يا ريت يا جماعه كل واحد اتسحبت رخصته رادار يقول اتسحبت على كام و كانت مخالفتها اد ايه
رخصتي اتسحبت يوم 4-4 مصر اسكندريه على الكيلو 48 بسرعة 145
بس لسه طبعا ماجتش و مش عارف مخالفتها كام...
عرض للطباعة
يا ريت يا جماعه كل واحد اتسحبت رخصته رادار يقول اتسحبت على كام و كانت مخالفتها اد ايه
رخصتي اتسحبت يوم 4-4 مصر اسكندريه على الكيلو 48 بسرعة 145
بس لسه طبعا ماجتش و مش عارف مخالفتها كام...
اخر مخافلة سرعة على الدائري
103 ودفعت 140 جنية
قبلها راجع من اسكندرية
178 وكنت شوفت الرادار وعلى ما هديت نزلت لكدة
اصلي كنت ماشي 190
ودفعت 150 بالواسطة
192 الظابط مارضيش يسحبها عشان ماكنوش مستنينيني وادوني الرخصة
انتا عارف يا كريم و انا ماشي قعدت بتاع نص ساعه ماشي على 100 و قلت لااااااااا مش حاخلي حد يسحب رخصتي
شويه و لقيت عربيات كتيييييره زن زن زن من جمبي ...
قلت ايه كل دولب مش خايفين على الرخص!
و رحت دايس :)
مافيش يا ريس 10 دقايق هوب اركن حضرتك
و كل ايلي زن زن من جمبي لقيتهم واقفين في الرادار
انا مرور عين الصيره بس متهيألي انها بتروح على مرور الدراسه مش كده؟
انا رخصتى اتسحبت على 92 فى المحور و كانت الغرامة 101 بس مادفعتش حاجة وجات لغايت بيتى :)
144 كيلو قبل راس غارب و دفعت 103
187كم طريق العين السخنه الصبف اللي فات ولازلت احتفظ بالوصل في محفظتي والظابط اكد الاشاره باللاسلكي 3 مرات قدامي ومكنش مصدق وانا اقوله ابدا لايمكن 187 (وفي سري بقول دي كانت 200 :)
وطلعت بدل فاقد ومدفعتش غير 50 جنيه تمن الجديده
دا انتم في نعيم يا جماعة والداخلية مهيصاكم. انتم عارفين اقل مخالفة هنا في قطر بكام؟ ب 500 ريال قطري يعني 750 جنية مصري دة لوكانت السرعة المحددة 80كم وانا مشيت 82كم.
الطامة الكبري بقي مخالفة قطع الاشارة هنا تمنها 6000 ريال قطري يعني 9000 جنية مصري دة بس لو انا عديت منها والاشارة حمرة. اما لو لا قدر الله اتسببت في حادث وانا قاطع الاشارة فدي بقي موال تاني مخالفتها ب 50.000 ريال قطري يعني 75.000 جنية مصري وكمان فيها سجن.
شفتوا بابا حبيب العادلي مدلعكم ازاي............!!
رخصتى إتسحبت على طريق وادى النطرون كنت ماشى 140 و الرادار سجلها 113 !!!!!!!!!!!!!!!!! مش عارف إزاى , دفعت 104 جنيه و جبتها من مرور الدراسة بعد شهر
الحمد لله الحمد لله
داخله علي ال 10 سنين في جيبي منهم 3 سنين في دبي يعني اجمالي 7 سنين في مصر و ما اتسحبتش مني و لا مره رادار :p:p:p:p.
