الموضوع: تحذير من السرعة ادخل من فضلك

السلام عليكم ورحمة الله وبركاته
انا حبيت اعمل الموضوع ده علشان كل اللى فى المنتدى يتعظ وربنا يكفينا شر الحوادث
انا كنت راجع من كارفور المعادى وواخد الدائرى حتى طريق اسكندرية الزراعى وكانت الساعه حوالى 1 بالليل وكان الطريق فاضى وكنت ماشى على حوالى 120 وفجأه لقيت حفرة فى وسط الطريق الدائرى وحاولت افاديها كانت العربية حتتقلب بيا والحمد لله ربنا سترها ومش عايز اقول لكم اللى حصل فى العربية والله الجنط اللى ورا اتعوج وطبعا العجلة نامت ومابقتش عارف اروح ازاى لانى لقيت الكوريك بايظ وطبعا المساعد اللى ورا باظ من الحفرة دى وده كله لانى كنت معتمد على انى سواق كويس والعربية جامدة مع العلم انها( شاهين) ولكن اتضح ان السواقة ملهاش كبير ومن ساعتها والله وانا بطلت اجرى بالعربية لان السرعة بتبوظ حاجات كتيرة ممكن تكونوا ما بتخدوش باكم منها بس انا بدرس الحاجات دى فى الكلية لانى فى كلية هندسة فالسرعة بتأثر على
1-بلى العجل بيبوظ نتيجة الغرز
2-بتأثر على المساعدين لانك بتضطر تاخد المطبات بسرعة
3_طبعا بتأشر على الشاسية من عنف المطبات
4_بتأثر طبعا على الموتور وتعجل بعمرة لانك بتضطر تقرص على الموتور وانا عندى الموتور رشح زيت بسبب القرص عليه
واتمنى من الله ان يهدينا جميعا ويكفينا شر السرعة وشكرا

الف حمد الله عالسلامه
والحمد لله انها جت على قد كدا
بس صدقني دي مش غلطتك انت.. لان من كلامك دا طريق سريع
مفروض فيه حاجه اسمها صيانه للطرق
كنت في السعوديه وكان فيه هيئه مخصصه لصيانة الطرق
دايما وانا ماشي على اي طريق سريع كنت اشوف عربيات الهيئه دي ماشيه على جنب الطريق تعمل تشك بطول الطريق
معرفش الحاجات دي فين هنا