الموضوع: جبهــــه الأنقــــاذ القومــــي

لا اتفق في هذه الجزئية حيث ان من مصلحة الوطن تقليل الفترة الانتقالية بقدر الامكان للآتي :
1- استغلال فعاليات الثورة و اهتمام الشعبي بالحياة السياسية و خوض غمار الانتخابات البرلمانية في الوقت الراهن
2- عدم ترك الفرصة لفلول النظام لجمع قوتهم و اعادة ترتيب اوراقم لاقتناص الفرصة و الاستحواذ مرة اخري علي مقاعد البرلمان
3-رجوع الحياة الطبيعية للبلاد في اقصر وقت ممكن
اما ما ينادي به من تأجيل اعداد الدستور الجديد و مد فرصة لتكوين احزاب او انتخاب رئاسي قبل البرلماني يا اما مش فاهم و منساق وراء شله من دعاة الوطنيه و الثقافة لهم علاقات خفيه مع رموز النظام البائد و اللذين كانو لهم اكبر استفاده بوجوده او مش هامه مصلحة البلد

عموما دى وجه نظر تحترم طبعا
بس فيه اسباب منها ان فعلا انت لو حضرتك شوفت الناس هتلاقى ان معندهمش اى خلفيات سياسيه
دا فيه ناس متعرفش الدستور دا بيعمل ايه او ايه فايدته اصلا!
هيروحوا ينتخبوا ازاى
لما الناس تكون كل معلوماتها على انتخابات مجلس الشعب والشورى هو ان المرشح بيمشى بيعربيه عليها ميكروفون وعليها صوره المحروس وبينادى عليه
وكام يافطه قماش ويوم الانتخابات خمسين جنيه مقطوعه نصين !
كدا هنروح فى داهيه
اعتقد مجلس رآسى ثم دستور جديد ثم انتخابات برلمانيه ورئأسيه هتحقق نتايج افضل
ودا قبله كله
حل الحزب الواطى وتجميد نشاط اعضاوءه سياسيا لمده من 5 - 10 سنوات عشان ميفسدوش الحياه السياسيه فى البلد

المشاركة الأصلية كتبت بواسطة skybird

بس دي مشاكل عندنا بس وكل بلد له مشاكله
وكمان لا يوجد تنويه بقومية المشروع

على الاقل احنا بنتكلم فى الحاجات اللى ممكن تتحقق على المدى القريب
انما لو اتكلمنا فى المشورع التانى اللى لسه فى محل دراسه هيكون كلام فى غير محله