استفسار بخصوص لادا نيفا

**dr_viper000** · 07-03-2011 11:25 AM

السلام عليكم ورحمة الله

انا كنت عايز اعرف هو الشكل الجديد من اللادا نيفا
بيكون من اول موديل كام؟؟والموديلات دي كلها دريكسيون بور لا مودلات ال 2000 بس
وشكرا

**engaass** · 07-03-2011 02:41 PM

تقريبا من 94 او 96حاجة كده

**walidzakzok** · 07-03-2011 05:58 PM

انا كنت بافكر فى العربية دي بس لما عدت لرشدي حسيت ان انا كنت بافكر فى عربية سقطت من تاريخ الزمن والعالم حتى لو اتقال فيها شعر ..انا شايف انها ممكن تتقارن بجرار زراعي مع احترامي لمالكيها

**dr_viper000** · 07-03-2011 06:39 PM

المشاركة الأصلية كتبت بواسطة walidzakzok

انا كنت بافكر فى العربية دي بس لما عدت لرشدي حسيت ان انا كنت بافكر فى عربية سقطت من تاريخ الزمن والعالم حتى لو اتقال فيها شعر ..انا شايف انها ممكن تتقارن بجرار زراعي مع احترامي لمالكيها

طيب انت ركبتها وجربتها ولو ركبت النيفا كانت موديل كام الشكل الجديد ولا القديمه

**walidzakzok** · 07-03-2011 07:11 PM

يا باشا الشكل بيفرق فى الفانوس الخلفي وشوية الفايبر اللي راكبين
عربية غير عائلية دركسيونها انعم من ال 2107 معرفش اللي فيها باور ايه نظامه ..لو جابت 120 كيلو فى الساعة يبقى تمام اوي ..فى الملفات لازم تهدي جامد لان العربية عالية .اما السحب فهي ممكن تسد مع ال 128 غير كدة لا

**dr_viper000** · 07-03-2011 08:21 PM

المشاركة الأصلية كتبت بواسطة walidzakzok

يا باشا الشكل بيفرق فى الفانوس الخلفي وشوية الفايبر اللي راكبين
عربية غير عائلية دركسيونها انعم من ال 2107 معرفش اللي فيها باور ايه نظامه ..لو جابت 120 كيلو فى الساعة يبقى تمام اوي ..فى الملفات لازم تهدي جامد لان العربية عالية .اما السحب فهي ممكن تسد مع ال 128 غير كدة لا

شكرا علي الرد والاهتمام
بس انا شايف ان 120 مش وحش ا في ناس بتقول ان اخرها 100 كمان
ولو دركسونها انعم من 2107 تبقي مش وحشه اوي

**walidzakzok** · 07-03-2011 09:02 PM

بص اللادا عربيات خشنة وخدمة شاقة وانت معاك عربية ناعمة وهي الريجاتا لو فعلا شايف ان النيفا هتفيدك اتوكل على الله بس خلي بالك انها محتاجة تدوير مش اقل من 6 شهور العربية قليلة واللي حالتها كويسة قليلة جدا وسعرها عالي بس لما تجيبها وتقعد معاك شوية متندمش ساعيتها انك جايب صندوق حديد باربع عجلات خالى من الاوبشنز

**dr_viper000** · 07-03-2011 09:08 PM

المشاركة الأصلية كتبت بواسطة walidzakzok

بص اللادا عربيات خشنة وخدمة شاقة وانت معاك عربية ناعمة وهي الريجاتا لو فعلا شايف ان النيفا هتفيدك اتوكل على الله بس خلي بالك انها محتاجة تدوير مش اقل من 6 شهور العربية قليلة واللي حالتها كويسة قليلة جدا وسعرها عالي بس لما تجيبها وتقعد معاك شوية متندمش ساعيتها انك جايب صندوق حديد باربع عجلات خالى من الاوبشنز

انا فاهم حضرتك بس انا مش هبيع الريجاتا انا هجبها مع الريجاتا عشان سعرها معقول
انا طبيب بشري واستلمت شغل في اسكندريه انا من القاهره فالسارع رمل مش اسفلت عندنا
قولت حرام ابهدل الريجاتا
انا عاوز اعرف حاجه منك بعد اذنك هي تستحمل اسافر بيها من القاهره لاسكندريه
تاني حاجه بالنسبه لموضوع الاوبشن
؟؟طيب ايه الاوبشن في ال 128 زياده عنها
وشكرا جدا للأهتمام

**walidzakzok** · 07-03-2011 09:55 PM

اولا انت لو جبت عربية نيفا بسعر قليل هتلاقي حالتها تعبانة جدا وهتتعبك

طبعا هتستحمل تسافر بيها بس لو حالتها كويسة بس خلى بالك ان العربية خشنة يعني هتنزل منها مدغدغ لان المشوار طويل

وبدل ما تشتري عربية تانية وتقرفك مصاريف استعمل العربية اللي معاك وفى الطرق المكسرة امشي بالراحة واخرك هتغير عفشة بدري شوية

اما بخصوص الاوبشنز ال 128 شكل التابلو ارحم شوية والدريكسيون خفيف طبعا بس انا كمستخدم سابق لل 128 فهي ما تختلف كتير عن النيفا كلها عربيات فاقدة للزمن

الريجاتا كانت سابقة جيلها بشوية عشان كدة تصنيفي ليها اعلى اللى هتشتري بيه النيفا وبعدين تبيعها بخسارة اصرفه على الريجاتا احسن