أظن انه حان الوقت لإعلان الأحكام العسكرية.
عرض للطباعة
أظن انه حان الوقت لإعلان الأحكام العسكرية.
بعيداً عن موضوعك
اسمح لى اسجل اعجابى الشديد بتوقيعك
احكام عرفيه = شلل تام .......
الناس بس متسودش الدنيا كده .....
انا بايد جدا بيانات بلهجه قويه ...ان اي اعتصام فئوي ((يعطل سير العمل او الطريق )) يبقي فيها طرد و حبس شهرين مثلا
اذا كان دلوقتى بنكلم عن سوء الاحوال الأقتصادية فى مصر فمابالك لو تم تطبيق الأحكام العرفية افتكر البلد كلها هتقف خالص
للأسف وصلنا إلى حالة رهيبة من الفوضى و الإنفلات الأمنى و البلطجة و الشغب و الإضرابات و الإعتصامات الفئوية و شلل تام فى البلاد أيضا قد يسوء .
نص قانون الأحكام العرفية في مصر:
قانون الأحكام العرفية (12 مادة)
المادة 1
يجوز إعلان الأحكام العرفية كلما تعرض الأمن والنظام العام في الدولة أو في جهة منها للخطر ، أو بسبب وقوع عدوان مسلح عليها أو خشية وقوعه وشيكاً ، أو بسبب وقوع اضطرابات داخلية.
كما يجوز إعلان الأحكام العرفية لتأمين سلامة القوات المسلحة وضمان تموينها وحماية طرق مواصلاتها وغير ذلك بما يتعلق بتحركاتها وأعمالها العسكرية خارج الأراضي .
المادة 2
يكون إعلان الأحكام العرفية بمرسوم يتضمن ذكر ما يأتي:
1- الجهة التي تجري فيها الأحكام العرفية
2- التاريخ الذي يبدأ فيه نفاذ هذه الأحكام
3- اسم من يقلد السلطات الاستثنائية التي نص عليها في هذا القانون عسكرياً كان أم مدنياً.
كما يكون رفع الأحكام العرفية بمرسوم، وذلك بغير الإخلال بما هو وارد في المادة 69 من الدستور.
المادة 3
يجوز للسلطة القائمة على إجراء الأحكام العرفية أن تتخذ إما بإعلان أو بأوامر كتابية أو شفوية كل أو بعض التدابير التالية:
1- سحب الرخص لإحراز السلاح وحمله والأمر بتسليم الأسلحة على اختلاف أنواعها والذخائر والمتفجرات والمفرقعات وضبطها أينما وجدت وإغلاق محال ومخازن الأسلحة.
2- الترخيص بتفتيش الأشخاص والأماكن والمساكن في أية ساعة من ساعات النهار أو الليل.
3- الأمر يفرض الرقابة على الصحف والمطبوعات الدورية قبل نشرها ، ووفق نشرها وتداولها . والأمر بمنع صدور أي جريدة أو مجلة ، وإغلاق أي مطبعة وضبط المطلوعات والنشرات والإعلانات والرسومات التي شأنها إثارة الخواطر أو الحض على الفتنة أو الإخلال بالنظام أو الأمن العام.
4- الأمر بفرض الرقابة على الرسائل والمراسلات البرقية والهاتفية.
5- تحديد موعد فتح وإغلاق المحلات العامة أو بعض أنواع منها وتعديل تلك المواعيد ، وإغلاق المحلات المذكورة كلاً أو بعضاً.
6- الأمر بإعادة الأشخاص المولودين أو المتوطنين في غير الجهة التي يقيمون فيها إلى مقر ولادتهم أو توطنهم إذا لم يوجد ما يبرر مقامهم في تلك الجهة ، أو اشتراط أن يكون بيد كل منهم بطاقة إثبات شخصية (هوية) أو إذن خاص بالإقامة.
7- إبعاد غير المصريين من البلاد أو الأمر بحجزهم في مكان أمين إذا خشي من وجودهم على الأمن والنظام العام.
8- منع أي اجتماع عام وفضه بالقوة ، وكذا وقف نشاط أي نادي أو جمعية وجماعة.
9- منع المرور في ساعات معينة من النهار أو الليل في كل الجهات التي أجريت فيها الأحكام العرفية أو في بعضها إلا بإذن خاص أو لضرورة عاجلة بشرط إثبات تلك الضرورة.
