بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

وانا نازل الشغل الصبح عربية نقل محملة زلط على المحور على ما اظن الظلط اللى عليها اتقلب على الارض انا وقفت على المحور حوالى ساعة الموضوع ده كان الساعة 7.30 الصبح

طبعا المرور والمحور كله وقف،، الشرطة اتدخلت بسرعة وجابوا لودر يشيل الزلط وما اظنش ان فى خسائر فى العربيات او الارواح الحمدلله

انا كنت راكب ميكروباص اغرب تعليق سمعته فى الميكروباص وما ادراك مع تعليقات راكبى الميكروباصات

السادة الضباط واقفين بينظموا المرور

راكب قاعد جنبى قال تعليق ( تلاقيكم انتم اللى عاملينها يا ولاد الــــ)

انا يتهيالى كل حاجة هتحصل دلوقتى ها يقولوا الشرطة

يعنى لو واحد اتخانق مع مراته فى البيت ها يقولوا الشرطة السبب

طبعا هو فى غلط من جانب الشرطة وغلط كبير جدا ازاى لحد دلوقتى سايبين الدنيا كده

والله ربنا يستر ان شاء الله