هي أنظمة الأمان زي ال Abs , Ebd , .. عليها جمارك ؟!

**Mzeid** · 08-04-2008 12:14 AM

أنا عارف إن الجمارك بتبقى على السعة اللترية للسيارة بس مش عارف فيه جمارك على كماليات و أنظمة الأمان في السيارات و لا لأ ؟!
و الكلام دة أنا قرأته في ملحق أخبارالسارات يوم السبت أول إمبارح على لسان أ/ خالد أباظة رئيس تحريرها

* يجب أن تسارع الجمارك بإعادة النظر في مسألة فرض رسوم جمركية على وسائل الأمان و السلامة داخل السيارات المستوردة .. و العمل على تخفيضها أو إلغائها .. لأن بعض الشركات تلجأ لاستيراد سيارات بدون وسائد هوائية و فرامل ABS حديثة و غيرها لتتجنب دفع جمارك عليها و رفع سعر السيارة .. فتكون النتيجة طرح سيارات في أسواقنا لا يتوافر فيها عوامل السلامة و الأمان لركابها .. مما يزيد من أخطار الحوادث و اعداد المصابين و الموتى !! ..

و الكلام منقول بالحرف و لا حرف زيادة او حرف ناقص !!
إيه رأيكم ؟!

**fahd_628** · 08-04-2008 02:13 AM

فعلا فية جمارك على كل كماليات السيارة علشان كدة حتلاقى اغلبية السيارات منغير Abs و ايرباجز و دة بسبب الجمارك و فعلا انا رأى انة يجب رفع الجمارك من على وسائل الأمان لأنها مهمة جدا

**محمد ابراهيم 1** · 08-04-2008 02:24 AM

هو مفيش جمارك على كماليه معينه وواحده لأ
الجمارك بتحسب سعر العربيه فاضيه وبعدين بتضيف سعر الكماليات وبعدين بتحسب الجمرك
فالجمرك بيزيد لأن السعر زاد مش عشان هى كماليه معينه
ويبقى أنت أكيد أكيد فى مصر