عايزة مدربة ليعليم السواقة بسرعة وتكون فى مدينة نصر على عربيتى اللانوس واشكركم
عرض للطباعة
عايزة مدربة ليعليم السواقة بسرعة وتكون فى مدينة نصر على عربيتى اللانوس واشكركم
عايزة اقولكم ان انا روحت انجى كار واخت 4 حصص فانا اعرف اسوق العربية بس فى الشوارع الفاضية لاكن بين العربيات نو
مفيش حد يعرف سيدة تعلمنى انا ساكنة فى مدينى نصر عايزة اعرف اسوق بين العربيات
ممكن اصدمك من الأخر مفيش ست بتعرف تعلم سواقة
وموضوع بين العربيات لازم مع الممارسة شوية بشويه
ممكن لو تعرفى صديقة او قريبة ليكى تعلميك
بس طالما انت بتعرفى تحركى العربية وتوجيهيها خلاص هى مجرد هتساعدك وتجمدللك قلبك
يعنى لو مفيش حد اطلعى فى شوارع فاضية كتير لحد متتعودى وتتكحمى جدا فى العربية
بعديها حاولى تمشى فى شوارع رئيسية بس متكونش زحمة قوى
واختارى بعد كدة الشوارع الازحم ثم الاكثر زحاما بالتدريج يعنى وربنا يوفق ان شاء الله
انا رائي انك طالما روحتى مدرسة سواقة خلاص مش محتاجة مدربة تانى
انا روحت مدرسة سواقة وبعد ماخلصت بئيت اخد اختى معايا كام مرة كدة وخلاص مبقتش محتاجاها
ونزلت امبارح وانهاردة لوحدى في الزحمة
الموضوع كلة ثقة في النفس وتركيز
يعنى من رايك مدورش على حد يعلمنى تانى ولا اية
بي انا بقولك مش بعرف امشى لوحدى خالص
انا كنمت محتاجة بس واحدة تدينى كام حصة كدة اشوف هعرف امشى بالعربية ولا اية
والنهاردة سمعة عن واحدة بتعلم فى مدينة نصر اسمها سارة من سوريا محدش سمع عنها
انا ولدتي اتعلمت في مدرسه سواقه و كانت مدربه منقبه بدربها
و بصراحه انا رحت مره معاها بجد ستات مش بيعرفو يعلمو سواقه خالص والدتي خلصت كورس متعرفش الا مبادىء ومعرفتش تسوق و فضلت كل يوم ساعه كده لمده 10 ايام و الحمد لله بقت بتسوق كويس.....الستات عامه مهما كانوا بطبيعتهم مفيش الجرءه الكافيه زي رجال فممكن تلاقي ست تسوق كويس بس تدرب نو واي !!
و بعدين حضرتيك بتقولي بتعرفي تمشي و كده يعني موضوع عايز حد يقعد جنبيك يجرئيك ممكن تشوفي اي زميله تكون بتسوق كويس او مثلا لو الوالد او اي قريب ذكر يقعد ساعه يوميا لمده اسبوع و بعدها بأذن الله هتسوقي كويس
و بعدين لو في شويه قلب جريء سيري يا نورمندي و متخفيش :S_thum1[1]:
نفس الرائ
طالما بتعرفي تمشى يبئة ناقصك جراة وودى هتاخذيها من اى حد قريبك يركب جنبك
وصدقينى عن تجربة مش هتاخدى الثقة طول ما في حد جنبك
يعنى خدى قريب ليكى مرتين تلاتة بس
وبعدين انزلى لوحدك قريب من البيت وهكذا
انا عملت كدة
وانا طبعا مش برفكت بس بقيت مش بخاف انزل لوحدى في الزحمة
انا سيده 30 عام ممكن اعلمك القياده لانى علمت فتيات كثيره رقم موبيلى 0119243314 انا من مصر الجديده وشكرا
انا كمان تقريبا زيك بس مشيت مع المدربه بين العربيات لكن خايفه انزل لوحدى اى ملف بيعملى هلع فى وسط العربيات عندى نمره المدربه اللى اتدربت معاها لو تحبى اديهالك
ورائى بردوا خدى اى حد يجرئك وربنا ييسرلك الامور