10- إخلاء بعض الجهات أو عزلها.
11- الاستيلاء المؤقت على وسائل النقل أو على منشأة أو مؤسسة عامة أو خاصة أو على أي محل أو أي عقار أو منقول. وذلك بغير إخلال بحقوق الملكية على هذه الوسائل والمنشآت والمحال والأموال ، وبحق أصحابها في تعويض عادل.
12- تكليف القادرين من الأفراد بأداء أي عمل من الأعمال التي تقتضيها ضرورة قومية وذلك في نظير مقابل عادل.
ولمجلس الوزراء التضييق من دائرة الصلاحيات المتقدمة للسلطة القائمة على إجراء الأحكام العرفية ، كما يجوز له أن يأذن باتخاذ أي تدبير تقتضيه ظروف الأمن والنظام العام في كل أو بعض الجهة التي تجري فيها الأحكام العرفية.
المادة 4
يكون تنفيذ الأوامر والنواهي الصادرة من السلطة القائمة على إجراء الأحكام العرفية بواسطة رجال الشرطة أو رجال القوات المسلحة.
ويجب على كل موظف أو مستخدم عام أن يعاونهم على القيام بذلك في دائرة وظيفته أو عمله.
المادة 5
يعاقب من يخالف الأوامر والنواهي الصادرة من السلطة القائمة على إجراء الأحكام العرفية بالعقوبات المنصوص عليها فيها ، ولا يجوز أن تزيد هذه العقوبات على الحبس لمدة سنتين، ولا على غرامة مقدارها 500 جنيه . وذلك بغير إخلال بتوقيع عقوبة أشد يقضي بها قانون الجزاء أو أي قانون آخر نافذ المفعول في البلاد. ويجوز إلقاء القبض على المخالفين في الحال ، وللمحكمة التي تنظر المخالفة أن تصدر قرارها بالإفراج المؤقت عنهم ، بشرط تصديق السلطة القائمة على إجراء الأحكام العرفية على هذا الإفراج ، بالنسبة إلى الجرائم المتعلقة بأمن الدولة وسلامتها.
المادة 6
تصدر الأحكام في المخالفات المنصوص عليها في المادة السابقة من محكمة عرفية واحدة أو أكثر. ولمجلس الوزراء أن يخول السلطة القائمة على إجراء الأحكام العرفية الحق بأن يحيل إلى المحكمة العرفية المذكورة بعض الجرائم التي يعاقب عليها القانون العام ، على أن تبين هذه الجرائم تفصيلاً في قرار المجلس.
المادة 7
تؤلف المحكمة العرفية المشار إليها من قاض من قضاة المحكمة الكلية رئيساً ومن اثنين من ضباط الجيش برتبة نقيب أو برتبة أعلى منها. وتؤلف المحكمة من ثلاثة قضاة ومن ضابطين من الضباط العظام إذا كانت الجريمة معاقباً عليها بالحبس لمدة أكثر من سنتين.
وتعين السلطة القائمة على إجراء الأحكام العرفية الضباط المشار إليهم. كما يعين وزير العدل القضاة ويقوم بمباشرة الدعوى أمام المحكمة العرفية عضو أو أكثر من أعضاء النيابة يعينهم وزير العدل.
المادة 8
يجري العمل فيما يتعلق بتحقيق القضايا التي ترفع إلى المحكمة العرفية على وفق قانون الإجراءات الجنائية ، ويجوز اختصار هذه الإجراءات بأمر من السلطة القائمة على إجراء الأحكام العرفية . وتحدد المحكمة العرفية إجراءات المحاكمة أمامها مستلهمة في ذلك القواعد الأصولية الواردة في قانون الإجراءات الجنائية.
المادة 9
الأحكام التي تصدر من المحكمة العرفية لا تقبل الطعن بأي وجه من الوجوه ، على أنها لا تصبح نهائية وواجبة النفاذ إلا بعد اعتمادها من جانب السلطة القائمة على إجراء الأحكام العرفية.
وفي المناطق التي يعين فيها مندوب للسلطة القائمة على إجراء الأحكام العرفية، يكون لهذا المندوب اعتماد الأحكام الصادرة فيما يقع من مخالفات للأوامر التي تصدر عنه.
