لاحظت الصبح انتشار كثيف للشرطه يمكن منتشرين بصوره اكبر مما كانوا عليه قبل الثوره
طبعا الكلام ده فى منطقه عملى (وسط البلد ) حد لاحظ ده فى مناطق تانيه
عرض للطباعة
لاحظت الصبح انتشار كثيف للشرطه يمكن منتشرين بصوره اكبر مما كانوا عليه قبل الثوره
طبعا الكلام ده فى منطقه عملى (وسط البلد ) حد لاحظ ده فى مناطق تانيه
يا استاذي العبرة مش بالعدد العبرة بالشدة واتخاذ مواقف ايجابية لضمان نشر الامن والنضباط في الشارع
عايز سرينة شرطة في الشوارع
عايز كماين على الطرق وتفتيش بجد
عايز كلابشات للعربيات وسحب رخص
عايز حملة تأديب وتهذيب وإصلاح لكل مخالف للقانون
وباقولها لكل مخالف للقانوووووون
وشكرا
العيسوي ان شاء يقدر يحكم جنوده وينزلهم الشارع تاني
انا عندي في رتب كبيره علي الشوارع العموميه
من يوم السبت اللي فات
بس واقفين بس
بالظبط كده
فيه رتب كبيره في شارع رمسيس
بس الفوضي موجوده والباعه الجائلين في كل حته
والميكروباصات بتقف في اي حته
والزحمه عالفاضيه والمليانه
التواجد منظر بس
من اول الاسبوع اللي فات والشرطة انتشرت تاني في المطار وشيراتون والنزهة
و الله مفروض الشرطة تنزل بخطط جديدة مبنية على اهداف جديدة مبنية على عقلية جديدة
يا رب
التواجد مهم دلوقتى وان شاء الله نشوف مواقف واجراءات حازمة ومشرفة
و ف اسكندريه كمان تواجد مكثف
الصبح و أنا نازل من المقطم كانو متجمعين كتير جدا أمام القسم المحترق, و كذا عربية أمن مركزى معاهم, يا مسهل الحال يا رب
كمان لسة جايلى خبر انتشار كبير ورتب كتير فى الاسكندرية ميدان الساعة وانهم بينظموا المكان وبيكلموا السواقين
يا مسهل الحااااااااااااااااااال يارب
التواجد انا شايفه تواجد اعلامى فقط
بمعنى علشان الاعلام ينزل يصور ويثبت انهم رجعو تانى
باقى محافظات مصر خربانة والنهب والسرقات زادو اكتر من ايام الثورة
عندك الغردقة وخط الصعيد وقنا والعريش وغيروو
الحال لا يسر
بسمع وبشوف بلاوى كل يوم
بلا نيلة دول بيخلوا الميكروباص يلف عكس الاتجاة و يفضولوا السكة عشان يلف .... اغبياء بيفرعنوهم اكتر
ربنا ييسر و يبقوا فعلا في خدمه الشعب بجد
يا رب احفظ مصر
في اماكن من اول يوم بعد اللي حصل الشرطة نزلت فيها عادي عندنا في فيصل مثلا الحمدلله بحس ان في تواجد بس معرفش منظر بس ولا ممكن نعتمد عليهم معرفش جايز هما بيختاروا ينزلو في اماكن معينة مثلا علي حسب طبيعة سكان المنطقة
كان فيه ضباط وامناء عند موقف العاشر فى الف مسكن النهاردة حوالى الساعة 9 ص وكان فيه تفتيش خفيف او بمعنى بيبص جوة العربية وعلى السواق بصة زى التشييك كدة.
