الموضوع: ادفع 10 جنية و نام مطمئن في بيتك

المشاركة الأصلية كتبت بواسطة mertahgedan

أنا شاكر جدا لذوق حضرتك وسعة صدرك. صغار الضباط يريدون التكفير عن اخطأهم في حق الشعب . لكن الذي يستجاب له ألأن هو الشعب لو أتي الضابط إلي اهله وطلب منهم ليساعدوه في حماية شارعهم هل سيتأخر عنه أحد. الاقتراح في الآتي سيارة شرطة بها ضابط أمن مركزي وأحد ضباط الأمن العام ومجموعة مجندين وتم عمل لقاء مع الاهالي و الاتفاق علي حماية الحي أو الشارع المعين وكل يساعد الآخر .

لا خلاف بيننا ابدا اخي الكريم
ان جهاز الشرطة بالكامل يحتاج ان يعتذر للشعب عن ماضيه
الغير مشرف في (( مجمله )) الا من رحم ربي
و لكن حتي يتم الاعتذار و التصالح المنتظرين بأذن الله بتولي وزير جديد فلن تقف السرقات حتي ينزل الامن لمواقعه
و اكيد هناك خطط سريعة بيتم تنفيذها من عتاة الاجرام كي يستغلو اكبر مكاسب في اقل وقت ممكن
و لذالك كانت الفكرة سلاح ذو حدين (( اولها ان نحس بالامن المفقود )) و ثانيا ان تكون هذه الفكرة باعث (( لاحياء روح التكافل الاجتماعي بين ابناء الحي الواحد من جديد و لا تنسي الهدف النبيل من عمل شباب لا يجد فرصة عمل حاليا ))
وكل هؤلاء سيجتمعو علي شئ جميل و هيتم تجميع الفلوس بطريق لائقة حضارية بأيصالات مثلا و بزي معين غير ان الجهة المسؤولة امام الرئ العام في المربع السكني هتكون من الناس الشيوخ المشهود لهم بصلاح الدين و مين عارف مش يمكن تكون الحسنة الوحيدة من الموضوع ده اننا دخلنا الشباب دول كلهم في وقت واحد للمساجد
التي لا يدخلها نسبة كبيرة منهم الا في الجمع و العيدين اذا كانو صاحيين
و لك جزيل الشكر

م.حاتم السباعي

المشاركة الأصلية كتبت بواسطة osoliman88

والله فكرة رائعة ، وممكن الناس تروح الريف وتجيب غفر من هناك وما أكثرهم، يبقى منها شغلانه ومنها أمن وإطمئنان ... تسلم أفكارك يا ريس

بارك الله فيك اخي الكريم
و فعلا هناك كذا فكرة في العاملين في هذا الموضوع
اما (( شباب من المنطقة و ده طبعا هيناسب المناطق الشعبية و المتوسطة و اما الاعتماد علي شباب من خارج المنطقة عن طريق اعلانات المساجد و جريدة مثل الوسيط و اما الاعتماد فعلا علي رجال من خارج المحافظة من المحافظات الطاردة للايدي العاملة و هم كثير
و الموضوع بس محتاج للبدء و عدم الخوف و الصراحة الخوف من ايه
ده لو منفعش يبقي مخسرتش كل اسرة الا مثلا 120 علي مدار سنة تخيل سنة كامل ساهمت اسرة في عمل شاب او اكثر
و طبعا لو المشروع نجح و انا ان شاء الله متوقع له النجاح تخيل بقي
انك تنعم بالامن و كمان تساهم في خلق فرص عمل لبعض الشباب

المشاركة الأصلية كتبت بواسطة _ahmed_casper_

هى فكره كويسه بس المشكله انك مش هتقدر تلغيها علشان بكده هتقطع عيشهم يعنى لو هتعمل كده تفضل مستمره . و انا متهيئلى والله اعلم ان موضوع مسدسات الصوت و الموتسكلات هيكون مبالغ فيه شويه
انا اعرف ناس عاملين كده قبل الاحداث اللى احنا فيها بيبقا كل مربع سكنى مثلا بيجيبو اتنين يسهرو فى الشارع و بيقبضوهم عادى بس من غير سلاح و كده