المادة 10
للسلطة القائمة على إجراء الأحكام العرفية عند إقرار الأحكام الصادرة من المحكمة العرفية ، أو حتى بعد إقرارها ، الحق دائماً في أن تشدد العقوبة أو أن تستبدل بها أقل منها ، كما أن لها سلطة وقف تنفيذ العقوبة.
المادة 11
تنفيذ الأحكام الصادرة من المحكمة العرفية بنفس الطريقة التي تنفذ بها الأحكام الصادرة من المحاكم الجزائية العديدة ، ما لم ينص على خلاف ذلك من قبل السلطة القائمة على إجراء الأحكام العرفية.
المادة 12
لا يترتب على أحكام هذا القانون الإخلال بما يكون لقائد الجيش أو للقادة العسكريين في حالة الحرب من حقوق وصلاحيات في مناطق الأعمال العسكرية
المصدر : نص قانون الأحكام العرفية في مصر التي سيتم الحكم بها لحين انتخاب رئيس للجمهورية - 100fm6.com
احكام عرفية ايه بس
احنا بنتقدم قدام و لا نرجع الفين سنة ورا
الظاهر ان احنا مش متعودين على الحرية ووحشنا القهر و الذل
بس الحرية إللى إحنا فيها دى هتوصلنا لأسوء و أسوء .
كفاية الخبر ده
http://gate.ahram.org.eg/News..........%B3%D8%AA.aspx
الحرية فى إيد الناس اللتى لا تعرف قيمتها .... سلاح بتار تنتحر به
مشكور عاللستة
تلات إربع الأحكام دي كانت بتتنفذ بمزاج أمن الدولة من غير إعلان الأحكام العرفية لو عايزين
زي 1 - 5 و 8 و 10 كمان
عامةً مش من رأيي بصراحة إنهم حيعلنوها
غير لو الموضوع ابتدى يطلع من اديهم
الوضع مش مستاهل كده خالص
بالعكس الوضع بيتحسن تدريجيا الحمد لله
انا شايف نصبر اسبوع او اتنين
لو الوضع مستقرش يبقى يجب اعلانها
انا قلت لناس كتير و الله لو فضل الحال على ما هو عليه لفترة اخرى ده ممكن جدا يحصل اعلان احكام عسكرية
و قالولي صعب الجيش يعملها
بس انا توقعاتي ان الجيش لو نفذ صبره هيعملها
مفيش احكام عرفيه هتطبق يااستاذ سيف بلاش الكلام اللي هيؤدي الي اثارة غضب الشعب علي القوات المسلحه
احكام عرفيه يعني تطبيق القوانين بمفهوم اسوأ من مفهوم قوانين آمن الدوله والطريقه التي كانت تتعامل بها مع الشعب وهيثير الشعب علي الجيش وطبعا الكلام مش وقته اطلاقا وهيبقي تشكيك في مصداقية القوات المسلحه في تعاملها مع الشعب واحترامها لحرية المواطنيين ووعودها لهم
انسي موضوع تطبيق الأحكام العرفيه في الوقت الراهن تماما
عندي انطباع من تفضيل حضرتك للأحكام العرفية ومن توقيعك ان حضرتك من الذين يرون أن الشعب همجي ولا يستحق الديمقراطية ويجب أن يحكم بالحديد والنار.
الاعتصامات الفئوية فعلا مضرة في الوقت ده بس مش لدرجة الحبس شهريين؟
لو هنطرد أو هنحبس يبقى نطرد ونحبس ضباط وأفراد الشرطة اللي رافضين يشوفوا شغلهم. دول في اعتصام فعلي من يوم 28 يناير!
في أي فئة من الفئات اللي بتعمل اعتصامات دلوقتي عملت اعتصام لشهر ونص متواصل؟!
في اي فئة من الفئات اللي بتعمل اعتصامات بتضر بالأمن العام زي الاعتصام الغير رسمي لجهاز الشرطة؟!
امتناع الشرطة عن أداء عملها خيانة عظمى!
نتكلم عن دول وبعدين نتكلم عن شوية اعتصامات فئوية.
المعاملة بحزم تبدي مع جهاز الشرطة الفاسد ده.
لو على الاهانات يستحملوا، ما الشعب استحمل اهاناتهم طوال عقود
لو على الأجر الضعيف يستحملوا، ما هما سرقوا الشعب طوال عقود. افتكروا فجأة ان مرتباتهم ضعيفة؟
شرطة المرور كانت عصابة من قطاع الطرق و شرطة الأمن العام كانت عصابة بلطجية بتفتري على الناس وتفرض الاتاوات.
