ابدل ال 5800 XM بل BlackBerry 9300 ?

السلام عليكم يا شباب ....

بصراحة كده انا واقع فى حيرة عاوز اخد ارائكم .... والدى من كام يوم اشترى بلاك بيرى 9300 الكيرف بس للاسف معرفش يتعود عليه وعلى نظامه .... فراح عرض عليا البدل بالموبايل الغالى عليا 5800 Xm اللى بقالى معاه سنتين وزيادة

طبعا انا مش هشترك فى باقة البلاك بيرى علشان ده ب 100 جنيه شهريا وده مش مناسب ليا ..... مع العلم بقى ان كاميرته 2 ميجا بيكسل بس وتليفونى 5800 كاميرته كارلزيس 3.2 ميجا ..... انا قاعد عمال اقلب الفروق فى دماغى من فرق فى حجم الشاشة والاضائه والبطارية والكاميرا وحاجات كتير ... بس برضه حيران ومش عارف اخد قرار

انا استخدماتى للموبايل بوجه عام .... النت طول ما انا فى البيت على الوايرليس .... تصوير لما اكون خارج مع صحابى .... ميسدجات ونوتس كتير

منتظر ارائكم بقى وربنا يوفق للرأى الكويس