عرض للطباعة
حد يعرف معلومات عن فيات ماريا 2002 لانى ناوى بأذن الله أشترى فيات ماريا وكنت عايز اعرف مميزاتها وخصوصا انى سمعت عنها كلام رائع عن الثبات وماهى كماليات السياره الفيات ماريا وماهى عيوبها وهل قطع غيارها موجودة و فين وما هى الاسعار المناسبه ليها الان.
و يا اهل الخبرة دلونى العربية دى كويسة ولا فيها مشاكل؟؟؟
هيا عربيه وهميه في كل حاجة وبفخامة المرسيدس إن مكنش اكتر بجد وهميه لكن قطع غيارها نادرة
الفيات الماريا هى نفس الفيات برافا بس الماريا سيدان ,و أغلب الظن حا تلاقى العربية الى أنت شوفتها 1300 سى سى عربية ممتازة بس قطع غيارها قليلة شوية . لكن لو تشترى أستيراد من الوكالة و عزبة شلبى و بورسعيد حا تلاقى بس مش كل حاجة فية منها 1600 سى سى و فية 2000 سى سى 20 صباب
العفشة المقصات و الطنابير زى بتوع التمبرا لكن المساعدين مختلفة شوية و موجودين أستراد عادى جدا
الموتور كامل موجود أستيراد . أنصحك بزيارة لعزبة شلبى الاول و أتفرج بعينك على قطع الغيار
العربية كعربية حلوة جدا و ثابتة و شكلها أحلى من التمبرا و تكيفها حلو برضو و التابلوة فخم و جميل جدا . التابلوة بيتباع كامل أستيراد برضو
معلش انا اسف على الازعاج بس كنت عايز اعرف هى ليه مش واخده حقها هل فى عيب فيها انا قصدى فى ماتورها مثلا ولا ايه وبالنسبة لقطع الغيار هى نادره بس موجوده ولا مش موجوده اصلا وهل هى غاليه و معلش انا اسف تانى على الازعاج
قطع غيارها موجودة بس مش منتشرة أوى يعنى لو عاوز جديد عند الكيلانى بس بيبيع المساعدين ب 800 جنية العربية مفيهاش عيب بس لازم تتعود على معرفة اماكن قطع غيارها الاستيراد حا تستريح أكتر دى صورة موتور الى فى الركن
http://img651.imageshack.us/img651/9683/26062010811.jpghttp://img852.imageshack.us/img852/8683/fiatbrava1.jpghttp://img28.imageshack.us/img28/155...rava32878b.jpghttp://img847.imageshack.us/img847/7...va22665072.jpg
طيب بالنسبة انى حدودى 40 -45 هل خلينى فى الماريا ولا اعمل زى ناس كتير و اخلينى فى الانوس و الفرنا
ولو كده ايه احسن حاجة ممكن تتجاب فى الرينج ده ؟؟؟
وسؤال اخير تنصحونى استنى شويه ولا الاسعار مش هترخص و انا اسف لللاطالة
بس يا باشا الماريا دى نزلت مصر سنه 1998 وسبب عدم انتشارها توكيلها وقتها اللى هو كان اوتوميشو كان تعبان وماكانش بينزل عربيات فيات اصلا غير البونتو سنه 1994 فاكانت سياسه الناس وقتها ان الفيات 128 و 132 والسلام مش اكتر
وبالنسبه للعربيه اللى فى مصر ال 1300 سيدان والماريا ويك اند استيشن 1600
فيها دركسيون مالتى فانكشن ووحدة تكييف خلفيه وكاسيت بلت ان وازاز كهرباء وان تاتش ومرايات كهرباء وطبعا تكييف وباور وسنتر
وال 1300 اظن 82 حصان وال 1600 101 حصان والموتور ال 1300 كومبريسور (يعنى فيه حاجه كدة عامله زى التيربو بس على صغير)
قطع غيارها موجودة فى الوكاله انا شفتها بنفسى والعربيه اكتر من رائعه وبجد انت بتاخد عربيه اعلى من قيمتها بكتير
توكل على الله ومش هاتندم واسال برضه عند الكيلانى اللى فى شارع شمبليون على قطع الغيار لو عاوز تتطمن
btw كان فيه Brava و Maria نزلوا مصر بمواتير 1600...! بس قليل أوى,
الأغلب كان 1300 (اللى هو موتور الـPunto Speedgear 16v, 80 حصان)
ده غير الـMaria Weekend كانت بتنزل 1600 بس (موتور السيينا HLX وده فعلا 101 حصان) :coolio:
وطبعا مفيش مقارنة مع أى كورى.. حتى أعلى من اللى أنت ذكرتهم كمان..!!!