نمسك و جهة نظر حضرتك و نحللها جزء جزء
اولا موضوع اننا نقطع عيش حد (( اكيد اخي الكريم هذا لن يحدث ))
طب ازاي الكلام ده (( اولا لان الله و حده هو الرازق
ثانيا البلد الان بتمر بأزمة اقتصادية حادة و عمل هؤلاء الشباب لفترة محددة سابقا بتكون اقل حاجة (( سنة )) و هي قابلة للاستمرار حسب الحاجة لها و حسب احساس اهل كل منطقة علي حده بالاحساس بنجاح المشروع
فلو اننا تخيلنا اخي الكريم ان بعد ثلاثة اشهر من بدء المشروع حدثت حالة سرقة في المربع السكني اكيد الناس هتدايق و هيلومو الشباب شوية و بعدين عادي تمشي الامور ثم لا قدر الله تكررت السرقة بعد شهر كمان و لا حاجة اذا هذا معناه فشل المشروع و بناء عليه الناس من نفسها هتلغي المشروع و لكن لو تخيلت حضرتك ان هؤلاء الشباب استطاعو ان يحبطو محاولة سرقة مثلا مرة و احدة خلال عام كامل من العمل و لم تحدث اي حالات سرقة
صدقني سيتم الاستمرار في المشروع بدرجة كبيرة حتي بعد نزول الشرطة للعمل و انتظامها في عملها
و موضوع مسدس الصوت و الموتسيكل ده مجرد اقتراح قابل طبعا للنقاش و انا فكرت ان مسدس الصوت هيعطي الشاب شئ من الامان الشخصي انه هو و زميلة لو لا قدر الله تعرضو لمجموعة من البلطجية مثلا فيكفي انه يضرب طلقة و مش لازم ابدا يواجه الحراميا و لكنه يكفي انه ايقظ المنطقة و احسسهم بالخطر و من ثم يهرب المجرمين من المنطقة و بالفعل يقررو الا يأتو مرة ثانية للمكان (( و هذا و جهة نظري في المسدس و خصوصا انه مش محتاج تراخيص و خلافة ))
و موضوع الموتوسيكل هي ايضا فكرة لمواكبة التطور الحادث في مجال الاجرام فهناك نسبة كثيرة منهم تستخدم الان الدراجات النارية
و عليه يستطيع الشباب عن طريق الدراجة في اللف لفترة طويلة اولا بدون مجهود و ثانيا الكثير من (( البدو )) فعلا بيستخدمو الموتوسيكل فعلا و بيجيب نتيجة ممتازة في الصحراء فما بال حضرتك بالشوارع الممهدة اتوقع انها ستكون جيدة

المشاركة الأصلية كتبت بواسطة ezaby

انا مع الرأي اللي بيقول انهم هيتحولوا لبلطجيه وهيفرضوا اتاوات
والموضوع ده ملوش علاقه بحسن السير والسلوك أو عدمه لأن دي في رأيي طبيعه بشريه واحد هتعوده على وضع فيه فلوس وقوه مش هتعرف تغيره ابدا

رأي حضرتك يحترم
بس لو تسمح لي بالحوار
احنا يا فندم مش هيكون فيه فلوس في ايد الشباب دول سوي مرتبهم اخر الشهر
و ده طبعا (( حقهم )) بعد شهر عمل
ثانيا احنا اصلا مش هنختارهم من السوابق لا سمح الله و لا من شباب ضائع
انا و ضحت ان كل مسجد بيرشح احد شباب المسجد و صدقني حتي اكثر الاماكن شعبية في بلدنا بها كثير من الشباب اللتزم الذي يريد فرصة كي يعمل و يشقي و يعرق
كي يكرمه الله ببناء مستقبله
و يكفي ان الكثير منهم سيجد له شغل و عمل شريف يكفيه و يعفه عن ان يصبح (( سوابق )) و عموما دي مجرد اراء تحتمل طبعا الصواب و الخطأ
بس طبعا استأذن حضرتك في ايصال الفكرة لاقرب مسجد لحضرتك احتمال الفكرة تجد قبولا عند اخرين
و لحضرتك جزيل الشكر

م.حاتم السباعي