السلام عليكم يا أحلى عصابه
معلش بقى بس أخيرا قررت أنى أبدأ شغل فى العفشه بتاعة العربيه
من ساعة ما جبتها معملتش حاجه قويه
المهم دلوقت عايز عفشجى كويس يكون قريب من الجيزه أو القاهره
يبصللى عالعفشه ويقوللى الدنيا فيها أيه
الشكوى الرئيسيه دبدبه جامده فى النقر الصغيره تحت رجلى وبحس بيها طبعا فى الدركسيون
أظن دى علبة الدركسيون
الحاجه التانيه تقل فى الباور وده زاد بعد ما غيرت طنبوره الكرنك
مع أنى جبت زى اللى كانت راكبه بالظبط وأصليه إستيراد
وكمان سؤال ومحدش يضحك
فلتر الزيت والبنزين للهوندا كله شكل واحد أو مقاس واحد
وألا كل موتور وله فلتر معين
معلش أصلى مغيرتهمش برضه لغايه دلوقتى
ياللا كله يجيب ورقه وقلم ويقعد يجاوب
المفضلات