كلامه حلو
YouTube - ‫ط¨ظ„ط§ظ„ ظپط¶ظ„ ظٹظ†ط.ط§ط² ظ„ظ„ط¯ظƒطھظˆط± ط§ظ„ط¨ط±ط§ط¯ط¹ظ‰ ظپظ‰ ط§ظ„ط§ظ†طھط®ط§ط¨ط§طھ ط§ظ„ظ‚ط§ط¯ظ…ظ‡‬‎
عرض للطباعة
أنا حاسس ان البرادعي هايفوز ان شاء الله كل الرموز المحترمه معاه
وأنا كمان مع البرادعى ولو كانت معركة خاسرة.
وأنا كمان مع البرادعي .
انا مع الشخص اللى هيخدم مصر فى المرجلة الجاية
أستاذ طارق تعليقك جامد جدا :))
ده منين ده ؟؟ :))
معااااااااااااااااااااااا ه.
و انا مع اللي ضحي ايضا
اللي ضحي في سبيل اعلاء كلمة (( شرع الله ))
انا مع اي واحد عاوز يطبق شرع الله و حكم الله في الارض
و لو طبق شرع الله (( كما اراد الله ))
سينعم المجتمع بالامن و السلام و سيعيش المسلم و المسيحي و العلماني في امان في هذا البلد
اما ان يتولي حكمنا (( العلمانيين )) الشرفاء اصحاب الرأي المشهود لهم بأنهم منزهين عن الفساد بس غائبين عن الدين كمنهج للدنيا و الاخرة فلا اتوقع انهم هيفرقو كتير
و هذا رأيي الذي لا افرضه علي احد
و بأذن الله يوفقنا لاختيار من يرضي هو عنه
م.حاتم السباعي
مع البرادعى ان شاء الله
معاكم البرادعي ان شاء الله
باشمهندس حاتم
كنت لسه حاقول اللي حضرتك سبقتني بيه
كلام بلال مرسل...لان برضوا فيه اللي ضحى و عاشوا 30 سنة يضحوا...لأ وكمان ظل قاعد في مصر رغم التضحية و الخنق
حاجة مهمه كمان...ايه المانع ان البرادعي...أو ايا كان.... يقعد أكتر من دورتين بحجة التضحيه...
وبعدين هوا عشان ضحى يبقى يحكم مصر...هيا مكافأة؟؟!!
بعدين محدش يقوللي هو قال انو هايقعد فترة واحدة
كرسي مصر له شهوة....و ده مش كرسي والسلام ...ده ممكن يتقال عليه عرش مصر
هو مش بس ضحى قكرة التضحية لها منا كل تقدير
الفكرة ان البرادعى خبرة سياسية وصاحب رؤية لتطوير مصر ومش ناوى يقعد اكتر من دورة
لا احد يختلف على شرع الله، ولكن ايه هى الية التطبيق
لما قانون يعرض على مجلس الشعب فى مسالة فيها خلاف دينى، يبقى كل عضو مجلس شعب عليه ان يتحرى الدقة ويستفتى ويعطى صوته بناء على ذلك ، وهو سيتحمل الوزر لو تم التقصير، متهيالى ده شرع الله.
لكن تجيب مجلس فقهاء ويقولوا القانون ده ينفع وده ما ينفعش نبقى دخلنا فى قصة احتكار راى، لان الصح من وجهة نظر المجلس ده ممكن ما يبقاش صح من وجهة نظر عالم آخر.
أوضحلك .. افرض المجلس ده شايف ان احنا نعمل قانون بمنع التظاهر، ولكن فى علماء تانيين شايفين ان مسالة منع التظاهر ما فيهاش مشكلة، يبقى المجلس ده هيفرض رايه على الجميع ويبقى سلطة فوق الدولة.