لو طبقنا الأحكام العرفية، يبقى نطبقها على دول ... عشان يشوفوا شغلهم بجد ويحفظوا الأمن لأول مرة في حياتهم.
تطبيق حظر التجوال بجد
الزهاب الي الغمل اجباري
تتمسك الصبح القرار اخر النهار وما فيش نقض
لانك بكده بتهدم الدوله وحد من ده كتير يعني بص لا تقول طوارئ ولا غيره
الطوارئ رحمه
لكن ان استمر الحال الي 10 ايام اخرين انا اؤيدها
يا عم دانا افتح النت بلطجه تليفزيون بلطجه
وعمال مش عايزه تشتغل
اسمحولي قبل بس الناس ما تختلف مع بعض اوضح حاجة
الاحكام العرفية بالفعل مطبقة حاليا دون الحاجة الي اعلانها وتم تطبيقها من يوم 28/1 ولكن القوات المسلحة لم تتوسع في تنفيذها
والسبب انها مطبقة هو ان
قرار الرئيس السابق بصفته الحاكم العسكري بنزول الجيش واستلام مهمة الامن وفرض حظر التجوال هو في حد ذاته اعلان لتطبيق الاحكام العرفية
وبناء عليه نجد ان الاحكام التي تصدر حاليا من المحاكم العسكرية ضد المدنيين المتهمين بالبلطجة واحراز الاسلحة او ارتكاب الجرائم علي وجه العموم هي احكام عرفيه ولا تقبل الطعن فيها وانما يتم التصديق عليها من الحاكم العسكري وهو حاليا المجلس الاعلي للقوات المسلحة
فقبل ما الناس تبدأ في الخلاف علي تطبيقها من عدمه هي مطبقة بالفعل
تحياتي للجميع
الاول نشوف موقف الداخلية
و هل هتعود بسرعة و لا لا
انا مؤيد لاعلانها
ياريت تتم تنفيذ فعلى للاحكام العرفيه
وعلى فكره الناس اللى بتقول ده مش كويس بالعكس تنفيذ هذه الاحكام مفيد جدا للبلد
واقوى طريقه لمواجهه الانفلات الامنى اللى موجود حاليا
يعني ده كان ممكن قبل كده لكن الامور تتحسن فيما عدا البلطجة لحين عودة اخوانا البعدا لمهام وظيفتهم مع الاعتذار للشرفاء منهم
طيب ماحنا فعليا كنا عايشين فى الكلام ده!!
احنا عايزين نبقى دوله مش عزبه ابو دبوره
اعتقد الاحكام العرفية تتطبق الاول على الشرطة وينزلوا بجد ونطبل دلع
مش عارف اؤيد تطبيقها ولا اعارضه بس اللي اعرفه ان المظاهرات الفئوية لازم لازم تنتهي الان بمعني الان و لو مش راضيين يرجعوا شغلهم والله فيه مجموعة شباب متخصصين في كل المجالات اللي تتخيلها تحل محلهم و يبقي هما اللي مش عايزين يشتغلوا و ثاني حاجة رجوع الشرطة لعملها بالكامل و مش كل شوية يقولولنا فيه تقديم للشرطة المتخصصة فيه استقالات جماعية لقياداتت الشرطة فيه ايه و ايه لو فتحوا فعلا الشرطة المتخصصة اتمني اكون اول واحد يقدم فيها و نرجع الامن للبلد و نلم اعمال البلطجة من تاني
اظن و الله اعلم ان اللي عاملين الدربكة و القلق الزايدين اوي في البلد من ساعة اقالة حكومة شفيق بيهدفوا لأن ده يحصل
المشكله مش في الاحكام العرفيه
المشكله في جهاز زي امن الدوله و الحزب الوطني و كل واحد ليه مصلحه في رجوع النظام القديم
كل المظاهرات الفئويه والبلطجيه الي انتشرو في البلد هم الي باعتينهم و هم الي عاملين مشاكل
الشرطه ابتدو ينتشرو بس فيه كتير خايفين من الناس لانهم كانو بيعملو مشاكل
زي عندنا في الجيزه امين شرطه كانو مسمينه الشاويش عطيه لو حد شافه هنا هيتقطع 100 حته
لانه بياخد فلوس من سواقين الميكروباصات و بيدي مخالفات علي اي حاجه و بيبلطج ع الناس
