فين امن الجامعه ؟؟!!!!!!

**cheetos_892005** · 07-03-2011 01:52 AM

المشاركة الأصلية كتبت بواسطة heshamzaky

دة كان طلب الكليات من زمان و أدية أتنفذ

ايوه منا عارف ...

بس مش معناه لما تيجي تنفزه تشيل كل الحرس قبل ما تكون محضر حرس مدني ....

ولا بيعاقبونا عشان طالبنا بالحق؟

**heshamzaky** · 07-03-2011 02:02 AM

المشاركة الأصلية كتبت بواسطة cheetos_892005

ايوه منا عارف ...

بس مش معناه لما تيجي تنفزه تشيل كل الحرس قبل ما تكون محضر حرس مدني ....

ولا بيعاقبونا عشان طالبنا بالحق؟

هو تقدر تقول بيسيبها مخضرة يعنى الاسم نفذت طلبك و الفعل بغرقك . طبعا كان لازم تحضير للموضوع دة على الاقل يتعاقدو مع شركات أمن او حراسة متخصصة

**cheetos_892005** · 07-03-2011 02:03 AM

المشاركة الأصلية كتبت بواسطة heshamzaky

هو تقدر تقول بيسيبها مخضرة يعنى الاسم نفذت طلبك و الفعل بغرقك . طبعا كان لازم تحضير للموضوع دة على الاقل يتعاقدو مع شركات أمن او حراسة متخصصة

لا بجد احنا بنتعاقب عشان بنطلب الحق ........وساخه

**heshamzaky** · 07-03-2011 02:09 AM

المشاركة الأصلية كتبت بواسطة cheetos_892005

لا بجد احنا بنتعاقب عشان بنطلب الحق .......

ما أنا قولت لك هو نسبيا بيعاقب الناس بصورة غير مباشرة بس فعليا هو قانونيا نفذ أحكام المحكمة و أدى الحرية للجامعات زى ما هية كانت طالبة دة . بالبلدى لعبها قانونيا و لا لوم علية

**osama.m** · 07-03-2011 02:48 AM

عندنا ان شاء الله لو لقينا الدنيا بايظة احنا اللي هنقوم بدور الحرس .. هنعمل حاجة زي لجنة كدا فيها عدد معين و هنبدل مع بعض

**AboELsoud** · 07-03-2011 02:48 AM

المشاركة الأصلية كتبت بواسطة a7med_pharma

أكيد الــ 10 موظفين دول ..بشكل مؤقت بسسسسسس
أكيد هنلاقي أفراد أمن مدني بعد كده
ياراجل أحسن..ده ظباط الأمن في الجامعة دول ولاد تيتتت (معظمهم)
كلهم شبه بعض لو تلاحظ
حاطط جللل..ونظارة الشمس..والسلاح ظاهر على وسطه..وعربيته المتفيمة(وغالبا لانسر بومة حمرا هههههه) جمبه
ونفس التناكة والقنعرة ..
يلا في داهية

معلش بس مجرد منظرهم و السلاح في جنبه يخوف اي حد يفكر يعمل حاجه في الجامعه
انما الموظفين اللي بكروش دول المكاتب هي احسن حل ليهم - انا مش بتريق بس بجد هما مينفعوش حرس خالص
ربنا يستر

**greenday** · 07-03-2011 03:01 AM

على فكرة اول ناس كانوا بيعكسوا البنات ويرخموا عليهم هما الظباط وده انا شفته كذا مرة فبلاش نديهم اهمية رهيبة وكمان ماعتقدش ان فى دول عندهم حرس جامعى من الداخلية الا مصر ومين البلطجى العبيط اللى هيدخل جامعة وسط عدد الشباب الرهيب الموجود فيها وجود موظفين بشكل مؤقت مش مشكلة المهم الجامعة تتعاقد خلال اليومين دول مع شركة امن محترمة يعملوا الطلاب باحترام وبادب

**TA2EB** · 07-03-2011 03:31 AM

طب انت رحت كان في شوية من الموظفين واقفين
انا رحت اول امبارح الباب مكنش فيه نفر واحد يوحد ربنا و مفتوووح علي البحري !!

**AboELsoud** · 07-03-2011 03:35 PM

المشاركة الأصلية كتبت بواسطة TA2EB

طب انت رحت كان في شوية من الموظفين واقفين
انا رحت اول امبارح الباب مكنش فيه نفر واحد يوحد ربنا و مفتوووح علي البحري !!

فعلا يوم السبت مكانش فيه حد على الباب خالص
يوم الاحد كانوا الموظفين موجودين على الباب و اتحدد معاد الامتحانات المؤجله
يوم الاثنين النهارده الامتحانات اتأجلت اسبوع تاني
الدنيا بايظه خااااااااااااااااااااالص

**osoliman88** · 07-03-2011 03:43 PM

المشاركة الأصلية كتبت بواسطة aboelsoud

انا طالب في تجاره عين شمس
طبعا كله سمع عن طرد حرس الجامعه بسبب المشاكل اللي كانت بتحصل
و قالوا ان كل جامعه هتعمل امن مدني يبقى تبعها و مدربين و كلام كده
رحت النهارده الاقي اللي واقفين على الباب الموظفين بتوع الكليه !!!! وعددهم لا يزيد عن 10 رجال
ابص على عربيه الامن المركزي اللي كانت بتقف جنب سلم المشاه مش موجوده!!!
طب الــ3 عربيات الامن المركزي اللي كانوا بيقفوا في الجراج اللي جنبينا مش موجوده !!!

طب انا كنت مع فكره طرد حرس الجامعه بس مش مع فكره عدم تأمينها و عدم وجود اي شرطه بالجامعه او حواليها
طب افرض شويه صيع و بلطجيه حبوا يعملوا حاجه في الجامعه عندنا ولا يعاكسوا البنات اللي موجوده و طبعا مش هتقتصر على المعاكسات فقط مين اللي هيقف قدامهم ؟؟؟؟ الموظفين الـــ10 ؟؟؟؟؟ ولا الطلبه الشباب اكيد هيدافعوا عن اخواتهم البنات بس طبعا محدش هيسلم من اصابه او عاهه او موته

بصراحه انا كنت مرعوب لان اختي معايا في الكليه ورحت معاها و رجعت معاها و بفكر مروحش لحد ما الشرطه ترجع كحمايه للطلبه:t_thum1[1]:

في كل الأحوال ، دائما تذكر ثورة 25 يناير وكيف واجهه الشباب الأعزل قوات فرعون وهامان وصمدوا ووقفوا واقفة رجالة، مجرد الصوت العالي من أكثر من 100 الف طالب في الجامعة : امسك حرامي ... يا فلان .... يا أحمد ... أمسك .... خد ياض ..... ولنا في موقعة الجمل عبرة.
أرجو الا نخسر ما كسبناه وهو التخلص من الخوف.... إن كنت تخاف من الموت فقد سبقنا من ضحوا بأرواحهم من أجل الحق. ولكل اجل كتاب