رخصتي الوحيده اللي في صحابي اللي مافيهاش ولا دبوس :D:D
108 كم مدخل بورسعيد و دفعت 25 جم
111 اول الصحراوى ودفعت 101 جم
طبعا حنيالوا لية 25 جم
كان فية وكيل نيابة فى محرم بك نظامة كدة اكتر حاجة ممكن يدفعهالك 50 جم
وطبعا انتوا عارفين مصيرة
تم تغيرة بواحد اقل حاجة عندة 101 ويبقى كارمك وعامل معاك واجب
انا بقى خواف على الآخر وعمري ما بعدي السرعة القانونية :d
بس هو سؤال كدة على جنب
هو الواحد لو اتسحبت رخصته بيدفع الغرامة دي فورية وياخد الرخصة ولا لازم يسحب الرخصة والغرامة بتتدفع في كل الأحوال؟
لا يا باشا الرخصة بتتسحب ولازم تروح المرور تتعذب ساعتين تلاتة
- سبتمبر 2004 قبل الغردقة ب 60 كم كنت ماشى 110 و دفعت 300 جنيه
- يناير 2005 فى جبل الزيت كنت ماشى 95 و تانى يوم و انا رايح مرور الغردقة اقدم طلب علشان ميبعتوش الرخصة القاهرة الرادار لقطنى ماشى على 70 فوق الهضبة و وبعد حوارات سابلى رخصة القيادة و الوصل بس لقيت المخالفتين نازلين كل واحدة 500 جنيه، فى الأخر دفعت 300 جنيه على الأتنين
كل رخص الطريق السريع لو انت مرور القاهرة تيجي الدراسة في خلال اسبوع
ولا مرة اتاخرت اكتر من اسبوع
ومن الدراسة تتوزع على المرور بتاعك في خلال 3 اسابيع
على فكرة
انا لسه سامع انهم بدأوا يفعلوا القانون الجديد
اخى لسه مسحوبة منه على الدائرى و عقبال ما جت على السويس
رايح ياخدها و يدفع
قالولوا
وقف شهر
لى تعليق صغير
يا جدعان ايه الارقام دى
200 و 192 و 174
يا جدعاااااااااااااااااااااا اااااااااااااان
-----------------
ساعات الفقير الكويس بيفضل فقير "و الله اعلم من تلك المقوله" و بيقال ان الله يعلم ان لو اعطاه لبغى و تجبر فبيفضل فقير
------------
اكيد الحالة دى مطبقة عندنا
كل طرقنا زى .......... و ما تستحملش اى سرعة و تمشوا عليها بالمنظر ده
طب لو ربنا ادانا طرق حرير و متسفلته كويس زى ما بنشوف
اكيد كنتوا مشيتوا على الهوا
لان سرعة العربيه حتكون مش اقل من 400
------------------------------------
كريم باشا
انا نسيت فى مقابلة اميجو احطلك حجر جرانيت تحت دواسة البنزين
أيام العربية القديمة ال127 اتسحبت رخصتى على الدائرى
السرعة الحقيقية كانت 80 و المخالفة اتكتب فيها 100
اصل كان اخر اسبوع فى رمضان وكل سنة و انتو طيبين العيد داخل و الرجالة محتاجة مصاريف
الظريف ان الباشا الضابط كان قاعد عامل اسطمبة الكل يديله 100 سواء كان ماشى على 60 أو 160 و كانت و اضحة زى الشمس انهم واقفين يلموا رشوة و اللى زى حالاتى مش بيدفع ياخد مخالفة ال100
كنا قبل الفطار و مفرهط ما قدرتش اناهد معاهم بس ما قدرتش امسك نفسى انى ادعى عليهم و من قلبى
العظيم كمان انهم ضيعوا الرخصة و عملت بدل فاقد بعد ما اتفسحت فى المرور بتاع 7 مرات
من ساعتها الحمد لله داخل فى 3 سنين الرخصة ما اتسحبتش
ساري لمده اسبوع يا احمد باشااقتباس:
طب وعلى كدة إيصال سحب الرخصة بيكون ساري لمدة أد ايه؟
و تروح كل اسبوع نيابه المرور بتجدده :)
انا لسه داخل على موقع الحكومة المصرية
http://www.egypt.gov.eg/arabic/servi...ction=Citizens
ايلي فيه خدمة الرخص المسحوبه
لقيت المخالفة 100 جنيه
و 108 لو حايوصلوها ليا بالبريد السريع
شوفتو دلع الحكومة المصرية :)