المشاركة الأصلية كتبت بواسطة Hussein_Emara
مع تحفظي على اسلوب حضرتك, بس حجاوب للفايدة العامة
جهازي HP-G61, اشتغل لمدة 5 شهور و المازر بورد اتحرقت لموحدها!!, رحت التوكيل و عملو كل الختبارات بتاعتهم و قالو ان المازر بورد اتحرقت و حتتغير في الضمان في خلال 15 يوم شغل, بعد شهر و نص من الخناق على التليفون, كلموني و قالولي الجهاز جاهز, اروح استلمة, الاقيه مبيشحنش البطارية, و على اخر الاختبار كات قطع تاني!!!!!!!!
بعد اسبوع من التشخيص اكتشفو ان المازر الي ركبت كانت بايظة, و بوظت البطارية!!!!!! و حيخش صيانة تاني, و غابو شهر و انا بردو بكلمهم كل 3 ايام عشان مايناموش, اكلمو و قالو الجهاز جاهز و اختبرناه و احنا اسفين و كلام من النوع ده, اروح اجربه الاقي الجهابزة ركبو مازر بورد بكارت شاشة انتل 64 ميجا و الجهاز كان اصلا nvidia 512 MB!!!!!!
طبعا تخانقت و زعقت و هاتولي المدير, و قعدت مع المدير, سألني ببساطة و هو انت فارق معاك قوي كارت الشاشة!!!!!!!!! متسألنيش رديت قلت ايه. المهم طبعا انا قلتلهم انتو ناس بنهرج و انا عايز جهاز غيرده, قالولي احنا اسفين, انت ليك عندنا نصلح الجهاز مهما خد وقت, اكتر من كدة منعرفكش (ده المدير), سلمت الجهاز لتالت مرة, و بعد شهر كلموني, رحت اجرب لقيتهم حطوا مازر بورد بتاعت series تانية بس نفس الامكانيات, قلتلهم شكرا, كفاية قوي لغاية كدة, و في داهيه اللايسنس بتاعة الويندوز و الريستور سي دي, انا حتصرف, و خدتو و جريت.
ادي حكايتي مع HP, طبعا توفيرا للوقت انا شلت كل مكاتباتي مع HP international و HP الشرق الاوسط في دبي (غالبا) و جهاز حماية المستهلك و رآي السادة المهندسين في الاجهزة الي بتنزل مؤخرا و مشاكل الشحن لأن دول محتاجين يوم من اول النهار.
المفضلات