الموضوع: المروووووووور بعد 25 يناير

الحمد لله رب العالمين ربنا رزقني بعربية جديدة وبدات رحلة الشقاء لنقل الملكية من مرور الدقي إلى مرور فيصل العظيم

طبعا كنت قلقان وخايفمن اليوم الفظيع ده وكنت مجهز نفسيتي وتوجهت الى مرور الجيزة عشان اطلع شهاده مخالفات

1- لازم تطلع شهادة بيانات نمر جديدة من المرور قبل ماتروح للنيابة بصراحة الشباك كان رايق وكان الموظف بياخد كل 5 رخص ويشتغل فيهم ويرجعهم ( المرحلة دي خدت 20 دقيقة بالظبط) وطبعا ماحدش دفع المعلوم

2- نيابة المرور وكانت( نيابة مليونية ) نظرا لأن اغلب وحدات المرور اتحرقت واتدمرت كان في نيابة الدقي وفيصل والعجوزة واكتوبر و مكان تاني مش فاكره في مكتن واحد ... الطابور كان حوالي 100 في كل طابور بس الشهاده لله الناس كانت ملتزمة والبيحاول يخل بالنظام بيتاااااكل

3- بعد كده رحت لمرور فيصل ولأول مرة في تاريخ حيااااااتي أفحص بدون مادفع جنييييييييييييييييييية
فين ايام : 5 جنية طفاية - 20 جنيه مهندس الفحص - 10 جنيه البيئة - 5 جنية لرفع البصمات

4- مطابقة البصمة في مرور الدقي في 10 دقائق ( المف جه من الارشيف والمهندس طابق وكله تمام)
وبدون ولا مليم للعسكري او المهندس

5- العودة لمرور فيصل لإستكمال الإجراءات ( الاعتذار بأدب ان مواعيد العمل انتهت فتقبلت الاعتذار بكل قلب رحب)


يا رب الصورة المحترمة دي تفضل وريما ما ترجعش لعاديتها الزفت القديمة

----------------------------------------------------------------------

طبعا ده مايمنعش ان في ناس عندها مرض الرشوة

وهو واحد بس للأمانه شفته لسة بيطبق ال 5 جنيه للموظف وبيتنطط زي الكورة الجلد عايز يدخل في نص الطابور

ربنا يشفيه من مرضه

--------------------------------------------------------------------

انا كنت باعتبر الفلوس الكنت بادفعها قبل كده غصب واعتداء

لكن انهارده البيدفع الفلوس راشي راشي راشي وملعون