علشان 30 كيلو وزن بنخسر على الاقل 600 مليون كل سنة ... منك لله يا شفيق
تخيلوا أن أحد المصريين اللى عايشين هنا في السعودية، أتصل بي بشأن الإيميل اللى بعته علشان مساعدة مصر والسفر على الخطوط المصرية ، لاقيته بيقول كلام غريب جدا أو على الأقل ماكنتش واخد بالي منه،
المهم أنه
بيقول ان هيسافر على الخطوط السعودية ومش هيسافر على الخطوط المصرية لأن مصر للطيران خلت الحد الأقصي للوزن ب 20 كيلو ، بعد أن كانت 50 كيلو وده اللى كان بيميز مصر للطيران قبل كده. وصاحب القرار هو الفريق شفيق لما كان وزير للطيران. يعني الحاج شفيق علشان 30 كيلو يوفرهم في الوزن بقت الخسارة بالمليارات . وصدعوا دماغنا بإنجازات شفيق وفتوحات شفيق .
تعالوا كده نحسب حجم الخسارة بسبب مثل هذا القرار: لو أن هناك 200 الف مصري يعمل بالخارج (على الرغم أنهم بالملايين) ومتوسط سعر التذكرة 500 دولار ، يبقى إجمالى المبلغ 100 مليون دولار يعني 600 مليون جنية جنية سنويا، أحسبوا انتم بقى الفلوس دي كانت ممكن تعمل أيه ، شوفوا كام مدرسة وكام مستشفى وكام دار أيتام ........... الخ .
لو أنا فاهم غلط ولا حاجة حد يقولنا و يفسر لنا ايه اللى بيحصل... حسبنا الله ونعم الوكيل.
على فكرة أنا عمري ما هأسافر على خطوط بلدي حتى لو كانت أغلي أو حتى الخدمة زبالة أو بيوقعوا كل يوم طيارة. كل دولار هأدفعه بلدي وأبناء بلدي اولى