غير السرعة والثبات الرهيب.. كمية الـOptions اللى الأخوة الفياتاوية قالولك عليها..
وخد بالك أن دى عربية تمنها فـ2001 كان أكتر من 100 ألف
(لأن البرافا كانت بـ 97-98 ألف الـ1300 كمان)...!:36_9_4:
بعد ما تجيبها ان شاء الله وتتعود عليهااقتباس:
المشاركة الأصلية كتبت بواسطة sarsory
جرب اركب لانوس ولا فيرنا (سوقهم) حيصعبو عليك اصحابها وحتقول ازاي هما سايقين الخرده دي
انا اسف على اللفظ بس والله ده اللي انا حسيت بيه لما بسوق اي عربيه كوري بتاعت اصحابي والحمد لله على كل نعمة وربنا يباركلنا فيما رزقنا
العربية حلوة جدا جدا جدا حا تحس أنك راكب بى أم مش فيات بس الاهم أعرف الاول منين تجيب حاجتها أنصحك بجولة فى عزبة شلبى و الوكالة أنا بشوف حاجات للبرافا و الماريا فى العزبة ووريتك صورة موتور أنزل أسأل و شوف بعينك و قرر . هى كركوبة لا تقارن ب الكورى مع كامل أحترامى للكورى و لو العربية سليمة مش ملعوب فيها حا تعجبك جدا جدا بشرط أنها تكون بحالتها أنا معايا تمبرا المانى بفتحة سقف و فرامل abs و أير باج و الشكمان بيبقى فية علبة محفز يعنى علبة البيئة حا تحس ركوبة ممتازة لو العربية ما اتهانتش و مش ملعوب فيها وواحد صديقى معاة واحدة برافا 1600 سى سى بحالة الفابريكا العربيات دى حلوة بس ما أتباعتش لان وقت ما نزلت كانت غالية جدا جدا ساعتها البرافا سنة 98 تقريبا كانت فى حدود 100 الف التمبرا الايطالى موديل 94 كانت ب 85 الف الانشيا وصلت ل 120 الف
الله ينور يا أستاذ heshamzaky
يعنى اللى يشوف عفشة عربية زى الماريا أو البرافا من قدام أو ورا... منتهى التعقيد, ومتكلفة.. :Copy of majd(4):
ويرفع عربية من اللى الـthread starter بيقارنها بيهم, ويتفرج عـ العفشة المسخرة :8954[1]:.. ممكن يقع عـ الأرض من الضحك :C_laugh[1]::36_2_33:
وحتى بعض اليابانى ... مرة واحد زميلى قالى تعالى نتفرج عـ الدايهاتسو تيريوس (عشان يشتريها).. روحنا التوكيل اللى فـ شارع النزهة,
نزلت تحت العربية أتفرج عـ العفشة (المفروض 4x4).. وطلعت تانى :ma: مش قادر :grinder:.. أهاهاهاها هههههههههه :C_laugh[1]::POINTIy2[2]:
الناس اللى فـ التوكيل :whtauwant:... كانوا قربوا يطردونا...!! واتضايقوا جدا :I_angr1[1]:.!!!
