الموضوع: ميزة جديدة في الباليو !!

هى ال1800 الصينى كانت كام حصان و الtorque كام ؟

المشاركة الأصلية كتبت بواسطة CryptonX

طب بما ان الكلام علي الباليو ... محبوبتي اللعينة !!! شوية مزايا بقى للموديل الاجديد ال 1300 :)

اولا مزايا ملهاش اي لازمة بالنسبة لي :

- Follow me home ... كنت بنوره و اظبطه على 30 ثانية قبل مانزل اول ماجبت العربية .. مش علشان انور الجراج (معنديش) ولا علشان باب الفيلا ... انما علشان اسمع تعليق من حد يقولي انت سايب النور والع و يطفي لوحده بعدها كاني شاورلته ... بمعنى اصح .. احداس !

- الكبوت علشان تفتحه ..بعد ماترفع الرافعة الخاصة بفتحه من الداخل ... فيه بلاستيكة صغير خفية بتطلع من الشبكة الامامية لازم تشدها علشان تفتح الكابوت ..


- لو ركبت الكاسيت الاصلي بتاع العربية حتى لو الدركسون مش ملتي فانكشن . معلومات الاغاني و المحطات بتطلع اوتوماتيكيا على شاشة الTRIP و لما تدوس بنزين اكتر او بمعنى اصح السرعة تزيد .. بتزود صوت الكاسيت علشان تكتم الكلب الي بيعوي قدام .. عم FIRE :)

- ال TRIP الي موجود فيها لو حنقارنه باي سيارة في نفس الثمن ( 60 الى 68 الف ساعتها ) متقدم جدا وفي مزايا وخاصيات كتيرة جدا جدا

,فيه موديل نزل من الباليو 3-4 عربيات تقريبا كان فيه ايرباج و Foglights اصلية و تحكم في مستوى الاضاءة من الكومبيوتر كان اغلى 2000 جنيه تقريبا لكن للاسف ملحقتوش .

- الابواب بتقفل اوتو ماتيكي عند ظغطة اول فرامل او بعد ماتعدي 40 كم فس الساعة او بعد 5 دقائق من القيادة ايهم اقرب


1- فتحات التكييف في التابلوه محطوطو تحت خالص .. تحت الكاسيت ! فطبعا بتبذل مجهود خرافي انها تلطشك في وشك بهواء بارد في الصيف

3- العيب العالمي في كل عربيات فيات ... منافلة وراء !!

هاهاها, أنا بقول على البونتو كدة برضو, بحبها و بكرهها فى نفس الوقت, تقفيل عادى و موتور تعبان و توكيل ضايع و قطع غيار نادرة و كل شهر مشكلة جديدة, بس مش فاهم بحبها ازاى بعد كل دة !! (بس فى خطة خمسية أجيب عربية تانية ان شاء الله مش هقول هى اية دلوقتى)
- الfollow me home كنت بعمله على الفاضى برضو أول ما اشتريت العربية !
- الكابوت بيفتح عادى عندى الحمد لله
- موضوع الكاسيت دة أول مرة أسمع عنه فى الباليو ! و مش عارف اذا كان موجود فى البونتو
- أنا مبسوط برضو ان فى عربيات تانية لحد دلوقتى أغلى و مافيهاش trip computer زى اللى عندى
- موديل 2009 أماترا بقى نزلوه فيه مساند رأس فى الكنبة و فوج لايت و جنوط و بنفس السعر, كنت متضايق قوى بصراحة أيامها
- الأبواب اللى بتقفل دى مش عندى
- لما بوجه فتحات التكيف فى الصيف على بتجيب الهواء الساقع على ايدى و صوابعى بتسقع و أنا ماسك الدركسيون !
و كمان مكان زراير القزاز اللى فى التبلوه غريبة شوية, و اللى بيركب معايا بيتزاول و أقوله أصلها كدة فى الفيرارى
- المنافلة برضو مش لذيذة خالص

المشاركة الأصلية كتبت بواسطة cryptonx

مفيش 1800 صيني ..

الصيني كانت 1500 سي سي - 84 حصان مش فاكر كام العزم بس ماكانش اكتر من 115 مثلا

ال1800 الوحيدة الي كانت موجودة بس بتنزلش مصر كانت برازيلي برده و محرك برده قديم شوية من gm
1800 8 صمامات .. اعتد كان 115 حصان .

وعلى فكرة انا جبت المحرك ده في 2008 تقريبا لقيته في الحرفيين بالصدفة البحتة و كنت ناوي اعملها بس لما عرفت الي حيحصل في العربية من تعديلات علشان يركب و انه هوا في الاخر 115 حصان مقتنعتش اوي و صرفت نظر .

امال يوكو كان بيقول ان الموتور دة شكله كويس و شد معاه و كلام كدة..