الموضوع: عايز ميكانيكى هوندا امين

دلوقتى عشان تبقوا عارفين موضوع الميكانيكية دة محير فعلا

لكن انا قدرت اجمع اية المطالب اللى انتوا محتاجينها فى اللى هيشتغل فى العربية وهية :

1- يكون فاهم فى الهوندا
2- يشتغل بادوات حديثة
3- يكون مواعيدة محترمة و ماتقضيش عندة اليوم كلة عشان شوية حاجات عبيطة
4- يكون مصنعيتة معقولة
5- يكون بيشتغل بأيدة

كل دة انا لاقيتة متوافر فى جاسم اللى فى الحرفيين وجربت عندة شغل انا واحمد امين ومعتوق والحمد لله تمام

وكل المواصفات اللى فوق دية موجودة وزيادة اية بقى

1 - قبل ماتيجى تاخد ميعاد عشان هو مابيشتغلش غير فى عربية واحدة بس يعنى اضمن ان عربيتك بس هو اللى مركز فيها

2- محترم جدا ومؤدب جدا , وبيراعى ربنا فى شغلة ومابيحبش الافتكاسات

3- بيجى الورشة الساعة 10 الصبح بالدقيقة , ولو فية اى حاجة بيكلمك قبليها بيوم يقولك ماينفعش تجيى بكرة عشان ظرف طارق حصل
4- لو فية حاجة كبيرة حصلت فى العربية وعملهالك تلاقية بيكلمك تانى يوم يطمن

الى الان دة اللى انا شايفة وعندكوا احمد امين ومعتوق جربة الشغل بردة يقولوا رايهم