حيفيدو حضرتك .. بس أنا صراحةً لم أسمع ....
النوبيرا جميييلة .. واسعة ... جراية ... ناعمة ... بس للأسف قطع غيارها غالية .. بس ده الطبيعي عامةً في العربيات كلها .. بس بصراحة نصيحة جميلة :)
بس أنا للأمانة بكرهها .. مش عارف ليه .. بس مش بستقبلها كده !! :_Alshmokh08[1]:
أنا كنت زي حضرتك ... بس بعد مركبتها أتصطمت في رحابتها .... طلعت كنت ظالمها والله :))
فيات بونتو كلاسيك.....انك تسوقي أوروبي حاجة...والأسيوي حاجة تانية مع احترامي للملاك , بونتو كلاسيك 4 نجوم في اختبارات التصادم الأوروبية....ثبات و متعة في السواقة....قطع غيار متوفرة غالي و متوسط و رخيص و عربية معمّرة و متجربة و معروفة و واخدة جوايز كتير و منها أكثر سيارة Supermini مبيعا في العالم واللي volkswagen بتنافسها بالIbiza ,الpolo و برده مش عارفين يحققوا مبيعاتها...ده غير انها ايطالي و لو ركبتي أسيوي و ركبتي بعدها البوتو حتفهمي قصدي...شنطتها مش زي السيدان طبعا بس واسعة و واسعة من ورة و الكنبة قابلة للطي لتوسيع مساحة تخزين الشنطة...و أي استفسار قسم فيات تحت أمرك....
كللٌ له حلاوته و مساؤه
*الأفيو أصغر من النوبيرا
*قطع الغيار .. تقريباً نفس التمن .. لكن النوبيرا أغلى في بعض الحاجات
*الصيانة ... كله ليه صيانه دلوقتي
*الوقود .. أكيد الأفيو لأنها أصغر "أي نعم الاتنين تقنية جينيرال موتورز... بس الحجم بيفرق" و هو عامةً على طريقة الأستخدام
*الشكل "أنا أفضل النوبيرا"
*التحمل .. معرفش !!!
الثبات ... أنا مجربتش الأفيو زي النوبيرا.. يعني أنا لما ركبت الاتنين .. المشي على سرعة عالية كان بالأفيو .. بس مكنتش حاسس بأي حااجة .. بقول للراجل .. اسرع يابني... :))
قال أكتر من كده أيه 140 اهوو :)))
النوبيرا .. كان آخر حاجة مش فاكر .. بس كانت بسرعة يعني .. مكنتش حاسس بحاجة برده
*العضم ... معرفش .. مجرتهومش في حاجث بعد الشر ... بس النوبيرا بتاعت صاحبي ده .. عملت حادثة ... على سرعة متوسطة فيعمود نور ... جابت أكصدام برفرف و كبود .... أحكموا أنتوا ... هو غير أكصدام .. و أستعدل الرفرف و الكبود .. بس ما شاء الله ولا كأن حصل حاجة "قصدي أستحملت!!"
الأمان .. النوبيرا أمانها حلو أوي
الأفيو معرفش .. مجرتهاش في حادثة ولا صاحبي ده جربها في حادثة !!!!
مش فاكر تاني أيه الصراحة ممكن أقارن فيه !! أرجو أني أكون لميت بشوية حاجات !!
جديد بالترتيب
بروتون ساجا
شفروليه لانوس
هيونداي جيتز
هيونداي فيرنا
مستعمل
متسوبيشي لانسر 2000
عربيه معمره قويه قطع غيار في الارض سهوله الصيانه ياباني قوه و متانه على الطريق
او لانوس 2005 او 2006
و انا برشح اللانسر
بالتوفيق بازن الله
على فكره لو جربتى السبارك حتحسى انها مش ضيقه من جوه