اية اخبار العصبية معاكم

**bodo122** · 08-03-2011 08:28 AM

كنت عايز اعرف اية اخبار العصبية معاكم ، لان اخوكم عصبى ودة للاسف بيوقعنى فى مشاكل كثيرة سواء كانت فى الشغل ولا البيت ولا الشارع وما يتبعة ذلك من مواقف محرجة والواحد مش عارف يعمل اية
ساعات بفكر مع نفسى الاقى انى تقريبا وقعت فى مشاكل مع اغلب الناس مفيش حد اعرفة الا وحصلت مشاكل معاة
مع العلم انى لااعانى من اى مشاكل مادية او اسرية والحمداللة

**dr.amr** · 08-03-2011 08:51 AM

والله ياباشا الوسط اللي عايشين فيه والضغوط لازم تخليك عصبي
بس لازم تحاول تهدي نفسك
هتتعب قوي في الاول بس هتستريح بعد كده
انما مقولتش ايه اللي بيعصبك او بيستفزك

**fepsceasar** · 08-03-2011 09:20 AM

اهم حاجة ما تقولش اى حاجة ولا تاخد اى قرار وانت متعصب حتى لو الكلام على طرطوفة لسانك ما تقولوش الا لما تهدى ولما تهدى هتحس انه ما كنش له لازمة تقولوا، انا بحاول اتدرب على الموضوع ده لانه مش سهل ، المشكلة ان فى ناس ممكن تبقى غلطانة فيا ولما اتعصب تركبنى الغلط ، فلما اتعودت انى ما اتصرفش اثناء الغضب الموضوع ده اتحسن شوية
وافتكر توجية رسول الله " ليس الشديد بالصرعة وإنما الشديد الذي يملك نفسه عند الغضب " و الصرعة تعني الذي يصرع غيره بقوة و يغلبه

**bodo122** · 08-03-2011 09:49 AM

المشاركة الأصلية كتبت بواسطة fepsceasar

اهم حاجة ما تقولش اى حاجة ولا تاخد اى قرار وانت متعصب حتى لو الكلام على طرطوفة لسانك ما تقولوش الا لما تهدى ولما تهدى هتحس انه ما كنش له لازمة تقولوا، انا بحاول اتدرب على الموضوع ده لانه مش سهل ، المشكلة ان فى ناس ممكن تبقى غلطانة فيا ولما اتعصب تركبنى الغلط ، فلما اتعودت انى ما اتصرفش اثناء الغضب الموضوع ده اتحسن شوية
وافتكر توجية رسول الله " ليس الشديد بالصرعة وإنما الشديد الذي يملك نفسه عند الغضب " و الصرعة تعني الذي يصرع غيره بقوة و يغلبه

الكلام اللى حضرتك بتقولة مضبوط لسة من شهر حصلى موقف لم اكن الغلطان فى البداية و لكن من انفعالى بقيت انا الغلطان و اعتذرت علشان الموقف يتلم

**MOUSTAFA_SAAD** · 08-03-2011 11:01 AM

انا نفس الموضوع بس انا عندى اسباب وان كان ده لا اعتبره مبرر

**jisso82** · 08-03-2011 11:42 AM

أنا عندى تجربة مختلفة أنا كنت هادى جدا و بعدين بقيت عصبى أوى رغم إن شكلى بيدى هادى فى الأول بدون تعامل.
المشاكل المادية أحيانا مش بتبقى ظاهرة بمعنى إنك ممكن تبقى نفسك فى حاجة و مش قادر تجيبها فده يعصبك زى نفسك فى يخت مثلا ده ممكن يكون حلم بس ايه اللى منعك إنك تجيبه (مشاكل مادية) لأنك مش معاك تمنه ده مجرد مثال طبعا فقصة المشاكل المادية دى نسبية مش لازم تبقى مديون طول الوقت و مش لاقى تاكل عشان تبقى عندك مشاكل مادية و بعدين الزحمة بتخلق عصبية و السواقة فى بلدنا بسلوكيات السواقين اللى حواليك بتخلق عصبية و تعامل الصنايعية معاك بيخلق عصبية و استغلال التجار و مج النسكافيه اللى بتشربه على القهوة ب3 جنيه و فى أى كافيه ب25 جنيه و كذلك كباية البرتقال. حرقة الدم السياسية و دى يمكن تكون أهم عوامل العصبية اليومين دول لما تلاقى مبارك كان ملاك نازل من السماء و إن الشعب كله كان ناكر للجميل و بيعض الإيد اللى اتمدتله و تبص تلاقى جسمك كله عض سواء اضطهاد أو تتمييز عنصرى أو تمييز دبلوماسى أو تمييز اقتصادى أو تمييز قرايبى أو تمييز منصبى أو أى تمييز من اللى كان ماشى عندنا فى البلد
فيه حاجات كتير جدا ممكن تخليك عصبى غير المشاكل المادية و الأسرية