حد يعرف إيه ظروف الأسعار وهترخص عشان حالة الركود ولا هتغلى عشان ارتفاع سعر الدولار أنا عايز أشترى وخايف
عرض للطباعة
حد يعرف إيه ظروف الأسعار وهترخص عشان حالة الركود ولا هتغلى عشان ارتفاع سعر الدولار أنا عايز أشترى وخايف
الاسعار مضطربة ومحدش يقدر يتوقع الحال بكرة
بس انا ممكن اشوف انها ممكن تغلى الفترة الجاية نتيجة ان استيراد السيارات وقف
وممكن لما يتفتح تانى تكون اتحطط قوانين جديدة وخطط لحساب الجمارك ممكن تساهم فى خفض الاسعار
مش متوقع نزول اسعار السيارات
انا سألت سؤال شبه ده فى مكان تانى فى المنتدى وفى ناس ردت عليا رد اقنعنى، وهو: حاليا مش متوقع انها ترخص وحتى اذا تم خفض الجمارك فدا هياخد مدة فى تنفيذة "حوالى خمس سنين"
ممكن تستنى الخمس سنين دول .... وحتى بعد كدة ....يا عالم هترخص ولا لأ
على العموم استخير ربنا وربنا يوفقك
طب وبالنسبة للمستعمل ؟؟
مصير العربيات الياباني ايه
هل هتغلي ولا هترخص
خصوصا ان الانتاج اكيد وقف والي هيستمر بعدين مش هيكون تقفيل ياباني وياعالم الشركات هتتباع اصلا ولا ايه الي هيتم
معتقدش ان فى حاجة هترخص و الله اعلم
السلام عليكم و رحمة الله و بركاته
أنا كنت لقيت فيه معرض عامل اعلانات فى ملحق السيارات بتاع أهرام الجمعة, كان عامل تخفيضات على أسعار العربيات, ممكن ده يكون بداية لحملة تنزيلات و لا ده خاص بالمعرض ده بس؟؟؟
هبوط الاسعار حلم المشتري المفند
أرتفاع الاسعار رغبة المالك الواقعة
بالنسبة للأنخفاض فدة مستبعد تماما
انا متابع بأهتمام أوي الاسعار يومياااااااا وملاحظ أوي ارتفاع اسعار المستعمل النضيف أوي ( البيع الغناوة) والتمسك بالسعر المطلوب ( لأنة مش خسران حاجة من ركوبتها اساسا وبيتبع قاعدة اما يجيلها عدلها )
دايما الي عندة مشكلة في عربيتة وبيبعها ......هو الي بيفرط فيها وبيرميها بسعر قيليل
خد عندك ارتفاع سعر الدولار الي طبعا من خراب الاقتصاد الي أدامة بتاع تلات اربع سنين لو كان حيرجع زي من تلات شهور فاتو(مش الي هو أحسن من الاول )
وفية قاعدة معروفة دلوقتي ان العقارات او الممتلكات احسن من الفلوس
البنزين مش حيغلى الفترة دي خالص نتيجة الثورة و طبعا الزيوت ودول اهم مصاريف للعربية و طبعا دة عامل بيأثر في السعر وخصوصا المكن الكبير
حضرتك سألت عن الياباني بالتحديد ......... الياباني كعربية قطع غيار متوفرة رخيصة مقارنة بالالماني والفرنساوي سوقها حلو في البيع والشرا و طبعا نعومة في القيادة و قوة تحمل و كماليات و معمرة و الصنايعية بتشتغل فيها و و و ..........
أسعارها أصلا عالية في السوق مش رخيصة ........ طيب التصنيع بتاعها وقف في اليابان من الزلزال !! طب العربية عليها طلب !!
يبأى تغلى ....... دة أمر منطقي
طب قطع غيارها ؟؟ بتتصنع في دول كتيرة غير اليابان وفية كمان قطع غيار مش ياباني زي التايواني و خلافة يباى مش حتعطل
بناءا علية لو عايز تشتري اشتري الانتظار ملوش لازمة وبالعكس ممكن ييجي مش في مصلحتك
للاسف ثورتنا المجيده كانت انانية جدا
ومدخلتش فى سقف طلبتها تخفيض اسعار العربيات
مش مشكلة
ممكن نعمل مليونية فى سوق العربيات يوم الجمعة م نطالب بتخفيض الاسعار
مفيش حاجة في مصر بترخص. حتى فالأزمات ألسعار بتعلى, بعد متعدي ألأزمة الأسعار بتفضل عالية