عايزة مدربة تعليم سواقة

**vetdody** · 29-04-2011 09:40 PM

بصوا انا الصراحة كنت بتعلم على عربية جوزى تفتكروا لو جبت عربية وحطيت نفسى امام الامر الواقع هتعلم

وبعدين انا سيدة عاملة تفتكروا اول لما اجيب اجيب جديد ولا مستعمل ولو عايزة عربية صغيرة ومحندقة كدة اجيب اية

**abdoelshazly** · 29-04-2011 09:53 PM

ممارسه ممارسه ممارسه ممارسه ممارسه ممارسه

ثم

ممارسه ممارسه ممارسه ممارسه ممارسه ممارسه

انتى لو معاكى عربيه امشى بيها واتعملى وعملى نفسك بنفسك ولاااازم هتخبطى وتتخبطى عادى جدااااا بس ف الاول والاخر لازم تسوقى كتير

السواقه مش علم بيتعلم وحاجات بتتحفظ .

**vetdody** · 04-05-2011 04:09 PM

طيب اجيب حاجة كدة مستعملة على اد فلوسى ولا لالمبلغ اللى معايا ادفعة مقدم عربية جديدة

**MISS_MONA** · 12-05-2011 05:59 PM

بصى انا عن نفسى زيك كده
بس مش هجيب مستعمل عشان مشاكله
هاتى حاجه جديده على قد المبلغ اللى معاكى

**vetdody** · 20-05-2011 06:37 PM

طيب انا نفسى اتعلم جدا وانا بعرف امشى بالعربية فى شوارع فاضية بس معرفش امشى وسط العربيات ولا طبعا بعرف اركن ولا حاجة

يا ريت لو حد يعرف حد بيعلم السواقة وهتعلم على عربية جوزى لانوس فى وسط الزحام يقولى ويا ريت مدربة لان جوزى مش عايز راجل يدربنى

انا من مدينة نصر فعلا محتاجة اتعلم بسرعة ومش عارفة اعمل اية

**vetdody** · 20-05-2011 06:42 PM

المشاركة الأصلية كتبت بواسطة sankora

انا كمان تقريبا زيك بس مشيت مع المدربه بين العربيات لكن خايفه انزل لوحدى اى ملف بيعملى هلع فى وسط العربيات عندى نمره المدربه اللى اتدربت معاها لو تحبى اديهالك
ورائى بردوا خدى اى حد يجرئك وربنا ييسرلك الامور

ممكن نمرتها لو سمحتى ممكن تيجلى انا فى مدينة نصر

**fineart607** · 20-05-2011 06:47 PM

السلام عليكم

هناك سيدة محترمة قامت بتعليم زوجتى والحمد لله كويسة جدا
ودى نمرة تليفونها 0118105559

**fineart607** · 20-05-2011 06:51 PM

على فكرة خلتها مشيت على الدائرى وفى الزحمة وعلمتها ازى تركن وشرحت لها اسلوب القيادة والصراحة انا كنت مبسوط جدا من زوجتى ربنا يحميها لانى كنت متوقع انها عمرها ما هتتعلم لكن الحمد لله اصبحت كويسة

**ramyhekal** · 24-05-2011 02:25 AM

المشاركة الأصلية كتبت بواسطة elosos2002

انا سيده 30 عام ممكن اعلمك القياده لانى علمت فتيات كثيره رقم موبيلى 0119243314 انا من مصر الجديده وشكرا

**heshamzaky** · 24-05-2011 02:33 AM

الحقيقة انا الى علمت المدام السواقة بصراحة حاسس أنى بعلمها احسن من أى مدرس للسواقة .
لما كنت بجيب الولاد من المدرسة كان فية سيدتين واحدة كبيرة سنا شوية بس بتسوق العربية السوزوكى الى زى الميكروباص و بصراحة كانت ممتازة و واحدة أخرى شابة بتوصل برضو أولاد للمدارس معاها 127 كانت بتسوق زى الفل
الافض زوح حضرتك ينزل معاكى أو اخوكى حا تاخدى وقتك فى التعليم كويس و على مهلك لانك مش ملزمة بعدد حصص و لا بوقت
بس لو فية أمكانية لحد يعلمك طبعا لا مانع و الستات مع بعض غير لما جوزك يعلمك حا تبقو اهدى شوية أكيد فى التعامل خصوصا فى موضوع تعليم السواقة