-
الاعطال وطريقه العلاج
بسم الله الرحمن الرحيم
انا دخلت على منتدى الدايو وعجبنى بعض المواضيع الاى هما عملينها ومن هذه المواضيع الاعطال وانا اخت منهم هذه الاسئله علشان تتعمل فى منتدى الاوبل علشان الفائده تعم للكل وياريت لو حد عنده اى ملحوظات يقول عليها علشان الفائده تعم وياريت بعد ماالكل يقول على الاعطال و تعم الفائده نرجوا من منسق الاوبل تثبيت الموضوع وذلك لاهميه الموضوع.
عم طنانى انا نسيت حاجه مهمه يقوم المقابله وهو موضوع الاستيكر اخباره ايه .
اما موضوع السى دى بتاع اعطال الاوبل هو مهم بس الاهم الاعطال الاى ممكن تقابل الواحد ويعرف يحلها وهو مثلا فى الطريق او على سفر.
وانا الى الان مشغلتش النت عندى لان الاولاد بوظو الشاشه وكمان سحبوا الكابل بتاع الشاشه من البورده ودلوقتى عايز كومبيوتر كامل . ولو حد نسخ السى دى ياريت يعملى نسخه وله كل الشكر والتقدير :welcome2:
[gdwl]
برجاء وضع شكل ثابت لكل المشاكل وهى كالتالى
* بداية ظهور المشكلة
* المحاولات الفاشلة لحل المشكلة
* الخبرات الجانبية اثناء حل المشكلة (ايه الجديد اللى اتعلمته / ايه اللى المفروض اخد بالى منه / نوع قطع الغيار اللى فيها مشكلة والنوع الكويس / حاجه اتفكت جنب المشكلة واتعلمت منها حاجة)
* الطريقة النهائية لحل المشكلة
* اذا امكن اضافة صور للمشكلة قبل واثناء وبعد حلها
* التكلفة النهائية لحل المشكلة مفصلة قطع غيار / مصناعية (برجاء ملاحظة عدم الاعلان عن اى ورشة ابوس ايدكم علشان اللى بيحصل فى المنتدى - كفاية كده)
* على جميع الاعضاء الألتزام بعدم الرد على اى عضو الا فى الضروره القصوى (انا داخل اشوف اعطال وحلولها ومش عايز اقرأ أى تعليق)
* الردود تكون للأستفسار عن العطل بعينة فقط وليس لعطل شبية (عندك عطل تانى اكيد هاتلاقى موضوع بنتكلم فيه عن العطل بتاعك فى المنتدى أو ممكن تبدأ موضوع جديد)
[/gdwl]
-
ازيك ياباشمهندس اشرف ...
طبعا الموضوع مفيد جدا بس المشكله ان الاعطال عندنا في الاوبل مختلفه شويه عن الكوري والياباني ..زي ماحضرتك عارف اعطال الالماني متداخله والي حد ما معقده ومحتاجه التشخيص عن طريق المحاوله والخطا والامثله كتير .يعني هباب البوجيهات قد يكون ناجم عن مشاكل كهربا مختلفه(موبينه-كابلات-اسبراتير-رداخ-رشاش-كولنت سنسور-تي بي اس...)او البوجيهات نفسها وحشه..
رايي ان الموضوع يبدا بمناقشات من الاعضاء كل واحد يحكي خبرته مع عطل حصله وازاي شخصه وحله واعراضه كانت ازاي....؟؟ وبعد مانجمع المناقشات يتكرم علينا المنسق المحترم طناني باشا ويجمع المشاكل واعراضها وحلولها في نظام جدول خاص بكل موديل سواء استرا-كورسا-فيكترا ..
-
-
-
ابدا باسم الله الرحمن الرحيم..
1-عطل رداخ البنزين ..اعراضه كانت عباره عن غياب في الدواره الصبح وسحب ضعيف ولما اخبط بايد المفك علي غطا الطرمبه تشتغل (بتركن يعني) وبكده اتاكدت ان المشكله رداخ ..اشتريته استيراد ماركه بوش ب150ج من بورسعيد
2-عطل اعراضه تنتيشه علي السرعات البطيئه +احساس ان دواسه البنزين تقيله مع وجود هباب اسود من الشكمان ,والمشكله كانت بسبب سوء حاله البوجيهات
3-عطل اعراضه عدم ثبات امبير الار بي ام او لما بامور الفتيس الار بي ام بيعلي شويه ..السبب كان عدم نظافه الايدل كونترول ولما فكيته ونظفته الدنيا ظبطت .
4-عطل اعراضه سماع طقه لما تفتح العجل وتحاول تطلع بالعربيه والسبب كان بيض العجل ,غيرته ماركه توبران الجوز ب260ج .
عاوزين الناس تحكي بقي الاعطال اللي صادفتها واعراضها واتحلت ازاي؟
-
-
عطل العربية بتبطل فى المطبات بعد مادوخت عند الميكانيكية طلع العيب من سلك العداد وعشان المشبك بتاعه اللى فى لوحة العداد مكسور غيرت لوحة العداد والعربية بعدها أخر تمام لا بتبطل ولا بتنتش
عطل الأر بى أم عالى فكيت الإيديال كنترول ونظفته ب wd40 أتظبط وبقى تمام
بقالى كام يوم فيه رجة فى الديركسون بدلت العجل اللى ورا قدام بقى تمام
-
فين الرجاله ؟؟؟خلاص مفيش اعطال ؟عاوزين نعمل موضوع دسم يبقي مرجع للاعضاء الجداد.
-
-
Content Relevant URLs by
vBSEO 3.6.0 PL2