طبعا الحاجات دى مش بمجرد النظر... الفروق بتبان فـ السرعات العالية والملفات القاسية والسواقة الـSport وكده..! :coolio:
و ينور عليك يا باشا بص العفشة زى عفشة التمبرا نفس المقصات و السوست تقريبا فرق بسيط جدا جدا و البيض بتاع الطرف و مسمار الميزان كلة نفس السعر و شكل واحد تقريبااقتباس:
المشاركة الأصلية كتبت بواسطة formulator
المقصات من 350 الى 450 جنية و بيض الطرف ب 80 جنية و مسمار الميزان الواحد ب 25 جنية و كاوتش الميزان ب 20 جنية للجنبين
الطنابير الامامية حسب المقاس و الشكل لو زى بتوع التمبرا الجوز ب 180 و الالمانى ب 250 جنية الجوز
هو فعلا الشاسيه بتاعها نفس الـplatform بتاع الـTipo, اللى بنوا عليه كل العربيات دى:
تمبرا, لانسيا ديدرا, برافا, ألفا 156 والماريا... وغيرهم كتير,
لحد ما بدلوه بشاسيه Modular دلوقتى اللى هو شاسيه الـStilo... بتاع البرافو واللانسيا دلتا والجولييتا..! :coolio:
يا باشا كفاية أن الماريا دى معمولة على شاسيه الـ156 الأسطورى... فيه كده؟؟؟!! :36_9_4:
والأسعار اللى أنت بتتكلم فيها دى.. ولا حاجة والله, كلام فاضى بالنسبة لعربية بالأمكانيات دى..!!! :S_thum1[1]:
انا معايا البرافا ال 1300
يعنى مافيش بعد الكلام اللى اتقال العربيتين دول فعلا طفرة واثئبتولى ان عقليتنا هنا كمصريين فاختيار العربيات بالظبط زى اختيارنا للاكل كله بيحب الفول والكشرى اللى هما الفيرنا والانوس :d
البرافا معايا مريحانى العربية محترمة جدا لحد دلوقتى ماشية 177 الف والحمد لله مش تعبانى خالص مع العلم انى مش جايبها زيرو قطع الغيار موجود بس مش رخيصة قووى
الاهم ان انشاء الله لو جبتها متعملش فيها اى شغل غير عند حد متخصص فالفيات وربنا يوفقق
اه بالنسبة للاماكن المتخصصة للصيانة هل مركز البرقان اللى فى فيصل ممكن يفدنى فى الماريا ولا لا
و هل فى اماكن تانيه ؟؟؟
يافندم لو العربية سليمة ومش متهانة خلص علي طول من غير تردد ومش هتندم والله اما بالنسبة لمركز البرقان فانا معايا ماريا 1300 وكل صيانة العربية عندهم وبجد ناس فاهمين جدا
طيب اخبار المصنعيات بتاع البرقان ايه لو سمحت؟اقتباس:
المشاركة الأصلية كتبت بواسطة toteda
والله ياباشا انا اخر مرة غيرت عندهم عفشة كاملة امامية وغيرت زيت موتور وفلتر وزيت باور وانا اللي كنت جايب الزيوت والعفشة ودفعت مصنعية وثمن الفلتر بضريبة المبيعات 500 جنيهاقتباس:
المشاركة الأصلية كتبت بواسطة madyyuri
طيب حد ممكن يقولى سعر ده ممكن يكون كام ؟؟؟؟؟
فيات ماريا اللون فضى فابريقة بره وجوه بالكامل حتى الاكصدامات 2 مفتاح ريموت والكتالوجات أول يد فوج لايت جنوط اسبور اصلى والكاسيت الأصلى و4 كاوتش جديد يابانى اير باك فرش اضافى فوق الفرش الأصلى من الزيرو حالة نادرة لا تحتاج اى مصاريف زجاج كهرباء تحكم من الكاسيت فى الطارة مانيوال جديدة تماما95000 كم