الموضوع: انا مع الثورة وضد الفئوية (الاستفزازية)

المشاركة الأصلية كتبت بواسطة fepsceasar

والله يا استاذ كونو انا مع الديموقراطية واننا نبقى زى اوروبا والدول المتقدمة، لكن فى حقى وحقوق الاخرين يعنى لوعايزين يطالبوا يبقى فيه تنظيم ويوصلوا رسالة وينتظروا تحقيق مطالبهم لو عادلة اذا لم تكن عادلة يتم مصارحتهم
لكن كله بيستغل الظروف وعايزها دلوقتى

والله وانا مع حضرتك جدا

امبارح
طلبة المعاهد العليا الخاصة عاملين مظاهرة
1 - ارتفاع المصاريف
2 - رئيس اتحاد الطلبة بيشارك فى المظاهرة ، الدافع اللى قاله انه طلب 250 جنيه مصاريف للاتحاد
يعنى المظاهرة للطلب وضده
فى حاجة تانية ان فى طلبات مهمة ومنطقية، زى هيكلة الاجور ، لكن مش ملحة دلوقتنى ممكن تستنى شوية لغاية ما تتم على اسس مظبوطة مش يا دلوقتى يا مش همشى
نفسى نعمل حاجة تخلى ان شاء الله واحد كان ناوى يطلع فى مظاهرة استفزازية يتراجع

حد سمع الآنسة سارة بتاعة كلية رياض أطفال اللى معتصمة فى جامعة القاهرة من امبارح و عايزة تغير عميد الكلية و يبقى حد منتخب من كلية رياض أطفال و المذيع بيسألها هتفرق معاكى فى إيه قالتله إنى أبقى مختارة العميد بنفسى و يبقى من كليتنا مش من أى كلية تانية من جامعة القاهرة و لما سألها المذيع إيه وجه اعتراضها على العميد الحالى قالتله ما فيش اعتراض و ما عنديش حاجة أقدر أقولها على شخصه بس احنا مطالبنا شرعية و لازم تتنفذ و إن احنا أول ما مطالبنا تتنفذ هنفك الاعتصام علطول مش هنعطل الدنيا أكتر من كده (مرارتى تريد تغيير الجسد)

قلنا كده من الاول كده قلتم دول مظلومين وليهم حقوق
دانا لو حكيت على المظاهرات اللى بشوفها بنفسي ومطالبهم حتطالبوا برجوع العادلى :)