هي اكيد خطه تبتدي بالتواجد المظهري فقط
ثم يتم التدخل لمنع انتشار الفوضى و القبض على المخالفين
يا رب يطلع كلامي صح
انا فعلا لاحظت بوكسين شرطه واقفين في رابعه جنب كشك شرطه الانضباط
و بوكسين واقفين في شارع النزهه جنب ميدان الساعه
ماهما جواهم عساكر و امناء و الظباط واقفين جنبه و شكلهم فهموا الدرس و بقوا يضحكوا في وش الناس و بطلوا يلبسوا نضارات شمس
ربنا يهديهم
والله المفروض يعملوا جهاز شرطة لحماية الشرطة من غباؤهم المتناهى !!
من تعليق على المصرى اليوم
مش عاجبهم يتحرقوا بجاز يدوروا على عقد عمل فى حته تانيهاقتباس:
هي ليه الشرطة محسسانا أنهم قطاع خاص أو كانت شركة أمن تحرس مصر، لازم يرجعوا ويصلحوا أخطاء المجموعة اللي فتحت السجون وهربت المعتقلين لأن دي مش مشكلتنا ولا مشكله الثورة أو المتظاهرين وبعدين نغمة أصل الناس مش حبانا ومش عايزانا عشان كده مش عايزين ننزل هو أصلا كان من امتى الشرطة محبوبة، أو كنا مبسوطين منهم، ورغم كده كانوا موجودين وشغالين
وبالفلوس اللى البلد بتصرفها عليهم ممكن نجيب شركات امن خاص
اعتقد ان كده بقى فيه تواجد كثيف وملحوظ للشرطه فى اماكن كتير
يارب تكون دى البدايه و يرجعوا تانى وممكن لو صحت النوايا يتم عمل دفعات استثنائيه يتم فيها قبول خريجى كليات الحقوق وتدريبهم عده اشهر على اعمال الشرطه ثم انضمامهم لضباط الشرطه وبكده الضباط اللى مش عاوزين يرجعوا تانى يروحوا و نجيب بدلهم ناس جديده ده بالنسبه للظباط الصغيرين و بالنسبه للظباط ذو الرتب الاعلى , ممكن يتم استدعاء الناس المحترمين منهم اللى أقيلوا أو تركوا الخدمه وارجاعهم على نفس رتبهم لمده سنتين قابله للتجديد و بكده يبقى عندنا كوادر جديده وقديمه تستطيع تلبيه المتطلبات الامنيه. ومن الممكن الاستعانه بالامن المركزى حاليا لتأمين طرق السفر كما قال وزير الداخليه أمس فى برنامج ontv حتى ترجع الدوريات و يتم القبض على البلطجيه و تستتب الامور
عموما ان شايف ان فى تحرك ايجابى خاصه بعد رحيل محمود وجدى الذى قيل انه قد طلب من الشرطه عدم الذهاب الى العمل أو الذهاب الى العمل لمده ساعه يوميا لتناول الشاى وربنا الموفق
ميدان رمسيس
اليوم الساعه 3 عصرا
حوالى 30 ضابط رتب عاليه من عقيد وانت طالع وتقريبا قدهم امناء وقدهم عساكر واقفين فى ميدان رمسيس والناس ملومه حوليهم وعمالين يسلموا عليهم
طريقتهم محترمه خالص تحسهم فكوا كده واتعالجوا من الكبر الى كان عندهم والرتب الكبيره مبتسمه فى وش الناس والدنيا اخر مثاليه
موجودين فى الشوارع صورة فقط لاغير اما الدنيا خربانة زاى ماهية والحرامية فى كل حتة
والنهاردة كنت راكب المترو لقيت واحد مسجل خطر ركب وكان بيحاول يسرق واحد بس معريفش وكان معاة سلاح في جنبة
هتقولى عرفت منين انو مسجل وحرامى اول حاجة البشلة اللى فى وشة والختم اللى بيطبعوة على ايدة والسلاح اللى فى جنبة ونزل بعدة محطة بصراحة انا لو كنت حاسس ان اللى واقفين رجالة ومش هيخافو كنت قفشتة بس حسيت انى هشيل الليلة لوحدى فا سكت وهوة نزل