اتمنى تكون وجهة نظرى وضحت، وما نستخدمش مصطلحات مطلقةمثل تطبيق شرع الله أو كانها مطلقة مثل دولة علمانية دون ان توضحوا لنا وجهة نظركم
أنا مع من أثق إنه هيكون ديمقراطي وينفذ تعليمات الشعب ويسمح بالحريات ونقلل صلاحياته بحيث يبقى نظام وزاري رئاسي وفصل السلطات
وفي الآخر لو سادت الحرية ونفذت كلمة الشعب فالشعب هيختار الإصلاح والمصلحين وحتى المسيحيين لما نوضحلهم الأمر هيختاروا تطبيق الشريعة الإسلامية بكل أساسياتها وأولها حرية العقيدة وآآآآآخرها الحدود
وأعتقد في رأيي إن البرادعي مش بطال ويمكن فيه ناس تانية بس منتظر أحدد رأي في الباقية بعد إطلاع
انا مع انتخاب البرادعي للرئاسة لعدة اسباب
1- شخصية معروفة عالميا مما يساعد في علاقات مصر الخارجية
2- ليس لة كاريزمة الزعيم وهذا ما نريدة رئيس خادم للدولة وليس الزعيم الملهم او حكمة الرئيس
3- لن يغرة المنصب لانة شخصية عالمية لها ثقلها ( معندوش عقد نقص )
4- ايمانة بحق جميع الايديولجيات والاتجهات الفكرة الاخري في الحياة السياسية
رايي صواب يحتمل الخطاء وراي غيري خطأ يحتمل الصواب
بالمنطق ده يبقى مش هيتم اختيار أي شخص للرئاسة لإن أي حد معرض إنه يخضع لشهوة الحكم، يبقى إيه الحل؟؟؟ دخلنا كده في دائرة مغلقة
كلام سليم وبالتالي مش مفروض يتم اختيار الشخص الحبوب اللطيف اللي بيعرف يتكلم ويلبس شيك، لازم نعرف كل مرشح قدم إيه وملتزم بتقديم إيه
؟؟؟؟؟؟؟
مين المرشح الرئاسي اللي هيخرج على الناس ببرنامج مكتوب فيه صراحة: الالتزام بتطبيق شرع الله كما أراد الله
أكيد لو ظهر مثل هذا المرشح وكان مسلم فكل مسلم حق هيرشحه، ولو كان مسيحي فكل مسيحي حق هيرشحه
وإلى أن يظهر مثل هذا المرشح فإن المتاح فقط هو المفاضلة بين المتقدمين على أساس المصالح الدنيوية التي يعدوا بتحقيقها والآليات التي يقترحونها لتحقيقها
تقبل تحياتي
كل مقترحاتك كويسة ما عدا ده
وجود مجلس من المستشارين يضم قضاة مثل أحمد مكي, البسطويسي الخ...تكون مهمتهم مراقبة اداء مجلس الشعب
ده كلام ده قمة التداخل فى عمل السلطات مجلس الشعب سلطة منتخبة مستقلة،بلاش اللى اتلسع من الشوربة ينفخ فى الزبادى
وبعدين يا عزيز هو لو واحد قالك انا اللى هطبق شرع الله تقوم تنتخبه ولا ده ممكن يكون بيتاجر بالدين، بلاش نسمع للكلام المرسل المطلق ده يعنى هيعمل ايه بالضبط
لان ده يا اما يقصد انه هو اللى هيطبق شرع الله والباقيين لا
يا اما هيطبقه بالطريقة اللى هو فاهمها وممكن ما تتسقش مع طريقتى فى الفهم
ما هو برنامج البرادعي لنهضة مصر؟؟؟
اذا اقنعني...ولم يكن هناك من عو افضل منه ....فانا معه
انا مع الشخصية المناسبة للفترة الحالية ايا كان .وان كنت مش من المرشحين للبرادعى.بس على العموم سوف اقوم بالترشيح على حسب الشخصيات المتقدمة للترشيح .والبرامج المقدمة منهم . وهيقدروا يقدموا ايه لمصر ولينا الفترة القادمة وعلى اساس برامجهم وتصديقى لها سوف يكون اختيارى .وده رايى الشخصى .
أنا أفضل البرادعي - كشخص وفكر - عن الموجودين في الساحة في الوقت الحالي
بس يمكن يظهر حد أحسن وبرنامجه أفضل قبل الانتخابات..مين عارف
بس اتمني الرئيس القادم ييجي على نظام برلماني ايا كان..يعني رئيس وزراء .. عشان لو جاي يهرج نسحب منه الثقة
انا كل غرضى انكوا متكرهوش البرادعى ولا ايمن نور ولا الاخوان ولا اى حد من اللى كانوا معمولهم برامج تزييف فى الاعلام الامصرى !!
اقسم بالله انا اتعاملت مع ناس اخوان ما شفت منهم حاجة واحدة وحشة الا انهم ناس طيبين و كويسيين و جمب الشارع و من اكتر الناس اللى اتظلمت ولا بتكفر حد ولا ضد مسيحين ولا اعداء التقدم ولا اى حاجة و بصفتى واحد من اللى باتوا فالتحرير و اللى نزلت من 25 يناير لحد يوم التنحى شهادة حق الثورة دى مكانتش هتنجح من غيرهم بعد ربنا وتحديدا يوم موقعة الجمل بالذات !
انا بس غرضى ننحى العاطفة على جنب تجاه كل المكروهين و نستنى و نشوف منهم ايه اللى ممكن يحققوه و نختاره كل واحد لنفسه
انا اقرب للبرادعى الى الان لكن لسة مشفتش جداول ولا برامج المنتخبين و اما اشوفها هقرر وقتها
تحياتى و ان شاء الله القادم افضل