اعتقد ان من الصعب علي الجيش انه يطبق احكام عسكرية شديدة لان الوضع محتقن و ده حيسمح للعملاء و اصحاب المصالح باشعال الوضع
لكن اتمني شئ من المحكمة العسكرية انها تسمح بقدر من التغطية الاعلامية و انها توضح ان العقوبات مغلظة
مثلا حمل السلاح الابيض عقوبته 6 شهور لكن في الاوضاع دي يكون 12 شهر
و نعمل برنامج زي بتاع القناة التالتة زمان و البلطجي قاعد عكس الكاميرا و بيقول ولاد التيت هما اللي خلوني اعمل كده و اديني بدفع التمن
لان البلطجية دي اساسا ناس تخاف ماتختيشيش
لان طول ما الفرد يشعر انه لن يحاسب في هذه الفوضي اذا حيتشجع علي كسر القانون و ترويع المواطنين طمعا في شئ و حتي و ان كان بلا قيمة
++++++++++++++++++++++1
الاحكام العرفية تعتبر متنفذة فعلا من لحظة نزول الجيش و على فكرة هى متنفذة من تلاتين سنة لان بديل الاحكام العرفية التى كانت تعلن ايام الاحتلال الانجليزى هو قانون الطوارئ اللى معلن من تلاتين سنة و شوفوا كده الاتفاق بين الاثنين فى البنود من حيث تقييد الحريات و التحكم فى الصحافة و الاعتقالات و التفتيش فى اى وقت و بدون سند قانونى و المحاكمات امام محاكم عسكرية
انا شايف ان الحل هو الاحكام العرفية لفترة
حضرتك بتقول الاحوال بتتحسن ازاي
لما الاولاد يبقوا خايفين يروحوا المدرسة
لما كل يوم لحد النهاردة اسمع ضرب نار كل ليلة
لما يكون الاتوستراد يكون علية ضرب نار من عشر دقائق والسيدات والاطفال في العربيات بيعيطوا
لما نسمع بوجود قتيل مرمي امام قسم الويلي
لما نسمع ان فية اشخاص دخلوا متروا الي في شرم الشيخ الساعة 5 صباحا بالسلاح الالي
لما تشوف واحد ماشي عكسي وتقوله دي مش اخلاق الثورة يشتمك
لما اولادك يتعودوا يشوفوا السيوف وفنابل الملتوف والمطاوي و السنج.
يبقي الوضع بيتحسن i dont think so
والله تصدقوا ان هوة دة الحل
دة الحالة بقت مزرية
مش هوا دة اللي كنا محتاجينه من الثورة
قتلوا فرحتنا منهم لله
يطبقوا الاحكام العرفية أرحم من ان الواحد يبقى ماشي في الشارع مرعوب وخايف
دة انا طول ما انا ماشية في الشارع عمالة ابص في وشوش الناس اتلفت حواليا هاين عليا اقعد من الشغل ما نازلش من بيتي ولا انزل ولادي المدارس
حاليا ده اللى تم عندى في البيت اختى و امى مش هيخرجوا من البيت لحد ما البلد تتعدل تانى اللى بنسمعه اليومين دول حتي لو اشاعات فانا مش هفضل اكذبها لحد ما اتأكد منها في امي ولا اختي
اتكلمت معاهم انهارده و اتفقنا ان مفيش خروج حتي للسوق و الطلبات .. كل اللي هما عايزينه هيوصلهم لحد البيت انا او والدي هنجيبه لكن مش هخاطر ابدا ابدا بامي او اختي
بالله عليكي يا اخت نونيتا لو في مقدرتك انك تقعدي من الشغل اقعدي .. اليومين دول صعب جدا اللي بنسمعه حتي لو اشاعه مش مستعدين نتأكد من الاشاعات دي في زملاء ع المنتدي او اهالينا في البيوت
ياااااااااااااااااااااااا ااااااااااااااااااااارب احفظنا ياااااااااااااااااارب
حد لسه مش مقتنع باللى فى الموضوع ؟؟؟؟
خالص ياسيف
معاك والله
لازم تطبق حتي لو حنضطر نقعد في بيوتنا
ماهو الاقتصاد خرب ومش كمان احنا نموت