حان الوقت لإعلان الأحكام العرفية ( العسكرية)

**aly_hosny** · 08-03-2011 01:25 AM

انا شايف نصبر اسبوع او اتنين
لو الوضع مستقرش يبقى يجب اعلانها

**JUVENTUS** · 08-03-2011 01:27 AM

انا قلت لناس كتير و الله لو فضل الحال على ما هو عليه لفترة اخرى ده ممكن جدا يحصل اعلان احكام عسكرية
و قالولي صعب الجيش يعملها
بس انا توقعاتي ان الجيش لو نفذ صبره هيعملها

**ahmed-moga** · 08-03-2011 01:30 AM

مفيش احكام عرفيه هتطبق يااستاذ سيف بلاش الكلام اللي هيؤدي الي اثارة غضب الشعب علي القوات المسلحه
احكام عرفيه يعني تطبيق القوانين بمفهوم اسوأ من مفهوم قوانين آمن الدوله والطريقه التي كانت تتعامل بها مع الشعب وهيثير الشعب علي الجيش وطبعا الكلام مش وقته اطلاقا وهيبقي تشكيك في مصداقية القوات المسلحه في تعاملها مع الشعب واحترامها لحرية المواطنيين ووعودها لهم
انسي موضوع تطبيق الأحكام العرفيه في الوقت الراهن تماما

**cheetos_892005** · 08-03-2011 01:46 AM

المشاركة الأصلية كتبت بواسطة aboelsoud

اعتقد ان ده انسب حل :b4_388:

فعلا
لكن احكام عرفيه فعلا هيبقى استفزاز و لخبطه رهيبه

يا جماعه احنا بجد بجد في حالة حرب ...بنزيل احتلال بس داخلي

ان مع العسر يسرا

**aminibrahim** · 08-03-2011 01:47 AM

المشاركة الأصلية كتبت بواسطة angeliccore

اديني مثال ياريت للاحكام العرفية
عشان كل مسأل حد يقولي معرفش بس أكيد شديدة

تطبيق حظر التجوال بجد

الزهاب الي الغمل اجباري

تتمسك الصبح القرار اخر النهار وما فيش نقض

لانك بكده بتهدم الدوله وحد من ده كتير يعني بص لا تقول طوارئ ولا غيره
الطوارئ رحمه

لكن ان استمر الحال الي 10 ايام اخرين انا اؤيدها

يا عم دانا افتح النت بلطجه تليفزيون بلطجه

وعمال مش عايزه تشتغل

**abf-nassar** · 08-03-2011 01:52 AM

اسمحولي قبل بس الناس ما تختلف مع بعض اوضح حاجة
الاحكام العرفية بالفعل مطبقة حاليا دون الحاجة الي اعلانها وتم تطبيقها من يوم 28/1 ولكن القوات المسلحة لم تتوسع في تنفيذها
والسبب انها مطبقة هو ان
قرار الرئيس السابق بصفته الحاكم العسكري بنزول الجيش واستلام مهمة الامن وفرض حظر التجوال هو في حد ذاته اعلان لتطبيق الاحكام العرفية
وبناء عليه نجد ان الاحكام التي تصدر حاليا من المحاكم العسكرية ضد المدنيين المتهمين بالبلطجة واحراز الاسلحة او ارتكاب الجرائم علي وجه العموم هي احكام عرفيه ولا تقبل الطعن فيها وانما يتم التصديق عليها من الحاكم العسكري وهو حاليا المجلس الاعلي للقوات المسلحة
فقبل ما الناس تبدأ في الخلاف علي تطبيقها من عدمه هي مطبقة بالفعل
تحياتي للجميع

**cheetos_892005** · 08-03-2011 01:53 AM

المشاركة الأصلية كتبت بواسطة itsonlyme

عندي انطباع من تفضيل حضرتك للأحكام العرفية ومن توقيعك ان حضرتك من الذين يرون أن الشعب همجي ولا يستحق الديمقراطية ويجب أن يحكم بالحديد والنار.

الاعتصامات الفئوية فعلا مضرة في الوقت ده بس مش لدرجة الحبس شهريين؟

لو هنطرد أو هنحبس يبقى نطرد ونحبس ضباط وأفراد الشرطة اللي رافضين يشوفوا شغلهم. دول في اعتصام فعلي من يوم 28 يناير!
في أي فئة من الفئات اللي بتعمل اعتصامات دلوقتي عملت اعتصام لشهر ونص متواصل؟!
في اي فئة من الفئات اللي بتعمل اعتصامات بتضر بالأمن العام زي الاعتصام الغير رسمي لجهاز الشرطة؟!
امتناع الشرطة عن أداء عملها خيانة عظمى!
نتكلم عن دول وبعدين نتكلم عن شوية اعتصامات فئوية.

المعاملة بحزم تبدي مع جهاز الشرطة الفاسد ده.

لو على الاهانات يستحملوا، ما الشعب استحمل اهاناتهم طوال عقود
لو على الأجر الضعيف يستحملوا، ما هما سرقوا الشعب طوال عقود. افتكروا فجأة ان مرتباتهم ضعيفة؟
شرطة المرور كانت عصابة من قطاع الطرق و شرطة الأمن العام كانت عصابة بلطجية بتفتري على الناس وتفرض الاتاوات.

لو طبقنا الأحكام العرفية، يبقى نطبقها على دول ... عشان يشوفوا شغلهم بجد ويحفظوا الأمن لأول مرة في حياتهم.

مهو شهرين ده اللي هو اخر حل .....ز
يعني تحذيرات جامده
بعديها خصم
بعديها انزار بفصل
بعديها فصل

عمل نفسه 7 رجاله في بعض يتحبس شهرين