الرساله للشرطه لم تصل بعد

**human** · 07-03-2011 06:56 PM

المتابع للاعلام والمجموعه الامنيه اللواءات اللى بيقولوا عليهم خبير امنى وغالبا لمينهم من على القهوه وكرسيين وطرابيزه وبقى عندنا خبير امنى عقبال عندكم

لسه الفكر زى ما هو لما يمسكوا قضيه قتل او طائفيه مش عارفين يلبسوها لمين يفتحوا الكتاب ويشاور ويقول كله مكتوب وباين ده مختل

ثورة والناس بتموت يبقى مندسين و اجانب وبيتكلموا لغات اجنبيه ويا حصرتاه على شهداء الشرطه

دلوقتى امن الدوله سقط و البهاوات الخبراء الامنيين اللواءات بيقولوا ايه؟

بيقولوا اللى عملوا كده مندسين!!! وليس هناك جرم على امن الدوله لانه بيقوم بدوره ولكن من الممكن تجريم حرق الوثائق والملفات

الخبراء اللواءات الامنيين خرجوا على بكره ابيهم فى جميع القنوات حتى الجزيره وازاعه ام بنبى بنفس الكلام ان المندسين خططوا لهذه الاعتداءات على امن الدوله

طبعا مش متخيل ازاى ممكن نغير الفكر المنهجى للشرطه ده مش متخيل انى اشوف ظابط شرطه بيفهم او ظابط شرطه عنده القدره انه يفكر صح بدون تسطيح الامور بالطريقه الفجه ديه

المشكله الاكبر انى تقابلت مع رائد وتبادلنا اطراف الحديث وقالى ايه؟؟ قالى نفس الكلام من اول فرق قناصه اجانب لغايه المندسين

فيه حاجه غلط فى الجهاز كله ومافتكرش ان فيه اى حد ممكن يغير تفكيرهم وخايف ان تغييرهم يبقى على طريقه انا اركب دقن

فى رأيى اننا لن نخرج من هذه المعضله حتى يصبح رئيس الجهاز سياسى او حقوقى و فى تلك الحاله لن ينصت الى هلاوس من نوعيه بلع لفافه بانجو او قله مندسه او مختل عقليا

ولكن الحل على المدى القصير فهو غير معلوم .... وربنا يستر

Login | Facebook

**FunnyMickey** · 07-03-2011 07:01 PM

ياطارق افهم بقي
الكود السري للشعب المصري في وزاره الداخليه
مندسييييييييييييييين

الناس مغلطتش
:)

كلمه المدعو اتغيرت من ثوره 25 يناير
بقي اسمه المندس كذا
الاجنده كذا

**zago** · 07-03-2011 07:04 PM

صدقني كلمه ( فكر ) وكلمه ( شرطه ) في موضوع واحد تفطس من الضحك

**aif** · 07-03-2011 07:13 PM

ده كان ردي على موضوع مشابه

الى كل الفاسدين من الشرطة
مع تقديري الشديد للشرفاء اللي فيهم
..
يا من جبنتو وتركتوني لما كنت محتاجلكم
ياللي هربتم وعيون ولادي كانت بتندهلكم
يا اللي أهنتوني لما كنت بألجأ لكم
يا من عاملتو الشعب على انه خدام عندكم

يا من شتمتو وضربتو وعذبتو شعبكم
ياللي دهستو ولادنا من غير مايرمش جفنكم
يا من خطفتو الولاد وقلتم ماسمعناش اسمكم
ياللي أطعتو الاوامر وقتلتو شهداء من أهلكم
......
عاوزينني دلوقت أعلي صوتي وأندهلكم
ده لو آخر يوم في عمري ... أبدا ما آمنلكم
ربنا هو اللي حاميني وحامي ولادي من قبلكم
وحامي بلادي العزيزة من أعمالكم ومن شركم
كل اللي اقدر اعمله اني بعلو صوتي بأقولكم
طلقتكم بالتلاتة ...... كلكم كلكم كلكم

**aly_hosny** · 07-03-2011 07:39 PM

ما احنا عشان كدا محتارين
ضباط امن الدولة دول نعمل فيهم ايه

**أشرف العدوي** · 07-03-2011 07:45 PM

طيب أقراء دي بس خلي جنبك دوا ضغط

كشفت مصادر مطلعة أن ضباط الشرطة من رتبة ملازم تانى وحتى اللواء من الذين لا يتبؤون مناصب قيادية قرروا الإضراب العام عن العمل السبت المقبل فى جميع الإدارات والهيئات التابعة للشرطة بجانب المطارات والموانئ، وذلك اعتراضا على اتهامهم بالخيانة، وتعرضهم للإهانة على يد المواطنين فى الشوارع.

وقرر الضباط أن يبعثوا برسالة إلى المواطنين فى مصر مفادها "إذا قررتم عودتنا للشارع فيجب أن تطالبونا بذلك بصوت مسموع، وإذا اعترضتم فلن ننزل الشارع".

وأوضح اللواء أركان حرب متقاعد حسن أبو الدهب أن عدداً من المحاربين القدامى من أبطال حرب أكتوبر اجتمعوا أمس مع الضباط من كافة الرتب، وطالبوهم بالنزول للشارع لإعادة الأمن والأمان، ففوجئوا بأن الضباط فى حالة سيئة، وأعلنوا عن قرارهم بتنظيم الإضراب العام فى كافة المواقع، وإذا رغب الشعب فى نزولهم الشارع فليخرجوا معلنين ذلك وبصوت مرتفع.

اليوم السابع | ضباط الشرطة يعلنون الإضراب العام عن العمل السبت المقبل

**wesam_salom** · 07-03-2011 08:48 PM

ردا علي اضراب الشرطه
البلد تحتاج لرجال الشرطه الشرفاء المحترمين الذين يعرفون اهميتها واهميتهم
اللي عاوز يشتغل يشتغل واللي مقموص او مكسوف او زعلان هنجبلوا ورده ومصاصه ونقلوا شكرا مش عاوزينك اقعد ف البيت
ويتم تخريج دفعتان فوري من كليه الشرطه
ويت...م دمج طلبه من الحاصلين علي كليه الحقوق وعمل دوره مكثفه 3 شهور وينزلوا الاقسام اثناء الدوره يدك مع شرفاء الشرطه اللي هيقرروا يشتغلوا
ويتم دعم عناصر الشرطه بعناصر من الجيش دعم لهم ولو بصفه مؤقته للاستفاده من قبول الجيش للشعب وكذا لتأمين الوضع
ويتم وضع رقابه قضائيه في جميع اماكن الشرطه لحمايتهم من الافتراءات وحمايه المواطنين من ضعاف النفوس وده الحل السريع والوحيد الي هيسمح بعوده الامن والامان للبلاد والتفرغ للعمل والتنميه والسياحه

غياب الامن هو اساس عدم الاستقرار الان

-

-

-

الموضوع: الرساله للشرطه لم تصل بعد

LinkBack

أدوات الموضوع

عرض

الرساله للشرطه لم تصل بعد - انشر الموضوع فى :

-

-

-

المواضيع المتشابهه

جماعه في حد جاته الرساله دي

اللوجان خلاص نزلت للشرطه

حد جاتله الرساله دى !!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة