يا جماعه اللى انا حاسه ان فى سياسه جس نبض , اذا كان الناس بترضى بالقليل ليه اعطيها أكتر , علشان كده كل شويه فى تجارب بتم وبيشوفوا رد فعل الناس عليها , وما تنسوش ان المجلس الاعلى للقوات المسلحه مكون من 19 شخص و بينهم اكيد أراء مختلفه , منهم الى عاوز ينجز بسرعه واكيد الى عاوز يأخر و الى مش عاوز يعمل حاجه , ولكن الواضح حتى الان ان الى عاوز ينجز بسرعه مش ناجح , وكل التحركات يا اما بطيئه أو غير كافيه.
والمشكله ان كل الامور محتاجه دلوقتى لحسم سريع والتأخير بيعنى خسائر أكتر. الجيش مش حيقدر يوزع جنوده على كل الجمهوريه علشان التأمين حتى لو كان له اراده خالصه فى ذلك و لكنه فى نفس الوقت ساب أحمد شفيق و محمود وجدى شهر كامل من غير ما يعيدوا نشر قوات الشرطه, ومعروف ان الشرطه مش حتقدر تنزل من غير ما تتم محاسبه افرادها اللى قاتلوا الناس وده كان ممكن يتم من بدرى لكن واضح ان هنالك تسويف و أخشى ان يكون هذا التسويف بغرض التستيف فتأتى الاتهامات باهته والادله غير كامل و بعد شهور من المحاكمات تأتى الاحكام غير رادعه أو يسهل نقضها
وللأسف فأن ترك صفوت الشريف وزكريا عزمى وفتحى سرور بدون حتى التحفظ عليهم وظهورهم المفاجئ على قنوات التلفزيون امس بعد أحداث قريه أطفيح يثير الكثير من علامات الاستفهام والتعجب
يارب تكون شكوكى فى غير محلها بس ان خايف فعلا ان تباطؤا الجيش تستفيد منه القائمين بالثوره المضاده و يخربوا فى البلد اكتر واكتر
المفضلات