عملت كروس امبارح للسراتو فى بريدجستون

**Mshawky** · 07-03-2011 10:18 AM

اول امبارح روحت برديج ستون فى عمارات العبور وعملت كروس للعجل لانى وصلت 12500 كيلو وهو بتيعمل من 12 ل 13 الف وكلفنى 10 جنيه بس وعملت تشيك على النيتروجين كله فى العجل وكان ناقص شويه من الركنه ايام الثورة والحمد لله كله تم زى الفل وبحرفيه ونضافه شغل ولقو فى فرده فيها مسمار بس جظى كان بالجنب ولقا ان الفرده سليمه طبعا وركب والعربيه بقت زى الفل

انا حبيت انقلكم التجربه البسيطه وفى نفس الوقت اللى ناسى يروح يعملها علشان نسبة تآكل الكوتش فى الاربع اتجاهات غير متساويه طبعا

**can_be** · 07-03-2011 11:58 AM

معلش يا باشا هوا يعنى ايه كروس للعجل

وجزاك الله خير

**Deshahcoka** · 07-03-2011 01:27 PM

باشا انتا عملت حرف ال x ???????????

**mido_soliman** · 07-03-2011 06:26 PM

مبروك على الكروس يباشا انا حعملة على صيانة ال 20 وكنت عايز استفسر الكروس بيحتاج اعادة ترصيص يعنى ترصيص الخلفى غير الامامى ولا بيشيل ويركب وشكرا
تحياتى

**NoRmAl** · 07-03-2011 09:39 PM

مبروك يا شوقى
أنا بقالى شهر ناوي أروح :)

**Mshawky** · 07-03-2011 10:27 PM

المشاركة الأصلية كتبت بواسطة can_be

معلش يا باشا هوا يعنى ايه كروس للعجل

وجزاك الله خير

الكروس هو بيعكس العجل بحرف اكس فى العربيه زى المقص كده علشان بيحافظ على اتزان العربيه لان تاكل الكوتش بيختلف فى جوانب الكوتش فى العربيه وديه حاجه صحيه جدا للعربيه وهتلاقيها فى المانيوال

المشاركة الأصلية كتبت بواسطة deshahcoka

باشا انتا عملت حرف ال x ???????????

تمام فعلا عمله حرف ء

المشاركة الأصلية كتبت بواسطة mido_soliman

مبروك على الكروس يباشا انا حعملة على صيانة ال 20 وكنت عايز استفسر الكروس بيحتاج اعادة ترصيص يعنى ترصيص الخلفى غير الامامى ولا بيشيل ويركب وشكرا
تحياتى

لا هو طبعا بما ان لسه العربيه فى الاول خالص فهو عمل كروس x بس من غير ترصيص لسه بدرى على الترصيص وربط وشيك عليهم كلهم والمقاسات ونضف ديسك الفرامل من جوا كده

المشاركة الأصلية كتبت بواسطة normal

مبروك يا شوقى
أنا بقالى شهر ناوي أروح :)

الله يبارك فيك ياحبى انا قولت اعمل الموضوع علشان عارف ان الحوار ده ناس كتير ناسيه ومش بتهتم بيه اصلا بس انا شايفه مهم جدا بصراحه وعقبالك انت كمان تخلصه على طول