الموضوع: خد بالك ممكن تعمل حادثة في أي لحظة ، عامل حسابك كويس ؟!

المشاركة الأصلية كتبت بواسطة AboRoqaiaa

إيه الاستهانة بأرواح البشر اللي موجودة عند بعض الناس دي؟
ل

الحق مش عليهم الحق على الاهل الى معرفوش يربو اولادهم على احترام ارواح الغير , تخيل , شاب زى دة حيعمل اية فى حياة , دة بيتهتر بارواح البشر , عاوز اية تانى بعد كدة فساد فى الارض , دة مافيش ادنى احترام لاى حاجة او اى شىء , ربنا يهديهم و يهدى اللى زيهم ,

اهو الموضوع ده يستاهل اضراب مخصوص لايقافه
مش معقول كمية السائقين اللى سايقين كانهم بيلعبوا نييد فور سبيد ، و لا السواقين بتوع الميكروباص دول بقى فاكرين نفسهم بيلعبوا اللعبة اياها اللى مش فاكر اسمها اللى بتعتمد على تحطيم عربيات المتسابقين ، من كام يوم اديت عربيتى للمدام و ركبت ميكروباص و تذكرت الماضى ايام المواصلات ، و افقت و انا قاعد بجانب السائق فى الكرسى الامامى و هو عمال يتخطى كل العربيات بمنتهى الرعونة معرض نفسه و الركاب اللى معاه و ركاب السيارات المحيطة لمخاطر لا عدد لها
و ابسط شىء هو انه يمشى عكسى و يكسر على السيارات كانها خيال ليس لها وجود ، الغريبة انه لما تتكلم معاه تحس انه شخص طيب ، لكن الظاهر ان موضوع القيادة برعونة ديه بيبقى مرض نفسى مصاب به كل قائدى الميكروباصات، انا بعدها الصراحة اتعلمت انى لا احاول تماما انى اكسر على سائق ميكروباص و لا حتى اتسارع معاه لاثبات جداراتى ، لان الموضوع ببساطه هؤلاء و امثالهم لن يتوانى على ان يصيبك فى مقتل و هو طريقه عادى و لا كانه عمل حاجة ،

فاضل بقى سائقين الملاكى اللى بيعتبروا شوارع مصر ديه اصلها مخصص للسباقات و العامة من امثالنا سمح لهم باستخدامها كنوع من الاستثناء !!!!!!!!!!

انا بحاول معظم الوقت الحفاظ على قيادتى بشكل متزن و امن طبعا اعصابى تفلت يوميا و اعود لطبيعتى العدائية بمجرد لما يكسر على حد ، بس برضه ارجع و اقول فى اخرون ماشين محترمين

ايه يا جماعة الموضوع ، نريد عودة الاحترام للشارع فى القيادة ، انا حاسس ان طباعى تغيرت بعد القيادة الى الاسوأ ، لما زوجتى بتستخدم السيارة باكون فى اقصى حالات القلق نظرا لانى اعلم تماما ماذا سوف تواجهه من مخاطر الطريق

انا الصراحة مش لاقى كلام تانى اقوله ، ربنا يستر علينا جميعا