الموضوع: احراق مبنى امن الدوله بالاسماعليه والعساكر بداخله

ده فعلا طلع يوم 29

المشاركة الأصلية كتبت بواسطة HAGAN

يا جماعة الخير
هوه و صل بينا الحال لكده
النقاش بقي علي امتي تم نشر الفيديو
و لو نط من الدور الكام يحصله ايه
و لا المشكلة في الجموع المحتشدة التي لم تقدم اي يد مساعدة
في انقاذ انسان بيشرف علي الموت اما (( محترق )) اعاذكم الله
و اما (( مدشدش و يموت ايضا )) الله يكرمكم
احنا رايحين لحد فين
و لحد امتي هنفضل كده
و فين دعوات الاصلاح
حتي هنا في المنتدي ظللنا لمدة اسبوعين عمالين نصنف بعضنا
اما مع او ضد و احذر يا جدع احذر يا بيه الثورة المضادة
و احذر يا عم شفيق زي مبارك
و بعدين الحق يا عم الوزارة الجديدة اهي مسكت
لا لا الحق يا عم دول بيحرقو امن الدولة
لا لا الحق يا جدع دول بيثبتو الناس في الطرقات
و بعدين الحق يا جدع دا في كنيسة اتهدت و اتحرقت
الحق يا جدع ده فيه اعتصام من المسيحيين في وسط البلد
الحق يا جدع ده الاعتصام ده هيمتد للصعيد و الاديرة تضامنا مع اخواتهم
الحق يا جدع دا الجماعة الاسلامية هتمسك
لا لا الحق يا جدع ده البرادعي عمال يقطع في عمرو موسي
لا لا الحق يا جدع ده القمح هيخلص
لا لا الحق يا جدع دي المدارس فتحت و مفيش تعليم و لا حاجة
لا لا الحق يا جدع دي الجامعات فتحت و كمان مفيش دراسة
لا لا الحق يا جدع حصل حاجة في سيناء استر يا رب
لا لا الحق يا عم الحكومة الجديدة حصل بينها و بين الجيش مشاكل
لا لا الحق يا جدع مصر (( اتوكست ))
ارجوكم كفيانا كلام كلام كلام
ارجو ان نقدم حلول و افعال تتناسب مع الوضع اللي احنا فيه
و شاكر لكم
الحق يا جدع
لقينا واحد اسمه حاتم ممسوك بيتعبط من رجالة الثورة

م.حاتم السباعي

يا اخى فينك من زمان...جزاك الله خيرا..